ಹೈದರಾಬಾದ್: ಕಳೆದ ವರ್ಷದ ಅತೀ ನಿರೀಕ್ಷಿತ ಚಿತ್ರಗಳಲ್ಲಿ ಪ್ರಭಾಸ್ ಅಭಿನಯದ ‘ಸಾಹೋ’ ಚಿತ್ರವೂ ಒಂದು. ‘ಬಾಹುಬಲಿ 2’ನಂತಹ ಸೂಪರ್ ಹಿಟ್ ಚಿತ್ರದ ನಂತರ ಬಿಡುಗಡೆಯಾದ ಚಿತ್ರವಾದ್ದರಿಂದ, ‘ಸಾಹೋ’ ಬಗ್ಗೆ ಪ್ರೇಕ್ಷಕರಿಗೆ ಸಾಕಷ್ಟು ನಿರೀಕ್ಷೆ ಮತ್ತು ಕೂತಹಲಗಳಿದ್ದವು. ಆದರೆ. ಜನರ ನಿರೀಕ್ಷೆಗೆ ನಿಲುಕುವುದಕ್ಕೆ ಈ ಚಿತ್ರಕ್ಕೆ ಸಾಧ್ಯವಾಗಲಿಲ್ಲ.
ಇದನ್ನೂ ಓದಿ: ಮೊಮ್ಮಗ ಬಂದಿದ್ದು ಸಮುದ್ರಮಂಥನ ಆಗಿ ಕ್ಷೀರಸಾಗರದಿಂದ ಅಮೃತ ಸಿಕ್ಕಂತಾಗಿದೆ: ಸುಂದರ್ ರಾಜ್
‘ಸಾಹೋ’ ಚಿತ್ರವು ಬರೀ ಚಿತ್ರಮಂದಿರಗಳಲ್ಲಿ ಫ್ಲಾಪ್ ಆಗಿದ್ದಷ್ಟೇ ಅಲ್ಲ, ಟಿವಿಯಲ್ಲೂ ಫ್ಲಾಪ್ ಎಂದನಿಸಿಕೊಂಡಿದೆ. ಇತ್ತೀಚೆಗೆ ಈ ಚಿತ್ರವು ಜೀ ತೆಲುಗುನಲ್ಲಿ ಪ್ರದರ್ಶನವಾಗಿದ್ದು, ಅತೀ ಕಡಿಮೆ ಟಿವಿಆರ್ ಪಡೆಯುವ ಮೂಲಕ ಫ್ಲಾಪ್ ಎಂದನಿಸಿಕೊಂಡಿದೆ.
ಅಕ್ಟೋಬರ್ 18ರಂದು, ‘ಸಾಹೋ’ ಚಿತ್ರವು ಜೀ ತೆಲುಗು ಚಾನಲ್ನಲ್ಲಿ ಪ್ರೀಮಿಯರ್ ಆಗಿತ್ತು. ಚಿತ್ರಮಂದಿರಗಳಲ್ಲಿ ಹೆಚ್ಚು ಯಶಸ್ವಿಯಾಗದ ಈ ಚಿತ್ರ, ಕಿರುತೆರೆಯಲ್ಲಾದರೂ ಯಶಸ್ವಿಯಾಗಬಹುದು, ಜನ ನೋಡಬಹುದು ಎಂದು ಚಿತ್ರತಂಡದವರು ನಿರೀಕ್ಷಿಸಿದ್ದರು. ಆದರೆ, ಟಿಆರ್ಪಿ ಪಟ್ಟಿ ನೋಡಿ ಎಲ್ಲರಿಗೂ ಶಾಕ್ ಆಗಿದೆ. ಏಕೆಂದರೆ, ಈ ಚಿತ್ರಕ್ಕೆ 5.82 ಟಿವಿಆರ್ ಸಿಕ್ಕಿದ್ದು, ಅತೀ ಕಡಿಮೆ ಎಂದು ಹೇಳಲಾಗುತ್ತಿದೆ.
ಅಂದಹಾಗೆ, ಆಂಧ್ರ ಕಿರುತೆರೆಯಲ್ಲೇ ಇದುವರೆಗೂ ಅತೀ ಹೆಚ್ಚು ಟಿಆರ್ಪಿ ಸಿಕ್ಕ ಚಿತ್ರ ಎಂದರೆ, ಅದು ಅಲ್ಲು ಅರ್ಜುನ್ ಅಭಿನಯದ ‘ಅಲಾ ವೈಕುಂಠಪುರಂಲೋ’ ಎಂದು ಹೇಳಲಾಗುತ್ತದೆ. ಈ ವರ್ಷದ ಆರಂಭದಲ್ಲಿ ಬಿಡಗುಡೆಯಾದ ಈ ಚಿತ್ರವನ್ನು ಕೆಲವು ತಿಂಗಳುಗಳ ಹಿಂದೆ ಟಿವಿಯಲ್ಲಿ ಬಿಡುಗಡೆ ಮಾಡಲಾಗಿತ್ತು. ದಾಖಲೆಯ 27 ಟಿವಿಆರ್ ಪಡೆಯುವ ಮೂಲಕ, ಅತೀ ಹೆಚ್ಚು ಟಿಆರ್ಪಿ ಗಿಟ್ಟಿಸಿದ ಚಿತ್ರ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಇನ್ನು ಮಹೇಶ್ ಬಾಬು ಅಭಿನಯದ ‘ಸರಿಲೇರು ನೀಕೆವ್ವರು’ ಚಿತ್ರಕ್ಕೆ 23 ಟಿವಿಆರ್ ಸಿಗುವ ಮೂಲಕ ಎರಡನೆಯ ಸ್ಥಾನದಲ್ಲಿದೆ.
ಇದನ್ನೂ ಓದಿ: ಪಕ್ಷ ನೋಡಿ ನಾನು ಪ್ರಚಾರಕ್ಕೆ ಬರುವುದಿಲ್ಲ, ವ್ಯಕ್ತಿ ನೋಡಿ ಕ್ಯಾಂಪೇನ್ ಮಾಡುತ್ತೇನೆ: ದರ್ಶನ್
‘ಸಾಹೋ’ ಚಿತ್ರಕ್ಕೆ ಈ ದಾಖಲೆಗಳನ್ನು ಮುರಿಯುವುದಕ್ಕೆ ಸಾಧ್ಯವಾಗದಿದ್ದರೂ, ಕನಿಷ್ಠ ಪಕ್ಷ 20 ಟಿವಿಆರ್ ಆದರೂ ಸಿಗಬಹುದು ಎಂಬ ನಿರೀಕ್ಷೆ ಇತ್ತು. ಆದರೆ, 5.80 ಟಿವಿಆರ್ ಸಿಗುವ ಮೂಲಕ ಪ್ರಭಾಸ್ ಚಿತ್ರವು ಎಲ್ಲರ ನಿರೀಕ್ಷೆಯನ್ನು ತಲೆಕೆಳಗೆ ಮಾಡಿದೆ.
PHOTO GALLERY| ಕಾಜಲ್ ಕಲ್ಯಾಣ; ಮೆಹೆಂದಿ, ಅರಿಶಿನ ಶಾಸ್ತ್ರದ ಫೋಟೋಗಳು ಇಲ್ಲಿವೆ