ಧಾರವಾಡ: ಕರೊನಾ ಸೋಂಕು ತಡೆಗಟ್ಟಲು ಹೇರಲಾಗಿರುವ ಲಾಕ್ಡೌನ್ ಹಿನ್ನೆಲೆಯಲ್ಲಿ ಅಂತಾರಾಷ್ಟ್ರೀಯ ಕುಸ್ತಿಪಟು ಧಾರವಾಡದ ರಫಿಕ್ ಹೊಳಿಯವರು ಇಂದು ಸರಳ ವಿವಾಹವಾಗಿದ್ದಾರೆ.
ತಂದೆ-ತಾಯಿ ಸೇರಿದಂತೆ ಕೇವಲ ಐದು ಜನರೊಂದಿಗೆ ತೆರಳಿ ಚಿತ್ರದುರ್ಗದ ಹಿನಾ ಕೌಸರ್ ಜತೆ ಹತ್ತು ಜನರ ನಡುವೆ ರಫಿಕ್ ವಿವಾಹವಾಗಿದ್ದಾರೆ. ಮದುವೆ ಮೊದಲೇ ನಿಶ್ಚಯವಾಗಿದ್ದರಿಂದ ಮುಂದೂಡಲು ಸಾಧ್ಯವಾಗದೇ ಲಾಕ್ಡೌನ್ ನಡುವೆ ತಮ್ಮ ಜವಾಬ್ದಾರಿಯನ್ನು ಅರಿತು ಸಾಮಾಜಿಕ ಅಂತರ ಕಾಯ್ದುಕೊಂಡು ನಿಖಾ ಮಾಡಿಕೊಂಡಿದ್ದಾರೆ.
ರಫಿಕ್, ಕಾಮನ್ವೆಲ್ತ್ ಕ್ರೀಡಾಕೂಟದಲ್ಲಿ ಬೆಳ್ಳಿ ಪದಕ ವಿಜೇತರಾಗಿದ್ದಾರೆ. ಇವರ ವಿವಾಹದಲ್ಲಿ ನೂರಕ್ಕೂ ಹೆಚ್ಚು ಕ್ರೀಡಾ ಸೆಲೆಬ್ರಿಟಿಗಳು ಭಾಗವಹಿಸಬೇಕಿತ್ತು. ಆದರೆ, ಲಾಕ್ಡೌನ್ನಿಂದ ಅದು ಸಾಧ್ಯವಾಗದೇ ಇರುವುದರಿಂದ. ಆರೋಗ್ಯ ಬಿಕ್ಕಟ್ಟು ಮುಗಿದು, ಲಾಕ್ಡೌನ್ ತೆರವಾದ ಬಳಿಕ ಅದ್ಧೂರಿ ರಿಸೆಪ್ಷನ್ ಮಾಡಲು ನಿರ್ಧಾರ ಮಾಡಿದ್ದಾರೆ. (ದಿಗ್ವಿಜಯ ನ್ಯೂಸ್)
ಸೋನಿಯಾ ಗಾಂಧಿಗೆ ಅವಹೇಳನ ಆರೋಪ: ಪತ್ರಕರ್ತ ಅರ್ನಬ್ ಗೋಸ್ವಾಮಿ ವಿರುದ್ಧ ದೇಶದ ಹಲವೆಡೆ ದೂರು ದಾಖಲು