ಮುಂಬಯಿ : ಷೇರುಪೇಟೆಯಲ್ಲಿ ಬಿಎಸ್ಇ ಸೆನ್ಸೆಕ್ಸ್ ಮತ್ತು ಎನ್ಎಸ್ಇ ನಿಫ್ಟಿ ಸತತ ಐದು ದಿನಗಳ ಏರಿಕೆ ಸಾರ್ವಕಾಲಿಕ ಎತ್ತರ ದಾಖಲೆ ನಿರ್ಮಿಸಿದ ಬಳಿಕ ದಿಢೀರ್ ಕುಸಿತ ಕಾಣಲಾರಂಭಿಸಿದೆ. ಗುರುವಾರದ ವಹಿವಾಟಿನಲ್ಲಿ ಸೆನ್ಸೆಕ್ಸ್ 144 ಅಂಶ ಇಳಿದರೆ, ನಿಫ್ಟಿ 50ಕ್ಕೂ ಹೆಚ್ಚು ಅಂಶ ಇಳಿಕೆ ದಾಖಲಿಸಿದೆ. ಎಚ್ಡಿಎಫ್ಸಿ, ರಿಲಯನ್ಸ್ ಇಂಡಸ್ಟ್ರೀಸ್ ಮತ್ತು ಐಸಿಐಸಿಐ ಬ್ಯಾಂಕ್ ಷೇರುಗಳು ಹೆಚ್ಚಿನ ನಷ್ಟ ಅನುಭವಿಸಿವೆ.
ಇಂದಿನ ವಹಿವಾಟಿನಲ್ಲಿ ಸೆನ್ಸೆಕ್ಸ್ 143.62 ಅಂಶ ಇಳಿದು 45,959.88 ಅಂಶದಲ್ಲಿ ಕೊನೆಗೊಂಡಿದೆ. ನಿಫ್ಟಿ 13,478.30 ಅಂಶದಲ್ಲಿ ದಿನದ ವಹಿವಾಟು ಮುಕ್ತಾಯವಾಗಿದೆ. ಸೆನ್ಸೆಕ್ಸ್ನಲ್ಲಿ ಅಲ್ಟ್ರಾಟೆಕ್ ಸಿಮೆಂಟ್ ಷೇರು ಗರಿಷ್ಠ ಶೇಕಡ 3 ಕುಸಿದರೆ, ಎಂಆ್ಯಂಡ್ಎಂ, ಎಚ್ಡಿಎಫ್ಸಿ ಬ್ಯಾಂಕ್, ಇಂಡಸ್ಇಂಡ್ ಬ್ಯಾಂಕ್, ಏಕ್ಸಿಸ್ ಬ್ಯಾಂಕ್, ರಿಲಯನ್ಸ್ ಇಂಡಸ್ಟ್ರೀಸ್ ಮತ್ತು ಐಸಿಐಸಿಐ ಬ್ಯಾಂಕ್ ಷೇರುಗಳು ನಷ್ಟ ಅನುಭವಿಸಿವೆ. ಇನ್ನೊಂದೆಡೆ, ನೆಸ್ಟ್ಲೆ ಇಂಡಿಯ, ಐಟಿಸಿ, ಎಚ್ಯುಎಲ್, ಕೊಟಾಕ್ ಬ್ಯಾಂಕಿನ ಷೇರುಗಳು ಲಾಭಗಳಿಸಿವೆ.
ಇದನ್ನೂ ಓದಿ: ಲಕ್ಷಾಂತರ ರೂ. ಖರ್ಚು ಮಾಡಿ ಮದ್ವೆಯಾದೆ- ಹೆಂಡ್ತಿ ಮುಟ್ಟಲು ಬಿಡುತ್ತಿಲ್ಲ: ದುಡ್ಡೂ ಇಲ್ಲ, ಪತ್ನಿಯೂ ಸಿಗದ ನನಗೇನು ಪರಿಹಾರ?
ಜಾಗತಿಕವಾಗಿಯೂ ಷೇರುಪೇಟೆಯಲ್ಲಿ ಮಿಶ್ರವಹಿವಾಟು ನಡೆದಿದ್ದು, ಏಷ್ಯಾದಲ್ಲಿ ಹಾಂಕಾಂಗ್, ಸಿಯೋಲ್, ಟೋಕಿಯೋಗಳಲ್ಲಿನ ಷೇರುಪೇಟೆ ನಷ್ಟ ಅನುಭವಿಸಿದರೆ, ಶಾಂಘೈ ಪೇಟೆ ಲಾಭದಲ್ಲಿ ವಹಿವಾಟು ಮುಗಿಸಿದೆ. (ಏಜೆನ್ಸೀಸ್)
ಕ್ಷಣ ಕ್ಷಣದ ಸುದ್ದಿಗಳ ಅಪ್ಡೇಟ್ಸ್ಗಾಗಿ ನಮ್ಮ ಫೇಸ್ಬುಕ್ ಪುಟ ಲೈಕ್ ಮಾಡಿ ಮತ್ತು ಫಾಲೋ ಮಾಡಿ..
ಬಂಗಾಳದಲ್ಲಿ ಟಿಎಂಸಿ ಬೆಂಬಲಿಗರಿಂದ ಕಲ್ಲು ತೂರಾಟ- ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಜೆ.ಪಿ.ನಡ್ಡಾ ಪಾರು..