ಮುಂಬೈ: ಭಾರತೀಯ ಷೇರುಪೇಟೆಯಲ್ಲಿ ಬಾಂಬೆ ಸ್ಟಾಕ್ ಎಕ್ಸ್ಚೇಂಜ್ (ಬಿಎಸ್ಇ) ಸೂಚ್ಯಂಕ ಸೆನ್ಸೆಕ್ಸ್ ಮಂಗಳವಾರ ಮತ್ತೆ ಸಾರ್ವಕಾಲಿಕ ಎತ್ತರಕ್ಕೆ ಏರಿ ದಾಖಲೆ ನಿರ್ಮಿಸಿದೆ. ಮಂಗಳವಾರದ ವಹಿವಾಟಿನ ಆರಂಭದ ವೇಳೆ ಬಿಎಸ್ಇ ಸೆನ್ಸೆಕ್ಸ್ ತನ್ನ ಸಾರ್ವಕಾಲಿಕ ದಾಖಲೆ ಮಟ್ಟ 44,161.16ಕ್ಕೆ ತಲುಪಿತ್ತು. ದಿನದ ಅಂತ್ಯಕ್ಕೆ 314.73 (ಶೇ.0.72) ಅಂಶ ಏರಿಕೆ ಕಂಡು 43.952.71ಕ್ಕೆ ವಹಿವಾಟು ಅಂತ್ಯಗೊಳಿಸಿದೆ.
ನ್ಯಾಷನಲ್ ಸ್ಟಾಕ್ ಎಕ್ಸ್ಚೇಂಜ್ (ಎನ್ಎಸ್ಇ) ಸೂಚ್ಯಂಕ ನಿಫ್ಟಿ ಕೂಡ ಇಂಟ್ರಾ ಡೇ ವಹಿವಾಟಿನಲ್ಲಿ ಸಾರ್ವಕಾಲಿಕ 12,934.05 ಅಂಶದೆತ್ತರ ಏರಿಕೆ ಆಗಿತ್ತು. ಬಳಿಕ ದಿನದ ಅಂತ್ಯಕ್ಕೆ 93.95 ಅಂಶ ಏರಿಕೆಯೊಂದಿಗೆ 12,874.20 ಅಂಶದಲ್ಲಿ ವಹಿವಾಟು ಮುಗಿಸಿದೆ.
ಇದನ್ನೂ ಓದಿ: ಜನೌಷಧ ಕೇಂದ್ರದಿಂದ ಜನಸಾಮಾನ್ಯರಿಗೆ ಲಾಭ, ಡಾ.ರಾಜೇಂದ್ರಕುಮಾರ್ ಅಭಿಮತ
ಸೆನ್ಸೆಕ್ಸ್ ಪಟ್ಟಿಯಲ್ಲಿ ಟಾಟಾ ಸ್ಟೀಲ್ ಷೇರು ಮೌಲ್ಯ ಶೇ.6.24 ಹೆಚ್ಚಾಗಿದೆ. ಎಸ್ಬಿಐ, ಎಚ್ಡಿಎಫ್ಸಿ ಬ್ಯಾಂಕ್, ಬಜಾಜ್ ಫೈನಾನ್ಸ್, ಆಕ್ಸಿಸ್ ಬ್ಯಾಂಕ್, ಎಲ್ ಆಂಡ್ ಟಿ, ಮಾರುತಿ, ಇಂಡಸ್ಲ್ಯಾಂಡ್ ಬ್ಯಾಂಕ್ ಮತ್ತು ಎಚ್ಡಿಎಫ್ಸಿ ಲಾಭ ಗಳಿಸಿವೆ. ಮತ್ತೊಂದೆಡೆ ಎನ್ಟಿಪಿಸಿ, ಎಚ್ಸಿಎಲ್ ಟೆಕ್, ಒಎನ್ಜಿಸಿ, ಇನ್ಪೋಸಿಸ್, ಐಟಿಸಿ, ಪವರ್ ಗ್ರಿಡ್ ಹಾಗೂ ಹಿಂದುಸ್ಥಾನ್ ಅನಿಲ್ವೆರ್ ಷೇರುಗಳ ಮೌಲ್ಯ ಇಳಿಕೆ ಕಂಡಿವೆ. (ಏಜೆನ್ಸೀಸ್)