ಹೈದರಾಬಾದ್: ದಸರಾ ಹಬ್ಬದ ದಿನದಂದೇ ಮೆಗಾ ಪವರ್ಸ್ಟಾರ್ ರಾಮ್ ಚರಣ್ ನಿರ್ದೇಶಕ ಗೌತಮ್ ತಿನ್ನನೌರಿ ಜತೆ ಹೊಸ ಸಿನಿಮಾ ಘೋಷಣೆ ಮಾಡಿದ್ದಾರೆ. ಕೆಜಿಎಫ್ ಖ್ಯಾತಿಯ ನಿರ್ದೇಶಕ ಪ್ರಶಾಂತ್ ನೀಲ್ ಕೂಡ ರಾಮ್ ಚರಣ್ ಜತೆ ಸಿನಿಮಾ ಮಾಡುವುದಾಗಿ ಸುಳಿವು ನೀಡಿದ್ದಾರೆ. ಇತ್ತೀಚೆಗಷ್ಟೇ ಅವರು ಚಿರಂಜೀವಿ ಮತ್ತು ರಾಮ್ಚರಣ್ ಭೇಟಿಯಾದ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಜತೆಯಾಗಿ ಸಿನಿಮಾ ಮಾಡಲಿದ್ದಾರೆ ಎಂಬ ವಿಷಯವೂ ಚರ್ಚೆಯಾಗಿತ್ತು. ಆದರೆ, ಪ್ರಶಾಂತ್ ನೀಲ್ ಜತೆ ಸಿನಿಮಾ ಮಾಡುತ್ತಿಲ್ಲ ಎಂದು ರಾಮ್ ಚರಣ್ ಸ್ಪಷ್ಟನೆ ನೀಡಿದ್ದಾರೆ.
ಪ್ರಶಾಂತ್ ನೀಲ್ ಟ್ವೀಟ್ ಮಾಡುವ ಮುನ್ನವೇ ಮಾಧ್ಯಮಗಳು ತುಂಬಾ ಹೈಪ್ ಸೃಷ್ಟಿ ಮಾಡಿದ್ದವು. ರಾಮ್ ಚರಣ್ ಮತ್ತು ಪ್ರಶಾಂತ್ ನೀಲ್ ಕಾಂಬಿನೇಷನ್ನಲ್ಲಿ ಚಿತ್ರ ತೆರೆಗೆ ಬರಲಿದೆ ಎಂಬ ಸುದ್ದಿಯಾಗಿತ್ತು. ಅದರಲ್ಲೂ ನೀಲ್ ರಾಮ್ ಚರಣ್ ಮತ್ತು ಮೆಗಾಸ್ಟಾರ್ ಚಿರಂಜೀವಿ ಜತೆಗಿನ ಫೋಟೋ ಶೇರ್ ಮಾಡಿಕೊಂಡ ಟ್ವೀಟ್ ಮಾಡಿದ ಬಳಿಕವಂತೂ ಇನ್ನಷ್ಟು ಹೈಪ್ ಕ್ರಿಯೆಟ್ ಆಗಿತ್ತು. ಪ್ರಶಾಂತ್ ಕೂಡ ಮತ್ತೊಂದು ಚಿತ್ರದ ತಯಾರಿ ಕುರಿತು ಟ್ವೀಟ್ನಲ್ಲಿ ಸುಳಿವು ನೀಡಿದ್ದರು. ಆದರೆ, ಇದೀಗ ರಾಮ್ ಚರಣ್, ಪ್ರಶಾಂತ್ ನೀಲ್ಗೆ ಶಾಕ್ ನೀಡಿದ್ದಾರೆ.
Met a legend, and another in the making. Thank you @AlwaysRamCharan for hosting us, had a wonderful evening. Meeting chireenjavi garu @KChiruTweets was a childhood dream come true!@DVVMovies pic.twitter.com/9MXSvcnX29
— Prashanth Neel (@prashanth_neel) October 15, 2021
ರಾಮ್ ಚರಣ್ ಅವರು ನಿನ್ನೆ ನಾಟ್ಯಂ ಹೆಸರಿನ ಮುಂಬರುವ ತೆಲುಗು ಚಿತ್ರವೊಂದರ ಪ್ರೀ ರಿಲೀಸ್ ಈವೆಂಟ್ನಲ್ಲಿ ಭಾಗವಹಿಸಿದ್ದರು. ಈ ವೇಳೆ ವರದಿಗಾರರು ಪ್ರಶಾಂತ್ ನೀಲ್ ಜತೆಗಿನ ಮುಂದಿನ ಚಿತ್ರದ ಬಗ್ಗೆ ಪ್ರಶ್ನಿಸಿದ್ದರು. ಆದರೆ, ಅದನ್ನು ಚಿರು ಪುತ್ರ ನಿರಾಕರಿಸಿದ್ದಾರೆ.
ನೀವು ಪ್ರಶಾಂತ್ ನೀಲ್ ಜತೆ ಸಿನಿಮಾ ಮಾಡುತ್ತಿದ್ದೀರಾ? ಎಂದು ವರದಿಗಾರನ ಪ್ರಶ್ನೆಗೆ ಉತ್ತರಿಸಿದ ರಾಮ್ ಚರಣ್, ಇಲ್ಲ. ಅದೊಂದು ಔತಣ ಕೂಟವಾಗಿತ್ತಷ್ಟೇ ಎಂದಿದ್ದಾರೆ. ಭವಿಷ್ಯದಲ್ಲಿ ಏನಾದರೂ ಸಂಭವಿಸಿದರೆ, ಅದನ್ನು ಘೋಷಣೆ ಮಾಡುತ್ತೇವೆ ಎಂದು ಹೇಳಿದರು. ಆದರೆ, ಪ್ರಶಾಂತ್ ಟ್ವೀಟ್ನಲ್ಲಿ ಮುಂದಿನ ಚಿತ್ರದ ಬಗ್ಗೆ ಸುಳಿವು ನೀಡಿದ್ದರು. ಆದರೆ, ಇದೀಗ ರಾಮ್ ಚರಣ್ ನೀಡಿರುವ ಹೇಳಿಕೆ ಸ್ವತಃ ಪ್ರಶಾಂತ್ ನೀಲ್ಗೆ ಶಾಕ್ ಆಗಿದ್ದರೂ ಅಚ್ಚರಿಪಡಬೇಕಿಲ್ಲ. (ಏಜೆನ್ಸೀಸ್)
ನಿಮ್ಮ ಬಳಿ ಈ 2 ರೂ. ನಾಣ್ಯವಿದ್ರೆ ಮನೆಯಲ್ಲೇ ಕುಳಿತು 5 ಲಕ್ಷ ರೂ. ಸಂಪಾದಿಸಬಹುದು! ಷರತ್ತುಗಳು ಅನ್ವಯ
ಶ್ರೀಲೀಲಾ ನನ್ನ ಮಗಳಲ್ಲ, ಆಕೆ ಡಿವೋರ್ಸ್ ಬಳಿಕ ಜನಿಸಿದಳು! ಮೊದಲ ಚಿತ್ರದಲ್ಲೇ ವಿವಾದಕ್ಕೆ ಸಿಲುಕಿದ ನಟಿ
ಡಿವೋರ್ಸ್ ಎಫೆಕ್ಟ್: ಸಮಂತಾರ ಡೇಟ್ ಬೇಕಾದ್ರೆ ಈ ಷರತ್ತುಗಳಿಗೆ ನಿರ್ಮಾಪಕರು ಓಕೆ ಅನ್ನಲೇಬೇಕು..!