ಹೈದರಾಬಾದ್: ಇತ್ತೀಚೆಗೆ ಪ್ಯಾನ್ ಇಂಡಿಯಾ ಸಿನಿಮಾಗಳ ಭರಾಟೆ ಜೋರಾಗಿದೆ. ಸ್ಯಾಂಡಲ್ವುಡ್ನಲ್ಲಿ ಕೆಜಿಎಫ್ ನಂತರ ಅನೇಕ ಚಿತ್ರಗಳು ಪ್ಯಾನ್ ಇಂಡಿಯಾ ಕಲ್ಪನೆಯಲ್ಲಿ ಸಿದ್ಧವಾಗುತ್ತಿವೆ. ಬಾಲಿವುಡ್, ಟಾಲಿವುಡ್, ಕಾಲಿವುಡ್ ಹಾಗೂ ಮಾಲಿವುಡ್ನಲ್ಲೂ ಸಾಕಷ್ಟು ಪ್ಯಾನ್ ಇಂಡಿಯಾ ಸಿನಿಮಾಗಳು ತಯಾರಾಗುತ್ತಿವೆ. ಆದರೆ, ಕೆಲ ನಿರ್ಮಾಪಕರು ತಮ್ಮ ಚಿತ್ರವನ್ನು ಪ್ರಚಾರ ಮಾಡಿಕೊಳ್ಳಲು ಹಣಗಳಿಕೆಯ ಬಗ್ಗೆ ನಕಲಿ ವರದಿಯನ್ನು ನೀಡುತ್ತಿದ್ದಾರೆ ಎಂದು ನಟ ಸಿದ್ಧಾರ್ಥ್ ಆರೋಪ ಮಾಡಿದ್ದು, ಕೆಲವರಿಗೆ ನೇರವಾಗಿಯೇ ಪ್ರಶ್ನೆ ಕೇಳಿದ್ದಾರೆ.
ಸದ್ಯ ಪ್ಯಾನ್ ಇಂಡಿಯಾ ಸಿನಿಮಾ ಹಣಗಳಿಕೆಯ ಬಗ್ಗೆ ಸಿದ್ಧಾರ್ಥ್ ಮಾಡಿರುವ ಟ್ವೀಟ್ ಸಂಚಲನ ಮೂಡಿಸುತ್ತಿದೆ. ಇತ್ತೀಚಿನ ದಿನಗಳಲ್ಲಿ ಸಿನಿಮಾ ಹಣಗಳಿಕೆಯ ವರದಿಯನ್ನು ನಕಲಿ ಮಾಡಲು ಎಷ್ಟು ಕಮಿಷನ್ ತೆಗೆದುಕೊಳ್ಳಲಾಗುತ್ತಿದೆ? ಸಾಕಷ್ಟು ದಿನಗಳಿಂದ ನಿರ್ಮಾಪಕರು ಬಾಕ್ಸ್ಆಫೀಸ್ನ ನಕಲಿ ವರದಿಯನ್ನು ಸಿದ್ಧಪಡಿಸುತ್ತಿದ್ದಾರೆ. ಪ್ಯಾನ್ ಇಂಡಿಯಾದ ಪ್ರಾಮಾಣಿಕತೆ ಏನಿದೆ? ಇತ್ತೀಚಿನ ದಿನಗಳಲ್ಲಿ ವ್ಯಾಪಾರ ಸಮುದಾಯ ಮತ್ತು ಮಾಧ್ಯಮಗಳು ಕೂಡ ತಮ್ಮ ಅಧಿಕೃತ ಅಂಕಿಅಂಶಗಳನ್ನು ಪ್ರಾರಂಭಿಸಿವೆ. ಎಲ್ಲ ಭಾಷೆಗಳು, ಎಲ್ಲ ಇಂಡಸ್ಟ್ರಿಗಳು ಒಂದೇ ಎನ್ನುವ ಮೂಲಕ ಪ್ಯಾನ್ ಇಂಡಿಯಾ ಎಂಬುದು ಅಪ್ರಾಮಾಣಿಕತೆ ಎಂದು ಸಿದ್ಧಾರ್ಥ್ ಟ್ವೀಟ್ ಮಾಡಿದ್ದಾರೆ.
How much is the going commission or rate these days for fudging collection reports of films?
Producers have been lying about BO figures for ages… Now the "trade" and "media" have started their "official" figures… All languages, all industries…same.
Pan India dishonesty🤦🏾
— Siddharth (@Actor_Siddharth) December 22, 2021
ಸಿದ್ಧಾರ್ಥ್ ಟ್ವೀಟ್ ಇದೀಗ ಭಾರೀ ಚರ್ಚೆಗೆ ಗ್ರಾಸವಾಗಿದೆ. ಪ್ಯಾನ್ ಇಂಡಿಯಾ ಸಿನಿಮಾಗಳ ಬಾಕ್ಸ್ಆಫೀಸ್ ವರದಿ ನಕಲಿ ಎಂದು ನೇರವಾಗಿಯೇ ಹೇಳಿದ್ದಾರೆ. ಅಧಿಕೃತ ಅಂಕಿ-ಅಂಶಗಳನ್ನು ಮರೆಮಾಚುತ್ತಿದ್ದಾರೆ. ನಕಲಿ ವರದಿಯ ಮೂಲಕ ಚಿತ್ರದ ಪ್ರಚಾರ ಮಾಡುವ ದುರುದ್ದೇಶವಿದೆ ಎನ್ನುವ ಮೂಲಕ ಸಿದ್ಧಾರ್ಥ್ ಪರೋಕ್ಷವಾಗಿ ಪ್ಯಾನ್ ಇಂಡಿಯಾ ಸಿನಿಮಾಗಳ ಪ್ರಾಮಾಣಿಕತೆಯನ್ನು ಪ್ರಶ್ನೆ ಮಾಡಿದ್ದಾರೆ. (ಏಜೆನ್ಸೀಸ್)
ಅಕ್ರಮ ಸಂಬಂಧದಿಂದ ಹುಟ್ಟಿದ ಮಗುವನ್ನು ನೀರಲ್ಲಿ ಮುಳುಗಿಸಿ ಕೊಂದು ನಾಲೆಗೆ ಎಸೆದ ಡಬಲ್ ಗ್ರಾಜ್ಯುಯೇಟ್ ಅಮ್ಮ!
ಗ್ರಾಪಂ ಅಕ್ರಮಗಳ ವಿರುದ್ಧ ದೂರು ನೀಡಿದ RTI ಕಾರ್ಯಕರ್ತನ ಕೈಕಾಲು ಮುರಿದು ಮೊಳೆ ಹೊಡೆದ ದುಷ್ಕರ್ಮಿಗಳು
ಈ ರಾಷ್ಟ್ರದ ವಿಡಿಯೋಗಳನ್ನು ನೋಡಿದ 7 ಮಂದಿಗೆ ಗಲ್ಲುಶಿಕ್ಷೆ: ಉ. ಕೊರಿಯಾದ ಕರಾಳ ಮುಖ ಅನಾವರಣ
ಕರೆಂಟ್ ಬಿಲ್ ಬಾಕಿ ಉಳಿಸಿಕೊಂಡಿರೋರ ಪಟ್ಟಿ ನೋಡಿದ ಇಲಾಖೆ ಶಾಕ್! ಟಾಪ್ 1 ಸ್ಥಾನದಲ್ಲಿ ಸಚಿವ