ನವದೆಹಲಿ: ದೊಡ್ಡ ವೈದ್ಯೆಯಾಗುವ ಕನಸು ಕಂಡಿದ್ದ ಯುವತಿಯೊಬ್ಬಳು ವೈದ್ಯಕೀಯ ಪರೀಕ್ಷೆಯಲ್ಲಿ ಫೇಲ್ ಆಗಿದ್ದಕ್ಕೆ ಹಿಂದೆ ಮುಂದೆ ಯೋಚನೆ ಮಾಡದೇ ಆತ್ಮಹತ್ಯೆಗೆ ಶರಣಾಗಿರುವ ಘಟನೆ ದೆಹಲಿಯಲ್ಲಿ ನಡೆದಿದೆ.
ದೆಹಲಿಯ ಐಟಿಒನಲ್ಲಿರುವ ಮೌಲಾನಾ ಆಜಾದ್ ಮೆಡಿಕಲ್ ಕಾಲೇಜಿನ ದಿವ್ಯಾ ಯಾದವ್ (19) ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ. ಮಹಿಳಾ ಹಾಸ್ಟೆಲ್ನಲ್ಲಿ ವಾಸಿಸುತ್ತಿದ್ದ ಈಕೆ ಯಾರೂ ಇಲ್ಲದ ವೇಳೆ ನೇಣಿಗೆ ಶರಣಾಗಿದ್ದಾಳೆ.
ಇತ್ತೀಚೆಗೆ ನಡೆದ ಪರೀಕ್ಷೆಯ ಎರಡು ಪೇಪರ್ಗಳಲ್ಲಿ ದಿವ್ಯಾ ಅನುತ್ತೀರ್ಣಳಾಗಿದ್ದಳು. ಅಂದಿನಿಂದ ತುಂಬಾ ಖಿನ್ನತೆಯಲ್ಲಿ ಇದ್ದಳು. ಮಮ್ಮಿ-ಡ್ಯಾಡಿಗೆ ಹೇಗೆ ಮುಖ ತೋರಿಸಲಿ? ಇಷ್ಟೊಂದು ಖರ್ಚು ಮಾಡಿ ನನ್ನನ್ನು ಓದಿಸಿದ್ದಾರೆ. ಅವರ ಬಳಿ ಯಾವ ಮುಖವಿಟ್ಟು ಹೋಗಲಿ ಎಂದು ಪದೇ ಪದೇ ಹೇಳುತ್ತಿದ್ದಳು. ನಾವೆಲ್ಲಾ ಆಕೆಗೆ ಸಮಾಧಾನ ಮಾಡಿದ್ದೆವು ಎಂದು ದಿವ್ಯಾಳ ರೂಮ್ಮೇಟ್ಗಳು ಹೇಳಿದ್ದಾರೆ.
ಬೆಳಗ್ಗೆ ಯಾರೂ ಇಲ್ಲದ ವೇಳೆ ದಿವ್ಯಾ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ. ಕೊಠಡಿಯ ಒಳಗಿನಿಂದ ಚಿಲಕ ಹಾಕಿದ್ದ ಕಾರಣ ಹಾಸ್ಟೆಲ್ ಸಿಬ್ಬಂದಿ ಬಾಗಿಲನ್ನು ಒಡೆದು ತೆರೆದರು. ಈ ವೇಳೆ ರಿಜಿಸ್ಟರ್ನಲ್ಲಿ ಡೆತ್ನೋಟ್ ಪತ್ತೆಯಾಗಿದೆ. ದಿವ್ಯಾಳ ಮೊಬೈಲ್ ವಶಕ್ಕೆ ಪಡೆಯಲಾಗಿದ್ದು, ಪೊಲೀಸರು ಪರಿಶೀಲನೆ ನಡೆಸುತ್ತಿದ್ದಾರೆ. ಮರಣೋತ್ತರ ಪರೀಕ್ಷೆಯ ನಂತರ ಶವವನ್ನು ಆಕೆಯ ಕುಟುಂಬಕ್ಕೆ ಪೊಲೀಸರು ಹಸ್ತಾಂತರಿಸಲಿದ್ದಾರೆ.
ಪ್ಲೀಸ್ ಟ್ರಾನ್ಸ್ಫರ್ ಮಾಡಬೇಡಿ, ಮನೆ ಸ್ಥಿತಿ ಸರಿಯಿಲ್ಲ ಎಂದರೂ ಮುಖ್ಯ ಶಿಕ್ಷಕನ ವರ್ಗ: ಹೃದಯಾಘಾತದಿಂದ ಸಾವು!