ಇಸ್ಲಮಾಬಾದ್: ಕಳ್ಳರೆಂದರೆ ಕಲ್ಲು ಮನಸ್ಸಿನವರೆಂದು ಶಪಿಸುವುದುಂಟು. ಆದರೆ, ಎಲ್ಲರನ್ನೂ ಒಂದೇ ತಕ್ಕಡಿಯಲ್ಲಿಟ್ಟು ನೋಡಬಾರದು ಎಂಬುದಕ್ಕೆ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿರುವ ಈ ಒಂದು ವಿಡಿಯೋ ಸಾಕ್ಷಿಯಾಗಿದೆ.
ವಿಡಿಯೋವನ್ನು ಪಾಕಿಸ್ತಾನದ ಕರಾಚಿಯಲ್ಲಿ ಸೆರೆಯಿಡಿಯಲಾಗಿದ್ದು, ಕಳ್ಳನ ಮಾನವೀಯತೆ ಕಂಡು ನೆಟ್ಟಿಗರು ಫಿದಾ ಆಗಿದ್ದಾರೆ. ಫುಡ್ ಡೆಲಿವರಿ ಬಾಯ್ನಿಂದ ದೋಚಲು ಯತ್ನಿಸಿದ ಖದೀಮರು ಅತ್ಯಮೂಲ್ಯ ವಸ್ತುಗಳನ್ನು ಡೆಲಿವರಿ ಬಾಯ್ಗೆ ಮರಳಿಸುವ ಮೂಲಕ ನಮಗೂ ಮಾನವೀಯತೆ ಇದೆ ಎಂಬುದನ್ನು ತೋರಿಸಿಕೊಟ್ಟಿದ್ದಾರೆ. ಈ ಎಲ್ಲ ದೃಶ್ಯ ಸಿಸಿಟಿವಿಯಲ್ಲಿ ದಾಖಲಾಗಿದೆ. ಇದನ್ನೂ ಓದಿ: ಒಂದು ಗಂಟೆಗೆ ಒಂದು ಲಕ್ಷ ರೂ. ಕೇಳಿದ ನಟಿ ಶ್ರುತಿ ಹಾಸನ್…!
ವಿಡಿಯೋದಲ್ಲಿ ಏನಿದೆ?: ಕರಾಚಿಯ ಏರಿಯಾವೊಂದರಲ್ಲಿ ಕೆಲಸ ಮುಗಿಸಿದ ಡೆಲಿವರಿ ಬಾಯ್ ಬೈಕ್ ಏರಿ ಹೊರಡಬೇಕೆನ್ನುವಷ್ಟರಲ್ಲಿ ಎದರುಗಡೆಯಿಂದ ಮತ್ತೊಂದು ಬೈಕ್ನಲ್ಲಿ ಇಬ್ಬರು ಮುಸುಕುಧಾರಿ ಖದೀಮರು ಬಂದು ಡೆಲಿವರಿ ಬಾಯ್ನನ್ನು ತಡೆದು ಆತನ ಬಳಿಯಿದ್ದುದ್ದನ್ನು ದೋಚಲು ಯತ್ನಿಸುತ್ತಾರೆ. ಈ ವೇಳೆ ಮೂವರ ನಡುವೆ ಸಂಭಾಷಣೆಯು ನಡೆಯುತ್ತದೆ. ಬಹುಶಃ ಡೆಲಿವರಿ ಬಾಯ್ ತನ್ನ ಕಷ್ಟವನ್ನು ಖದೀಮರಿಗೆ ಮನದಟ್ಟು ಮಾಡುತ್ತಾನೇನೋ, ಅದಕ್ಕೆ ಕರಗುವ ಖದೀಮರ ಮನಸ್ಸು ಆತನ ವಸ್ತುಗಳನ್ನು ಹಿಂತಿರುಗಿಸುತ್ತಾರೆ. ಓರ್ವ ಡೆಲಿವರಿ ಬಾಯ್ನನ್ನು ತಬ್ಬಿಕೊಂಡು ಸಂತೈಸುತ್ತಾನೆ. ಬಳಿಕ ಇಬ್ಬರು ಆನತ ಕೈಕುಲುಕುತ್ತಾರೆ. ಭಾವುನಾಗುವ ಡೆಲಿವರಿ ಬಾಯ್ ಕಣ್ಣೀರು ವರಿಸಿಕೊಳ್ಳುತ್ತಾನೆ. ಬಳಿಕ ಖದೀಮರು ಅಲ್ಲಿಂದ ನಿರ್ಗಮಿಸುತ್ತಾರೆ.
ವಿಡಿಯೋ ಜೂನ್ 16ರಂದು ಯೂಟ್ಯೂಬ್ನಲ್ಲಿ ಅಪ್ಲೋಡ್ ಆಗಿದ್ದು, ಈವರೆಗೂ 4 ಸಾವಿರಕ್ಕೂ ಅಧಿಕ ಮಂದಿ ವೀಕ್ಷಣೆ ಮಾಡಿದ್ದಾರೆ. (ಏಜೆನ್ಸೀಸ್) ಇದನ್ನೂ ಓದಿ: ಮಹಿಳಾ ಅಕೌಂಟ್ಸ್ ಸೂಪರಿಂಡೆಂಟ್ ಕಿರುಕುಳಕ್ಕೆ ಬೇಸತ್ತು ಗುತ್ತಿಗೆದಾರ ಆತ್ಮಹತ್ಯೆಗೆ ಯತ್ನ