ಈ ಹಿಂದೆ ಟ್ವಿಟರ್ನಲ್ಲಿ ಸದಾ ಸಕ್ರಿಯವಾಗಿದ್ದುಕೊಂಡು, ಪ್ರಧಾನಿ ನರೇಂದ್ರ ಮೋದಿ, ಬಿಜೆಪಿ ನೇತೃತ್ವದ ಕೇಂದ್ರ ಸರ್ಕಾರದ ವಿರುದ್ಧ ಒಂದಿಲ್ಲೊಂದು ಟೀಕಾತ್ಮಕ ಪೋಸ್ಟ್ ಹಾಕುತ್ತಿದ್ದ ನಟಿ ರಮ್ಯಾ 2019ರ ಲೋಕಸಭೆ ಚುನಾವಣೆ ಬಳಿಕ ಒಮ್ಮಲೆ ಮಾಯವಾಗಿಬಿಟ್ಟಿದ್ದರು.
ಯಾವ ಸೋಷಿಯಲ್ ಮೀಡಿಯಾಗಳಲ್ಲೂ ಅವರ ಪೋಸ್ಟ್ಗಳು ಕಾಣುತ್ತಿರಲಿಲ್ಲ. ಎಲ್ಲಿದ್ದಾರೆ ಎಂಬುದೂ ಯಾರಿಗೂ ಗೊತ್ತಿರಲಿಲ್ಲ.
ಆದರೆ ಇತ್ತೀಚೆಗೆ ಮತ್ತೆ ಅವರು ತಮ್ಮ ಸೋಷಿಯಲ್ ಮೀಡಿಯಾ ಖಾತೆಗೆ ಮರಳಿದ್ದಾರೆ. ತಮ್ಮ ಇನ್ಸ್ಟಾಗ್ರಾಂ ಸ್ಟೋರಿಗಳನ್ನು ಅಪ್ಡೇಟ್ ಮಾಡುತ್ತಿದ್ದಾರೆ. ಇತ್ತೀಚೆಗೆ ಆಧ್ಯಾತ್ಮಕ್ಕೆ ಸಂಬಂಧಿಸಿದ ಪೋಸ್ಟ್ಗಳನ್ನು ಹಾಕಿ ಸುದ್ದಿಯಾಗಿದ್ದರು.
ಆದರೆ ಇಂದು ಒಂದಷ್ಟು ಫೋಟೋ ಹಾಕಿದ್ದನ್ನು ನೋಡಿದ ಮೇಲೆ ನಟಿ ರಮ್ಯಾ ಅವರಿಗೆ ಏನಾಗಿದೆ ಎಂಬ ಪ್ರಶ್ನೆಯೂ ಮೂಡುತ್ತದೆ..ಕುತೂಹಲವೂ ಉಂಟಾಗುತ್ತಿದೆ. ಇದನ್ನೂ ಓದಿ: ಜೂನ್ ಒಂದೇ ತಿಂಗಳಲ್ಲಿ 70 ಕಿಲೋ ಚಿನ್ನ ಕಳ್ಳಸಾಗಣೆ- ಇದು ಕೇರಳದ “ಬಂಗಾರಿ” ಗ್ಯಾಂಗ್ನ ಕಥೆ
ರಮ್ಯಾ ಇಂದು ತಮ್ಮ ಇನ್ಸ್ಟಾಗ್ರಾಂನಲ್ಲಿ ತಮ್ಮ ವಿಚಿತ್ರ ಮುಖಭಾವಗಳ ಫೋಟೋಗಳನ್ನು ಅಪ್ಲೋಡ್ ಮಾಡಿದ್ದಾರೆ. ಮೊದಲು ಎರಡು ಪ್ರೀತಿಯ ನಾಯಿಯ ಫೋಟೋಗಳನ್ನು ಹಾಕಿರುವ ಅವರು, ನಂತರ ತಮ್ಮ ಮುಖ, ತುಟಿಗಳನ್ನೆಲ್ಲ ಸೊಟ್ಟಗೆ, ಅಂಕುಡೊಂಕು ಮಾಡಿಕೊಂಡಿರುವ ಸೆಲ್ಫೀ ಫೋಟೋಗಳನ್ನು ಅಪ್ಲೋಡ್ ಮಾಡಿದ್ದಾರೆ.
ನಟಿ ರಮ್ಯಾ ಸಿಕ್ಕಾಪಟೆ ಕ್ರೇಜಿ ಫೋಟೋಗಳನ್ನು ಹಾಕಿದ್ದಾರೆ. ಸಾಮಾನ್ಯವಾಗಿ ನಟಿಯರು ತಮ್ಮ ಮುಖ ಕೆಟ್ಟದಾಗಿ, ಅಸಹಜವಾಗಿ ಕಾಣಿಸುವಂತಹ ಫೋಟೋಗಳನ್ನೆಲ್ಲ ಸೋಷಿಯಲ್ ಮೀಡಿಯಾದಲ್ಲಿ ಅಪ್ಲೋಡ್ ಮಾಡುವುದಿಲ್ಲ. ಆದರೆ ರಮ್ಯಾ ತುಸು ವಿಭಿನ್ನವಾಗಿ ಟ್ರೈ ಮಾಡಿದ್ದಾರೆ. ಫೋಟೋ ನೋಡಿದ ನೆಟ್ಟಿಗರು, ಅವರ ಅಭಿಮಾನಿಗಳಂತೂ ಸಿಕ್ಕಾಪಟೆ ಕಂಗಾಲಾಗಿದ್ದಾರೆ. ಏನು ಹೊಸ ಫಿಲ್ಮ್ಗೆ ಟ್ರೈ ಮಾಡುತ್ತಿದ್ದಾರಾ ಎಂದೂ ಪ್ರಶ್ನಿಸಿದ್ದಾರೆ. (ಏಜೆನ್ಸೀಸ್)