ಕರೊನಾ ಲಾಕ್ಡೌನ್ ಸಮಯವನ್ನು ತನ್ನ ಫ್ಯಾಮಿಲಿ ಜತೆ ಮನೆಯಲ್ಲೇ ಕಳೆಯುತ್ತಿರುವ ಭಾರತೀಯ ಕ್ರಿಕೆಟ್ನ ಆರಾಧ್ಯ ದೈವ ಸಚಿನ್ ತೆಂಡೂಲ್ಕರ್ ಅವರು ಮಗಳು ಸಾರಾ ಮಾಡಿಕೊಟ್ಟ ತಿಂಡಿಯೊಂದರ ರುಚಿ ಸವಿದು ದಿಲ್ ಖುಷ್ ಆಗಿದ್ದಾರೆ. ಒಂದು ಪ್ಲೇಟ್ ತುಂಬಾ ಇದ್ದ ತಿನಿಸನ್ನು ಕೇವಲ 60 ಸೆಕೆಂಡ್ನಲ್ಲಿ ಅಂದರೆ, ಒಂದೇ ನಿಮಿಷದಲ್ಲಿ ತಿಂದು ಮುಗಿಸಿದ್ದಾರಂತೆ. ಅಂದಹಾಗೆ, ಆ ತಿಂಡಿಯಾದರೂ ಏನು ಗೊತ್ತಾ?
ತನ್ನ ಪ್ರೀತಿಯ ಅಪ್ಪನಿಗೆ ಖುದ್ದು ಮಗಳೇ ‘ಬೀಟ್ರೂಟ್ ಕಬಾಬ್’ ತಯಾರಿಸಿ ಉಣಬಡಿಸಿದ್ದಾಳೆ. ಒಂದು ಪ್ಲೇಟ್ನಲ್ಲಿ ಸುಮಾರು 8-9 ಫೀಸ್ ಬೀಟ್ರೂಟ್ ಕಬಾಬ್ ಹಾಕಿ ಮಗಳು ಅಪ್ಪನ ಕೈಗೆ ಇಡುತ್ತಿದ್ದಂತೆ ಅದನ್ನೆಲ್ಲ ಖುಷಿಯಿಂದ ಒಮ್ಮೆಲೆ ತಿಂದು ಮುಗಿಸಿದ್ದಾರೆ. ಈ ಬಗ್ಗೆ ಅವರು ಬುಧವಾರ ತಮ್ಮ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ ಮಹಿಳಾ ಪಿಎಸ್ಐಗೆ ಬೆದರಿಕೆಯೊಡ್ಡಿದ್ರಾ ಮಂಡ್ಯ ಬಿಜೆಪಿ ಜಿಲ್ಲಾಧ್ಯಕ್ಷ? ಮಂಗಳವಾರ ರಾತ್ರಿ ನಡೆದಿದ್ದೇನು?
ಸಚಿನ್ ಬೀಟ್ರೂಟ್ ಕಾಬಾಬ್ ತುಂಬಿದ ತಟ್ಟೆಯನ್ನು ಹಿಡಿದಿರುವ ಮತ್ತು ಎಲ್ಲವನ್ನೂ ತಿಂದಾದ ಮೇಲೆ ಪ್ಲೇಟ್ ಖಾಲಿ ಆಗಿರುವುದನ್ನು ಅಪ್ಪ-ಮಗಳು ತೋರಿಸುತ್ತಿರುವ ಚಿತ್ರಗಳನ್ನು ಇನ್ಸ್ಟಾಗ್ರಾಂನಲ್ಲಿ ಅಪ್ಲೋಡ್ ಮಾಡಿರುವ ತೆಂಡೂಲ್ಕರ್, ಮಗಳು ಸಾರಾಗೆ ಧನ್ಯವಾದ ತಿಳಿಸಿದ್ದಾರೆ. ತಿನಿಸು ಬಹಳ ರುಚಿಯಾಗಿತ್ತು. ಎಲ್ಲವನ್ನೂ 60 ಸೆಂಕೆಂಡಲ್ಲಿ ತಿಂದು ಖಾಲಿ ಮಾಡಿಬಿಟ್ಟೆ ಎಂದೂ ಬರೆದುಕೊಂಡಿದ್ದಾರೆ.
ವಿಶ್ವ ಕ್ರಿಕೆಟ್ನ ಬ್ಯಾಂಟಿಂಗ್ ದಿಗ್ಗಜನ ಈ ಫೋಟೋಗೆ ಲಕ್ಷಾಂತರ ಲೈಕ್ಸ್, ಕಮೆಂಟ್ಗಳು ಬರುತ್ತಿವೆ. ಇನ್ನು ಸಚಿನ್ ಸಂತಸಕ್ಕೆ ಕಾರಣವಾದ ಮಗಳು ಸಾರಾ ತೆಂಡೂಲ್ಕರ್ಗೆ ಅಭಿನಂದನೆಯ ಮಹಾಪೂರವೇ ಹರಿದುಬರುತ್ತಿವೆ.