ಬಿಹಾರ: ಪೆರೋಲ್‌ ಮೇಲೆ ಜೈಲಿನಿಂದ ಹೊರಬಂದು ಜೆಡಿಯು ಅಭ್ಯರ್ಥಿ ಪರ ಮತಯಾಚನೆ

ಪಾಟ್ನಾ: 15 ದಿನಗಳ ಪೆರೋಲ್ ಮೇಲೆ ಜೈಲಿನಿಂದ ಹೊರಬಂದ ಮಾಜಿ ಶಾಸಕರೊಬ್ಬರು ಜೆಡಿಯು ಅಭ್ಯರ್ಥಿ ಪರವಾಗಿ ಬೃಹತ್ ರೋಡ್ ಶೋ ನಡೆಸಿದರು.

ಇದನ್ನೂ ಓದಿ: ಮುಸ್ಲಿಂರನ್ನು ಕಾಂಗ್ರೆಸ್‌ ಕೇವಲ ವೋಟ್‌ ಬ್ಯಾಂಕ್‌ಗೆ ಬಳಸಿಕೊಂಡಿದೆ: ರಾಜನಾಥ್ ಸಿಂಗ್​

ಛೋಟೆ ಸರ್ಕಾರ್ ಎಂದು ಕರೆಯಲ್ಪಡುವ ಅನಂತ್ ಕುಮಾರ್ ಸಿಂಗ್ ಅವರು ಮೊಕಾಮಾದಿಂದ ಐದು ಬಾರಿ ಶಾಸಕರಾಗಿದ್ದರು. ಇಂದು ಬೆಳಗ್ಗೆ ಪಾಟ್ನಾದ ಬ್ಯೂರ್ ಸೆಂಟ್ರಲ್ ಜೈಲಿನಿಂದ 15 ದಿನ ಅವರನ್ನು ಪರೋಲ್​ ಮೇಲೆ ಹೊರ ಬಂದಿದ್ದಾರೆ. ಜೈಲಿನಿಂದ ಹೊರಬಂದ ಬಂದ ಕೆಲವೇ ಗಂಟೆಗಳಲ್ಲಿ ಮಾಜಿ ಶಾಸಕ ಬಿಹಾರದಲ್ಲಿ ನಿತೀಶ್‌ ಕುಮಾರ್‌ ಪಕ್ಷದಿಂದ ಕಣಕ್ಕಿಳಿದಿರುವ ಅಭ್ಯರ್ಥಿ ಪರ ರೋಡ್‌ಶೋನಲ್ಲಿ ಭಾಗಿಯಾಗಿದ್ದಾರೆ.‌

ಅಪರಾಧಿ ಅನಂತ್ ಕುಮಾರ್​ ಅವರು ಜೈಲಿನಿಂದ ಹೊರ ಬರುತ್ತಿದ್ದಂತೆ ಅವರ ಅಭಿಮಾನಿಗಳು ಅದ್ಧೂರಿ ಸ್ವಾಗತ ಕೋರಿದ್ದಾರೆ. ಅವರ ಮೇಲೆ ಹೂಮಳೆ ಸುರಿದು ಬ್ಯಾಂಡ್ ಸೆಟ್ ಬಾರಿಸಿ ಸ್ವಾಗತ ಕೋರಿದ್ದಾರೆ. ನಂತರ ಬಾರ್ಹ್​ ವಿಧಾನಸಭಾ ಕ್ಷೇತ್ರದ ಸಬ್ನೀಮಾ ಗ್ರಾಮದಿಂದ ಕಾರುಗಳ ಬೃಹತ್ ರೋಡ್​ ಶೋ ನಡೆಸಿದರು. ಮುಂಗರ್‌ನ ಜೆಡಿಯು ಅಭ್ಯರ್ಥಿ ಲಾಲನ್ ಸಿಂಗ್‌ಗೆ ಬೆಂಬಲ ವ್ಯಕ್ತಪಡಿಸಿದರು.

2020 ರಲ್ಲಿ ಆರ್‌ಜೆಡಿ ಅಭ್ಯರ್ಥಿಯಾಗಿ ವಿಧಾನಸಭಾ ಚುನಾವಣೆಯಲ್ಲಿ ಗೆದ್ದಿದ್ದ ಅನಂತ್ ಸಿಂಗ್, ಶಸ್ತ್ರಾಸ್ತ್ರ ಪ್ರಕರಣದಲ್ಲಿ ದೋಷಿಯಾಗಿದ್ದು, 10 ವರ್ಷಗಳ ಜೈಲು ಶಿಕ್ಷೆಯನ್ನು ಅನುಭವಿಸುತ್ತಿದ್ದಾರೆ.

https://www.vijayavani.net/wrestler-bajrang-punia-given-indefinite-suspension-by-doping-body-report