ರಷ್ಯಾ: ಮೀನು ಹಿಡಿಯಲು ಹೋಗಿದ್ದ ಮೀನುಗಾರರು ಮರಳಿದ ಮೇಲೆ ಅವರಿಗೊಂದು ಆಶ್ಚರ್ಯ ಕಾದಿತ್ತು. ತಾವು ನಿಲ್ಲಿಸಿ ಹೋಗಿದ್ದ 45 ಕಾರುಗಳೇ ನೀರಿನಲ್ಲಿ ಮುಳುಗಿದ್ದವು.
ತಮ್ಮ ಕಾರುಗಳನ್ನು ಹೆಪ್ಪುಗಟ್ಟಿದ ಮಂಜುವಿನ ಮೇಲೆ ಬಿಟ್ಟು ಹೋಗಿದ್ದರು. ಬರುವಷ್ಟರಲ್ಲಿ ಮಂಜು ಕರಗಿ ಕಾರುಗಳು ನೀರಿನಲ್ಲಿ ಅಂದಾಜು 7 ಅಡಿಗಳಷ್ಟು ಮುಳುಗಿದ್ದವು.
ರಷ್ಯಾದ ವ್ಲಾಡಿವೋಸ್ಟಾಕ್ ಬಳಿಯ ವೊಯೆವೊಡಾ ಸಮುದ್ರ ತೀರದಲ್ಲಿ ಈ ಅವಘಡ ನಡೆದಿದೆ. ವೊಯೆವೊಡಾ ಸಮುದ್ರ ತೀರ ಮಂಜಿನಿಂದ ಆವೃತವಾಗಿದ್ದು ಕಾರುಗಳು ಅರ್ಧಂಬರ್ಧ ಮುಳುಗಿದ ಸ್ಥಿತಿಯಲ್ಲಿದ್ದವು.
ಅದೃಷ್ಟವಶಾತ್ ಹೀಗೆ ಮಂಜಿನ ಹಲಗೆಗಳನ್ನು ಒಡೆದು ಮುಳುಗಿದ ಕಾರಿನಲ್ಲಿ ಯಾರು ಇರಲಿಲ್ಲ. ಪ್ರತ್ಯಕ್ಷದರ್ಶಿಯೊಬ್ಬರ ಪ್ರಕಾರ, ಸಾಲಿನಲ್ಲಿ ನಿಂತಿದ್ದ ವಾಹನಗಳು ಮಂಜುವಿನ ಹಲಗೆ ಒಡೆಯುತ್ತಿದ್ದಂತೆ ನೀರಿನಲ್ಲಿ ಮುಳುಗಿದವು. ಕೆಲ ವಾಹನಗಳ ಟಾಪ್ ಮಾತ್ರ ಕಾಣುವಷ್ಟು ಮುಳುಗಿಹೋಗಿದ್ದವು. ಅದನ್ನು ನೋಡಲು ಭಯವಾಗುತ್ತಿತ್ತು ಎಂದಿದ್ದಾರೆ.
ಮೀನು ಹಿಡಿಯುವುದಕ್ಕಾಗಿ ಕಾರು ನಿಲ್ಲಿಸಿ ಹೋಗಿದ್ದ ಅವರಿಗೆ ಮಂಜುಗಡ್ಡೆ ಒಡೆದು ನೀರಿನಲ್ಲಿ ಮುಳುಗಿರುವ ಕಾರಿನಲ್ಲೇ ಮೀನು ಹಿಡಿಯಬಹುದಿತ್ತು ಎನ್ನಿಸಿರಬೇಕು. (ಏಜೇನ್ಸೀಸ್)