ನವದೆಹಲಿ: ಅಲ್ಕೋಹಾಲ್ ಹೊಂದಿದ ಸ್ಯಾನಿಟೈಸರ್ ಬಳಸಬೇಡಿ. ಇಸ್ಲಾಂನಲ್ಲಿ ಅದಕ್ಕೆ ನಿಷೇಧವಿದೆ ಎಂದು ಭಕ್ತರಿಗೆ ಉತ್ತರಪ್ರದೇಶದ ಬರೇಲಿಯ ದರ್ಗಾವೊಂದು ನಿರ್ದೇಶನ ನೀಡಿದೆ.
ಸುನ್ನಿ ಮರ್ಕಜ್ ದಾರೂಲ್ ಇಫ್ತಾ ದರ್ಗಾದ ಮುಪ್ತಿ ನಷ್ತಾರ್ ಫಾರೂಖಿ ಇಂಥದ್ದೊಂದು ಕಟ್ಟಪ್ಪಣೆ ಹೊರಡಿಸಿದ್ದಾರೆ. ಇಲ್ಸಾಂನಲ್ಲಿ ಅಲ್ಕೋಹಾಲ್ಗೆ ನಿಷೇಧವಿದೆ. ಹೀಗಾಗಿ ಅಲ್ಕೋಹಾಲ್ ಬಳಸಿ ತಯಾರಿಸಿರುವ ಸ್ಯಾನಿಟೈಸರ್ ಅನ್ನು ಮುಸ್ಲಿಮರು ಉಪಯೋಗಿಸಬಾರದೆಂದು ಹೇಳಿದ್ದಾರೆ.
ಇದನ್ನೂ ಓದಿ; ಬಿಸಿಲಲ್ಲಿ ಒಣಗೋದಕ್ಕೂ ಕರೊನಾ ತಗಲೋದಕ್ಕೂ ಸಂಬಂಧ ಇದೆ….!
ಒಂದು ವೇಳೆ ಅಂಥದ್ದೊಂದು ಸ್ಯಾನಿಟೈಸರ್ ಬಳಸಿದರೆ, ಮಸೀದಿ ಅಪವಿತ್ರವಾಗುತ್ತದೆ. ದೇವರ ಆಲಯವನ್ನು ನಾವು ಅಪವಿತ್ರವಾಗಲು ಬಿಡುವುದಿಲ್ಲ. ಅಲ್ಲದೇ, ಅಪವಿತ್ರವಾದ ಸ್ಥಳದಲ್ಲಿ ನಮಾಜ್ ಮಾಡುವಂತಿಲ್ಲ. ಇದನ್ನು ತಿಳಿದು ಅಪವಿತ್ರಗೊಳಿಸುವುದು ಪಾಪವಿದ್ದಂತೆ. ಮಸೀದಿಗಳ ಇಮಾಮ್ಗಳು ಹಾಗೂ ಮಸೀದಿಯ ಸಮಿತಿಗಳಿಗೆ ಇದರಿಂದ ದೂರವಿರುವಂತೆ ತಿಳಿಸಿದ್ದಾಗಿ ಎಂದು ಮುಫ್ತಿ ಹೇಳಿದ್ದಾರೆ. ಅಲ್ಕೋಹಾಲ್ ಆಧಾರಿತ ಸ್ಯಾನಿಟೈಸರ್ ಬದಲು, ಸೋಪ್, ಶಾಂಪೂ, ಸೋಪಿನಪುಡಿ ಬಳಸಬಹುದು ಎಂದು ಪರ್ಯಾಯವನ್ನೂ ಅವರು ಸೂಚಿಸಿದ್ದಾರೆ.
ಮಥುರಾದ ಕೆಲ ಪ್ರಮುಖ ದೇವಾಲಯಗಳ ಅರ್ಚಕರು ಅಲ್ಕೋಹಾಲ್ ಹೊಂದಿದ ಸ್ಯಾನಿಟೈಸರ್ ಬಳಸಲು ನಿರಾಕರಿಸಿದ ಬೆನ್ನಲ್ಲೇ ಮುಫ್ತಿ ಈ ಹೇಳಿಕೆ ನೀಡಿದ್ದಾರೆ. ಇಸ್ಕಾನ್, ಬಾಂಕೆ ಬಿಹಾರಿ, ಮುಕುಟ್ ಮುಖಾರವಿಂದ್, ಶ್ರೀ ರಂಗನಾಥ ದೇಗುಲಗಳಲ್ಲಿ ಇದರ ಬಳಕೆಗೆ ವಿರೋಧ ವ್ಯಕ್ತವಾಗಿದೆ.
ಇದನ್ನೂ ಓದಿ; ಖಾಲಿ ಕ್ರೀಡಾಂಗಣಗಳಲ್ಲಿ ನಡೆಯಲಿದೆ ಐಪಿಎಲ್; ರಾಜ್ಯ ಕ್ರಿಕೆಟ್ ಮಂಡಳಿಗಳಿಗೆ ಗಂಗೂಲಿ ಪತ್ರ
ಅಲ್ಕೋಹಾಲ್ ಆಧಾರಿತ ಸ್ಯಾನಿಟೈಸರ್ ಬಳಕೆ ಕಡ್ಡಾಯವೆಂದು ಸರ್ಕಾರ ಘೋಷಿಸಿದ ಹಿನ್ನೆಲೆಯಲ್ಲಿ ದೇಗುಲದ ಬಾಗಿಲು ತೆರೆಯದಿರಲು ವೃಂದಾವನದಲ್ಲಿ ನಿರ್ಧರಿಸಲಾಗಿದೆ.
ಜೂನ್ 15ರಿಂದ ಮತ್ತೊಮ್ಮೆ ದೇಶಾದ್ಯಂತ ಸಂಪೂರ್ಣ ಲಾಕ್ಡೌನ್ ; ಇಲ್ಲಿದೆ ಫ್ಯಾಕ್ಟ್ಚೆಕ್