ನವದೆಹಲಿ: ಮನಕಲಕುವ ಪೋಸ್ಟ್ ಒಂದು ರವೀಶ್ ಚಾವ್ಲಾ ಹೆಸರಿನ ಟ್ವಿಟರ್ ಖಾತೆಯಲ್ಲಿ ಕಾಣಿಸಿಕೊಂಡಿದ್ದು, ವಿಡಿಯೋ ಅಪ್ಲೋಡ್ ಮಾಡಿರುವ ರವೀಶ್, ಮಹಾಮಾರಿ ಕರೊನಾ ವೈರಸ್ನಿಂದ ತನ್ನ ಗರ್ಭಿಣಿ ಪತ್ನಿ ದೀಪಿಕಾ ಮತ್ತು ಹೊರ ಜಗತ್ತಿಗೆ ಕಾಲಿಡುವ ಮುನ್ನವೇ ತಾಯಿಯ ಹೊಟ್ಟೆಯಲ್ಲಿ ಮೃತಪಟ್ಟ ಮಗುವನ್ನು ಕಳೆದುಕೊಂಡು ಒಬ್ಬಂಟಿಯಾದ ಕಣ್ಣೀರ ಕತೆಯನ್ನು ಬಿಚ್ಚಿಟ್ಟಿದ್ದಾರೆ.
ರವೀಶ್ ಅಪ್ಲೋಡ್ ಮಾಡಿರುವ ವಿಡಿಯೋದಲ್ಲಿ ಸಾವಿಗೂ ಮುನ್ನ ಮಾತನಾಡಿರುವ ದೀಪಿಕಾ, ಕರೊನಾ ವೈರಸ್ ಗಂಭೀರತೆ ಮತ್ತು ಯಾವುದೇ ಕಾರಣಕ್ಕೂ ಅದನ್ನು ಹಗುರವಾಗಿ ತೆಗೆದುಕೊಳ್ಳಬಾರದು ಎಂದು ಎಚ್ಚರಿಕೆ ನೀಡಿದ್ದಾರೆ.
I lost my pregnant wife and our unborn child to covid
She breathed her last on 26/4/21 and our unborn child a day earlier. She got covid positive on 11/4 and even during her suffering she had made the above video on 17/4 warning others not to take this covid lightly. #CovidIndia pic.twitter.com/Syg6yddMTD
— Ravish Chawla (@ravish_chawla) May 9, 2021
ವೃತ್ತಿಯಲ್ಲಿ ಸ್ವತಃ ವೈದ್ಯೆಯಾಗಿರುವ ದೀಪಿಕಾ ಏಪ್ರಿಲ್ 26ರಂದು ಸಾಯುವ ಮುನ್ನ ಅಂದರೆ, ಏಪ್ರಿಲ್ 17ರಂದು ವಿಡಿಯೋ ರೆಕಾರ್ಡ್ ಒಂದನ್ನು ಮಾಡಿದ್ದಾರೆ. ಆ ವಿಡಿಯೋದಲ್ಲಿ ಅವರು ಮಾತನಾಡಲು ಕಷ್ಟಪಡುತ್ತಿರುವುದನ್ನು ಗಮನಿಸಬಹುದಾಗಿದೆ. ಅಲ್ಲದೆ, ಕರೊನಾವನ್ನು ಗಂಭೀರವಾಗಿ ತೆಗೆದುಕೊಳ್ಳಿ ಎಂದು ಮನವಿ ಮಾಡಿದ್ದಾರೆ.
ದೀಪಿಕಾ ಮೃತಪಟ್ಟ ಬಳಿಕ ಪತಿ ರವೀಶ್, ಅಮ್ಮಂದಿರ ದಿನದ ಅಡಿಬರಹದೊಂದಿಗೆ ವಿಡಿಯೋ ಅಪ್ಲೋಡ್ ಮಾಡಿಕೊಂಡಿದ್ದಾರೆ. “ಕರೊನಾದಿಂದ ನನ್ನ ಗರ್ಭಿಣಿ ಪತ್ನಿಯನ್ನು ಕಳೆದುಕೊಂಡೆ ಮತ್ತು ಹೊರ ಜಗತ್ತಿಗೆ ಕಾಲಿಡುವ ಮುನ್ನವೇ ನಮ್ಮ ಮಗು ಸಹ ತೀರಿ ಹೋಯಿತು. ಏಪ್ರಿಲ್ 26ರಂದು ಪತ್ನಿ ಮೃತಪಟ್ಟಳು. ಏಪ್ರಿಲ್ 11ರಂದು ಕೋವಿಡ್ ಪಾಸಿಟಿವ್ ಆಗಿತ್ತು. ಆರೋಗ್ಯ ಸಮಸ್ಯೆಯಿಂದ ಬಳಲುತ್ತಿರುವ ನಡುವೆಯೇ ಏಪ್ರಿಲ್ 17ರಂದು ಆಕೆ ವಿಡಿಯೋ ಮಾಡಿದ್ದು, ಕರೊನಾವನ್ನು ಹಗುರವಾಗಿ ತೆಗೆದುಕೊಳ್ಳಬೇಡಿ ಎಂದು ಎಚ್ಚರಿಕೆ ನೀಡಿದ್ದಾಳೆ” ಎಂದು ರವೀಶ್ ಬರೆದುಕೊಂಡಿದ್ದಾರೆ.
ನನ್ನ ಮಡದಿ ಮಾತೃತ್ವದ ಬಗ್ಗೆ ಸಂಪೂರ್ಣವಾಗಿ ಭಕ್ತಿ ಹೊಂದಿದ್ದಳು. ಮೂರು ವರ್ಷದ ಮಗನನ್ನು ನನ್ನ ಬಳಿಯೇ ಬಿಟ್ಟು, ಹುಟ್ಟಲಿರುವ ಮಗುವಿನೊಂದಿಗೆ ಸ್ವರ್ಗಕ್ಕೆ ಹೋಗಿದ್ದಾಳೆ. ತಾಯಿಯ ದಿನದ ಶುಭಾಶಯಗಳು ದೀಪಿಕಾ ಎಂದು ರವೀಶ್ ಭಾವನಾತ್ಮಕವಾಗಿ ಟ್ವೀಟ್ ಮಾಡಿದ್ದಾರೆ.
She was completely devoted to motherhood and went to heavens with our unborn child to take care of him and left our 3.5 year child to me.
Happy Mother's Day Dipika. pic.twitter.com/k2qnuwqWZl
— Ravish Chawla (@ravish_chawla) May 9, 2021
ದೀಪಿಕಾ ದಂತ ಚಿಕಿತ್ಸೆಯಲ್ಲಿ ಪರಿಣಿತಿ ಪಡೆದಿದ್ದರಂತೆ. ಪಿಪಿಇ ಕಿಟ್, ಡಬಲ್ ಮಾಸ್ಕ್ ಸೇರಿದಂತೆ ಅನೇಕ ಮುನ್ನೆಚ್ಚರಿಕೆಗಳನ್ನು ದೀಪಿಕಾ ತೆಗೆದುಕೊಂಡಿದ್ದಳು. ಆದರೂ, ವೈರಸ್ ಅವಳ ಜೀವವನ್ನು ಬಲಿಪಡೆಯಿತು ಎಂದು ರವೀಶ್ ಹೇಳಿದ್ದಾರೆ.
ಇದೀಗ ಸಾಕಷ್ಟು ಟ್ವಿಟ್ಟಿಗರು ದೀಪಿಕಾ ಸಾವಿಗೆ ಕಂಬನಿ ಮಿಡಿದಿದ್ದು, ಕರೊನಾ ಹಗುರವಾಗಿ ಪರಿಗಣಿಸದೇ ಗಂಭೀರವಾಗಿ ತೆಗೆದುಕೊಳ್ಳಲು ಮನವಿ ಮಾಡುತ್ತಿದ್ದಾರೆ. (ಏಜೆನ್ಸೀಸ್)