ನವದೆಹಲಿ: ನಟ ಸುಶಾಂತ್ ಸಿಂಗ್ ನಿಗೂಢ ಸಾವಿನ ಬಳಿಕ ಬಾಲಿವುಡ್ನಲ್ಲಿ ಉಂಟಾಗಿರುವ ಅಲ್ಲೋಲ-ಕಲ್ಲೋಲಗಳು ಸಂಸತ್ತಿನಲ್ಲೂ ಪ್ರತಿಧ್ವನಿಸಿವೆ. ಮತ್ತೊಂದೆಡೆ ಸಂಸತ್ ಭವನದ ಮುಂದೆ ಸೋಮವಾರ ಇದೇ ಹಿನ್ನೆಲೆಯಲ್ಲಿ ‘ದ್ರೌಪದಿ’ಯ ಪ್ರತಿಭಟನೆಯೂ ನಡೆದಿದೆ.
ದೂರದರ್ಶನದಲ್ಲಿ ಪ್ರಸಾರವಾಗುತ್ತಿದ್ದ ಮಹಾಭಾರತ ಧಾರಾವಾಹಿಯಲ್ಲಿ ದ್ರೌಪದಿಯ ಪಾತ್ರ ವಹಿಸಿದ್ದ ನಟಿ, ಪ್ರಸ್ತುತ ರಾಜ್ಯಸಭಾ ಸದಸ್ಯೆಯೂ ಆಗಿರುವ, ಬಿಜೆಪಿಯ ರೂಪಾ ಗಂಗೂಲಿ ಅವರು ಬಾಲಿವುಡ್ ಬೆಳವಣಿಗೆ ಹಿನ್ನೆಲೆಯಲ್ಲಿ ಸಾಂಕೇತಿಕ ಪ್ರತಿಭಟನೆ ನಡೆಸಿದ್ದಾರೆ.
‘ಬಾಲಿವುಡ್ ಸಾಯಿಸುತ್ತೆ, ಬಾಲಿವುಡ್ ಲೈಂಗಿಕವಾಗಿ ಶೋಷಣೆ ನಡೆಸುತ್ತೆ’ ಎಂಬಂಥ ಧ್ವನಿ ಸಂಸತ್ ಒಳಗೆ ಕೇಳಿಬಂದರೆ, ಸಂಸತ್ ಭವನದ ಹೊರಗೆ ಸಂಸದೆ ರೂಪಾ ಗಂಗೂಲಿ ಪ್ರಕಾರ್ಡ್ಸ್ ಹಿಡಿದು ಬಾಲಿವುಡ್ ಬೆಳವಣಿಗೆ ಕುರಿತು ಪ್ರತಿಭಟನೆ ತೋರಿದ್ದಾರೆ. (ಏಜೆನ್ಸೀಸ್)