ಕೊತ್ತಮಂಗಲಂ: ಕದ್ದ ಲಾಟರಿ ಟಿಕೆಟ್ಗೆ ಬಂದು ನಗದು ಬಹುಮಾನವನ್ನು ಪಡೆಯಲು ಹೋದ ಖದೀಮ ಪೊಲೀಸರ ಅತಿಥಿಯಾಗಿ ಕಂಬಿ ಎಣಿಸುತ್ತಿರುವ ಘಟನೆ ಕೇರಳದ ಕೊತ್ತಮಂಗಲಂನಲ್ಲಿ ನಡೆದಿದೆ.
ಬಂಧಿತ ಆರೋಪಿಯನ್ನು ಉರುಂಬಿಲ್ ಬಾಬು ಎಂದು ಗುರುತಿಸಲಾಗಿದೆ. ಈತ ಕೊತ್ತಮಂಗಲಂನ ಜೆಜೆ ಲಾಟರೀಸ್ ಹೆಸರಿನ ಅಂಗಡಿಯಿಂದ ನವೆಂಬರ್ 12ರಂದು 80 ಸಾವಿರ ಮೌಲ್ಯದ 2520 ಲಾಟರಿಯನ್ನು ಕದ್ದಿದ್ದ. ಲಾಟರಿ ಏಜೆನ್ಸಿಗಳ ಸಹಾಯದಿಂದ ಕದ್ದ ಲಾಟರಿ ಟಿಕೆಟ್ಗಳ ಸಂಖ್ಯೆಯನ್ನು ಎಲ್ಲೆಡೆ ನೀಡಲಾಗಿತ್ತು.
ಕದ್ದ ಒಂದು ಲಾಟರಿಗೆ 5 ಸಾವಿರ ರೂ. ನಗದು ಬಹುಮಾನ ಬಂದಿತ್ತು. ಇದನ್ನು ತಿಳಿದ ಬಾಬು ಹಣ ಪಡೆದುಕೊಳ್ಳಲೆಂದು ಪಲಾದಲ್ಲಿರುವ ಲಾಟರಿ ಏಜೆನ್ಸಿಗೆ ಹೋಗಿದ್ದ. ಬಾಬು ಲಾಟರಿ ನೀಡಿದಾಗ ಅನುಮಾನಗೊಂಡ ಶಾಪ್ ಮಾಲೀಕ ನಂಬರ್ ಅನ್ನು ಪರಿಶೀಲಿಸಿದ್ದಾರೆ. ಇದನ್ನು ನೋಡಿ ಬಾಬು ಮಾಲೀಕನಿಗೆ ತನ್ನ ಕೃತ್ಯ ಗೊತ್ತಾಗಿದೆ ಎಂದು ತಿಳಿದು ಲಾಟರಿ ಟಿಕೆಟ್ ಕಸಿದುಕೊಂಡು ಅಲ್ಲಿಂದ ಪರಾರಿಯಾಗಿದ್ದಾನೆ.
ಇದಾದ ಬಳಿಕ ಶಾಪ್ ಮಾಲೀಕರ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಪೊಲೀಸರು ಹುಡುಕಾಡಿದಾಗ ಆರೋಪಿ ಬಾಬು ಸಿಕ್ಕಿಬಿದ್ದಿದ್ದಾನೆ. ಆತನ ಮೇಲೆ ಅನೇಕ ಪ್ರಕರಣಗಳು ಕೂಡ ದಾಖಲಾಗಿವೆ. ಸದ್ಯ ಕಂಜಿರಪಲ್ಲಿ ಪೊಲೀಸರು ಬಾಬುನನ್ನು ಬಂಧಿಸಿದ್ದು, ಪ್ರಕರಣ ದಾಖಲಿಸಿ ವಿಚಾರಣೆ ನಡೆಸುತ್ತಿದ್ದಾರೆ. (ಏಜೆನ್ಸೀಸ್)
ಪುಷ್ಪ ಸಿನಿಮಾದಿಂದ ಪ್ರಭಾವಿತರಾಗಿ ಗ್ಯಾಂಗ್ ಕಟ್ಟಿಕೊಂಡು ನೀಚ ಕೆಲಸ ಎಸಗಿದ ಅಪ್ರಾಪ್ತರು..!
ಬಾಡಿಗೆ ತಾಯ್ತನದ ಮೂಲಕ ಮೊದಲ ಮಗುವನ್ನು ಸ್ವಾಗತಿಸಿದ ಪ್ರಿಯಾಂಕಾ ಚೋಪ್ರಾ ಮತ್ತು ನಿಕ್ ಜೋನಸ್
ಕನ್ನಡ ಪ್ರೀತಿಗೆ ಸಲಾಂ! ಹೆಜ್ಜೆ ಹಾಕಿದ್ದು ತೆಲುಗು ಸಿನಿಮಾ ಹಾಡಿಗೆ ಆದ್ರೆ ವಾರ್ನರ್ ಗೆದ್ದಿದ್ದು ಕನ್ನಡಿಗರ ಹೃದಯ