ಹೈದರಾಬಾದ್: ನಾವಿಬ್ಬರು ಫ್ರೆಂಡ್ಸ್ ಅಷ್ಟೇ. ನೀವಂದುಕೊಂಡಂತೆ ನಮ್ಮಿಬ್ಬರ ನಡುವೆ ಏನು ಇಲ್ಲ ಎಂದು ತಮ್ಮಿಬ್ಬರ ಸಂಬಂಧದ ಬಗ್ಗೆ ಹರಡಿರುವ ವದಂತಿಗಳ ಕುರಿತು ನಟ ವಿಜಯ್ ದೇವರಕೊಂಡ ಮತ್ತು ರಶ್ಮಿಕಾ ಮಂದಣ್ಣಾ ಸ್ಪಷ್ಟನೆ ನೀಡಿದ್ದರೂ ಸಹ ಅನೇಕರು ಅದನ್ನು ನಂಬಲು ತಯಾರಿಲ್ಲ. ಇದೀಗ ವಿಜಯ್ ಮತ್ತು ರಶ್ಮಿಕಾ ಬಗ್ಗೆ ಹೊಸದೊಂದು ವದಂತಿ ಹರಿದಾಡುತ್ತಿದೆ.
ಹೊಸ ವದಂತಿ ಏನೆಂದರೆ, ವಿಜಯ್ ಮತ್ತು ರಶ್ಮಿಕಾ ಶೂಟಿಂಗ್ನಿಂದ ಬಿಡುವು ಪಡೆದಿದ್ದು, ಒಟ್ಟಿಗೆ ಮಾಲ್ಡೀವ್ಸ್ ಹಾರಿದ್ದಾರೆ ಎಂಬುದು. ಈ ವದಂತಿ ಹರಡಲು ಒಂದು ಕಾರಣವೂ ಇದೆ. ಅದೇನೆಂದರೆ, ನಿನ್ನೆ ವಿಜಯ್ ಮತ್ತು ರಶ್ಮಿಕಾ ಇಬ್ಬರು ಮುಂಬೈ ವಿಮಾನ ನಿಲ್ದಾಣದಲ್ಲಿ ಒಟ್ಟಿಗೆ ಕಾಣಿಸಿಕೊಂಡರು. ಆ ಕ್ಷಣದಿಂದ ಇಬ್ಬರ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಚರ್ಚೆ ಆಗುತ್ತಿದೆ.
ಮೊದಲು ವಿಮಾನ ನಿಲ್ದಾಣಕ್ಕೆ ಆಗಮಿಸಿದ ರಶ್ಮಿಕಾ, ಪಾಪರಾಜಿಗಳ ಕಡೆ ಕೈ ಬೀಸಿ ನಿಲ್ದಾಣದ ಒಳಗಡೆ ತೆರಳಿದರು. ಇದಾದ ಕೆಲವೇ ಸಮಯದಲ್ಲಿ ವಿಜಯ್ ದೇವರಕೊಂಡ ಸಹ ವಿಮಾನ ನಿಲ್ದಾಣ ತಲುಪಿದರು. ಕೆಲವೇ ಸಮಯದ ಅಂತರದಲ್ಲಿ ಇಬ್ಬರು ಒಂದೇ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡಿದ್ದು, ವಂದತಿ ಎಂಬ ಬೆಂಕಿಗೆ ತುಪ್ಪ ಸುರಿದಂತಾಯಿತು. ಇಬ್ಬರು ಈಗಲೂ ಸಂಬಂಧದಲ್ಲಿದ್ದಾರೆ ಎಂದು ಬಾಲಿವುಡ್ ಮತ್ತು ಟಾಲಿವುಡ್ ಮಂದಿ ಮಾತನಾಡಿಕೊಳ್ಳುತ್ತಿದ್ದಾರೆ.
ಲೈಗರ್ ಚಿತ್ರದ ಹೀನಾಯ ಸೋಲಿನ ಬಳಿಕ ವಿಜಯ್ ಕೊಂಚ ಬಿಡುವು ಬಯಸಿದ್ದಾರೆ. ಇತ್ತ ರಶ್ಮಿಕಾ ಕೂಡ ಬಿರುಸಿನ ಚಿತ್ರೀಕರಣ ನಡೆಸಿದ್ದರು. ಅಲ್ಲದೆ, ಪುಷ್ಪ 2 ಚಿತ್ರೀಕರಣವನ್ನು ಪ್ರಾರಂಭಿಸುವ ಮೊದಲು ಸ್ವಲ್ಪ ವಿರಾಮ ತೆಗೆದುಕೊಂಡಿದ್ದಾರೆ. ಈ ಬಿಡುವಿನ ಮಧ್ಯ ಇಬ್ಬರು ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡಿರುವುದರಿಂದ ವದಂತಿಗಳು ತೇಲಿಬಂದಿವೆ.
ಗೀತಾ ಗೋವಿಂದಂ ಸಿನಿಮಾದಿಂದ ಆರಂಭವಾದ ವಿಜಯ್ ಮತ್ತು ರಶ್ಮಿಕಾ ಸೇಹ, ಪ್ರೀತಿಗೆ ತಿರುಗಿದೆ ಎಂದು ಹಿಂದಿನಿಂದಲೂ ಹೇಳಲಾಗುತ್ತಿದೆ. ಅನೇಕ ಬಾರಿ ಇಬ್ಬರು ಹೋಟೆಲ್ನಲ್ಲಿ ಒಟ್ಟಾಗಿ ಕಾಣಸಿಕೊಂಡಿದ್ದಾರೆ. ರಶ್ಮಿಕಾ, ವಿಜಯ್ ಕುಟುಂಬದ ಜೊತೆಗೆ ಗೋವಾದಲ್ಲಿ ಹೊಸ ವರ್ಷ ಆಚರಣೆ ಸಹ ಮಾಡಿದ್ದರು. ಒಮ್ಮೆ ವಿಜಯ್ಗಾಗಿ ಅಮೆರಿಕಕ್ಕೂ ಹೋಗಿ ಬಂದಿದ್ದರು. ಹೀಗಾಗಿ ಇಬ್ಬರ ನಡುವೆ ಪ್ರೀತಿ ಇದೆ. ಇಬ್ಬರು ಹಸೆಮಣೆ ಏರಲಿದ್ದಾರೆ ಎಂಬ ಸುದ್ದಿಯಾಗಿತ್ತು. ಆದರೆ, ಇತ್ತೀಚೆಗೆ ರಶ್ಮಿಕಾ ಮತ್ತು ವಿಜಯ್ ಅಂತರ ಕಾಯ್ದುಕೊಂಡಿರುವ ಸುದ್ದಿಯು ಕೇಳಿಬರುತ್ತಿದೆ. ವಿಜಯ್ ಹುಟ್ಟುಹಬ್ಬದ ದಿನ ರಶ್ಮಿಕಾ ಒಂದು ಶುಭಾಶಯ ಸಹ ಕೋರಿಲ್ಲ. ಅಲ್ಲದೆ, ಇತ್ತೀಚೆಗೆ ಇಬ್ಬರು ಎಲ್ಲಿಯೂ ಒಟ್ಟಾಗಿ ಕಾಣಿಸಿಕೊಂಡಿಲ್ಲ. ಹೀಗಿರುವಾಗ ಮತ್ತೆ ವಿಮಾನದಲ್ಲಿ ಕಾಣಿಸಿಕೊಂಡಿರುವುದು ಹೊಸದೊಂದು ವದಂತಿಗೆ ಮುನ್ನುಡಿ ಬರೆದಿದೆ. ಈ ವದಂತಿಗೆ ಅವರೇ ಸ್ಪಷ್ಟನೆ ನೀಡಬೇಕಿದೆ. (ಏಜೆನ್ಸೀಸ್)
ಭಾರತ್ ಜೋಡೋ ಯಾತ್ರೆಯಲ್ಲಿ ರಾಹುಲ್ ಜತೆ ಹೆಜ್ಜೆ ಹಾಕಿದ ಜೆಡಿಎಸ್ ಉಚ್ಛಾಟಿತ ಶಾಸಕ: ಕಾಂಗ್ರೆಸ್ ಸೇರ್ಪಡೆ ಖಚಿತ
ದಿವ್ಯಾ-ಅರವಿಂದ್ ಅರ್ಧಂಬರ್ಧ ಪ್ರೇಮಕಥೆ; ರೀಲ್ನಲ್ಲೂ ಒಂದಾದ ರಿಯಲ್ ಜೋಡಿ
ಪಾಕ್ ಮಾರ್ಗವಾಗಿ ಭಾರತಕ್ಕೆ ಬರ್ತಿದ್ದ 1200 ಕೋಟಿ ರೂ. ಮೌಲ್ಯದ ಹೆರಾಯಿನ್ ಸೀಜ್! 6 ಇರಾನ್ ಪ್ರಜೆಗಳ ಬಂಧನ