ಮುಂಬೈ: ತೈಲೋತ್ಪನ್ನ, ಟೆಲಿಕಾಂ ಕ್ಷೇತ್ರದಲ್ಲಿ ಜಾಗತಿಕ ದೈತ್ಯ ಎನಿಸಿಕೊಂಡಿರುವ ರಿಲಯನ್ಸ್ ಇಂಡಸ್ಟ್ರೀಸ್ ಈಗ ರಿಟೇಲ್ ಕ್ಷೇತ್ರದಲ್ಲೂ ಭಾರಿ ವಿಸ್ತರಣೆಗೆ ಮುಂದಾಗಿದೆ.
ಡಿಜಿಟಲ್ ವಹಿವಾಟು ವಿಸ್ತರಿಸಿಕೊಳ್ಳುತ್ತಿರುವ ಕಂಪನಿ, ಆನ್ಲೈನ್ ಔಷಧ ಮಾರಾಟ ಕ್ಷೇತ್ರದಲ್ಲಿ ಭಾರಿ ಬಂಡವಾಳ ತೊಡಗಿಸಿದೆ. ನೆಟ್ಮೆಡ್ಸ್ ಕಂಪನಿಯಲ್ಲಿ ಶೇ.60 ಶೇರುಗಳನ್ನು ತನ್ನದಾಗಿಸಿಕೊಂಡಿದೆ. ಇದಕ್ಕಾಗಿ 620 ಕೋಟಿ ರೂ.ಗಳನ್ನು ತೊಡಗಿಸಿರುವುದಾಗಿ ಮಾಹಿತಿ ನೀಡಿದೆ.
ಚೆನ್ನೈ ಮೂಲದ ವಿಟಾಲಿಕ್ ಸಂಸ್ಥೆಯಲ್ಲಿ ಶೇ. 60 ಶೇರುಗಳಿ ರಿಲಯನ್ಸ್ದಾದರೆ, ಟ್ರೆಸರಾ ಹೆಲ್ತ್ ಪ್ರೈವೇಟ್ ಲಿಮಿಟೆಡ್, ನೆಟ್ಮೆಡ್ಸ್ ಮಾರ್ಕೆಟ್ ಪ್ಲೇಸ್ ಲಿಮಿಟೆಡ್ ದದ್ದಾ ಫಾರ್ಮಾ ಡಿಸ್ಟ್ರಿಬ್ಯೂಷನ್ ಕಂಪನಿ ಪೂರ್ಣ ಪ್ರಮಾಣದಲ್ಲಿ ರಿಲಯನ್ಸ್ ತೆಕ್ಕೆಗೆ ಬಂದಂತಾಗಿವೆ.
ಇದನ್ನೂ ಓದಿ; ಆರು ತಿಂಗಳಲ್ಲಿ ನಾಲ್ಕು ಕೊಲೆಗೈದ ಶಾರ್ಪ್ಶೂಟರ್; ಈತನ ಪ್ಲಾನ್ ಯಶಸ್ವಿಯಾಗಿದ್ದರೆ ಇರುತ್ತಿರಲಿಲ್ಲ ಸಲ್ಮಾನ್ ಖಾನ್…!
ಇನ್ನೊಂದೆಡೆ, ಫರ್ನಿಚರ್ ಮಾರಾಟ ಸಂಸ್ಥೆ ಅರ್ಬನ್ ಲ್ಯಾಡರ್ ಹಾಗೂ ಹಾಲು ಮಾರಾಟ ಸಂಸ್ಥೆ ಮಿಲ್ಕ್ ಬಾಸ್ಕೆಟ್ ಖರೀದಿಗೂ ರಿಲಯನ್ಸ್ ಮುಂದಾಗಿದೆ.
ಅರ್ಬನ್ ಲ್ಯಾಡರ್ ಸಂಸ್ಥೆಯನ್ನು ಅಂದಾಜು 225 ಕೋಟಿ ರೂ.ಗಳಿಗೆ ಖರೀದಿಸುವ ಮಾತುಕತೆ ನಡೆದಿದೆ ಎಂದು ಹೇಳಲಾಗಿದೆ. ಜತೆಗೆ, ಮಿಲ್ಕ್ ಬಾಸ್ಕೆಟ್ ಕಂಪನಿ ಜತೆಗೂ ಚರ್ಚೆ ನಡೆಸಿದೆ.
ಇದಕ್ಕೂ ಮುನ್ನ್ ಅಲಿಬಾಬಾ ಹೂಡಿಕೆಯ ಬಿಗ್ ಬಾಸ್ಕೆಟ್ ಜತೆಗೂ ಮಿಲ್ಕ್ ಬಾಸ್ಕೆಟ್ ಮಾರಾಟ ಮಾತುಕತೆ ನಡೆಸಿತ್ತು. ಆದರೆ, ನಿರೀಕ್ಷಿತ ಮೊತ್ತ ಹೊಂದಾಣಿಕೆಯಾಗದೇ ವ್ಯಾಪಾರ ಕುದುರಿರಲಿಲ್ಲ. ಆನ್ಲೈನ್ ದಿನಸಿ ಮಾರಾಟ ಸಂಸ್ಥೆ ಜಿಯೋ ಮಾರ್ಟ್ ವಹಿವಾಟನ್ನು ಇನ್ನಷ್ಟು ಸುದೃಢಗೊಳಿಸುವ ಹೆಚ್ಚು ಗ್ರಾಹಕರನ್ನು ತಲುಪುವ ಉದ್ದೇಶ ಇದರದ್ದಾಗಿದೆ.
ಸರ್ಕಾರಿ ಉದ್ಯೋಗಕ್ಕೆ ಒಂದೇ ಅರ್ಹತಾ ಪರೀಕ್ಷೆ; ಒಂದೇ ನೇಮಕಾತಿ ಪ್ರಾಧಿಕಾರ; ಕೇಂದ್ರ ಸಂಪುಟ ಸಮ್ಮತಿ