ಮುಂಬೈ: ಮದುವೆಯಾಗದೇ ಉಳಿದ ಬಹುತೇಕ ಸೆಲೆಬ್ರಿಟಿಗಳಿಗೆ ಆಗಾಗ ಎದುರಾಗುವ ಸಾಮಾನ್ಯ ಪ್ರಶ್ನೆಯೆಂದರೆ ನಿಮ್ಮ ಮದುವೆ ಯಾವಾಗ ಎಂಬುದು. ಇದೀಗ ಇದೇ ಪ್ರಶ್ನೆ ಬಾಲಿವುಡ್ ಬ್ಯೂಟಿ ಸೋನಾಕ್ಷಿ ಸಿನ್ಹಾಗೆ ಎದುರಾಗಿದ್ದು, ಅವರು ಕೊಟ್ಟ ಉತ್ತರ ನೋಡಿ ನೆಟ್ಟಿಗರು ಕೆಂಡಾಮಂಡಲರಾಗಿದ್ದಾರೆ.
ನಟಿ ಸೋನಾಕ್ಷಿ ಅವರು ಇತ್ತೀಚೆಗೆ ಇನ್ಸ್ಟಾಗ್ರಾಂನಲ್ಲಿ ಪ್ರಶ್ನೋತ್ತರ ಸೆಷೆನ್ ನಡೆಸಿದ್ದರು. ಈ ವೇಳೆ ನೆಟ್ಟಿಗೊಬ್ಬ ಮೇಡಂ ಎಲ್ಲರೂ ಮದುವೆ ಆಗುತ್ತಿದ್ದಾರೆ ನೀವು ಯಾವಾಗ ಮದುವೆ ಆಗುತ್ತೀರಾ? ಎಂದು ಪ್ರಶ್ನೆ ಮಾಡಿದ್ದ.
ಇದಕ್ಕೆ ವ್ಯಂಗ್ಯವಾಗಿ ಉತ್ತರಿಸಿದ ಸೋನಾಕ್ಷಿ, ಎಲ್ಲರಿಗೆ ಕೋವಿಡ್ ಸೋಂಕು ತಗುಲುತ್ತಿದೆ. ಹಾಗಂತ ನಾನೂ ಕೋವಿಡ್ ಸೋಂಕಿಗೆ ಒಳಗಾಗಲೇ? ಎಂದು ಮರು ಪ್ರಶ್ನಿಸಿದ್ದಾರೆ. ಸಾಕಷ್ಟು ಪ್ರಶ್ನೆಗಳಿಗೆ ಬಾಲಿವುಡ್ ಬ್ಯೂಟಿ ಉತ್ತರಿಸಿದರೂ ಕೂಡ ನಟಿಯ ಮದುವೆ ಕುರಿತಾದ ಪ್ರಶ್ನೋತ್ತರ ಇದೀಗ ವೈರಲ್ ಆಗಿದೆ.
ಇನ್ನು ನಟಿ ಸೋನಾಕ್ಷಿ ನೀಡಿದ ಉತ್ತರ ನೆಟ್ಟಿಗರ ಅಸಮಾಧಾನಕ್ಕೆ ಕಾರಣವಾಗಿದೆ. ಉತ್ತರ ನೀಡುವ ರೀತಿ ಇದೆನಾ ಎಂದಿದ್ದಾರೆ. ನಾವು ಕೇಳಿದ್ದೇ ಒಂದು ಇವರು ಹೇಳುತ್ತಿರುವುದೇ ಒಂದು. ಮದುವೆ ಆಗುವುದಕ್ಕೂ ಕೋವಿಡ್ ಸೋಂಕು ತಗಲುವುದಕ್ಕೂ ಎಲ್ಲಿಯ ಸಂಬಂಧ. ಕೋವಿಡ್ ಸೋಂಕನ್ನು ಎಲ್ಲರು ಬೇಕು ಅಂತಾ ತಗಲಿಸಿಕೊಳ್ಳುತ್ತಿದ್ದಾರಾ? ಎಂದು ನೆಟ್ಟಿಗರು ಕಿಡಿಕಾರಿದ್ದಾರೆ.
ಇನ್ನು ಸಿನಿಮಾ ವಿಚಾರಕ್ಕೆ ಬಂದರೆ, ಸೋನಾಕ್ಷಿ ಅವರು ಹುಮಾ ಖುರೇಶಿ ಅವರ ಡಬಲ್ ಎಕ್ಷ್ಎಲ್ ಮತ್ತು ರಿತೇಶ್ ದೇಶ್ಮುಖ್ ಅಭಿನಯದ ಕಕುಡಾ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. (ಏಜೆನ್ಸೀಸ್)
ಕೆಲಸ ಮುಗಿಸಿಕೊಂಡು ಖುಷಿಯಿಂದಲೇ ಮನೆಗೆ ಮರಳಿದ ಪತಿಗೆ ಕಾದಿತ್ತು ಭಾರೀ ಆಘಾತ..!
VIDEO| ಕಾರು ಚಾಲಕನಿಂದ ಅಪಾಯಕಾರಿ ಯೂಟರ್ನ್: ವೈರಲ್ ವಿಡಿಯೋದ ಅಸಲಿಯತ್ತು ಇಲ್ಲಿದೆ…
ಮನೆಯಿಂದ ತಂದೆಯನ್ನು ಹೊರಹಾಕಿದ ಮಗನಿಗೆ ತಕ್ಕಶಾಸ್ತಿ: ಮಗನನ್ನೇ ಹೊರಹಾಕುವಂತೆ ಕೋರ್ಟ್ ಆದೇಶ