ವಿಜಯವಾಡ (ಆಂಧ್ರ ಪ್ರದೇಶದ): ವಿಜಯವಾಡದ ಸತ್ಯನಾರಾಯಣಪುರಂ ಪೊಲೀಸ್ ಠಾಣೆಯ ಮಹಿಳಾ ಪೊಲೀಸ್ ಸಬ್ ಇನ್ಸ್ಪೆಕ್ಟರ್ (ಪ್ರೊಬೆಷನರಿ) ಆತ್ಮಹತ್ಯೆಗೆ ಯತ್ನಿಸಿದ ಪ್ರಕರಣವು ಪ್ರೇಮ ವೈಫಲ್ಯ ತಿರುವು ಪಡೆದುಕೊಂಡಿದೆ.
ಕೊಂಡುರು ವಲಯದ ಯುವತಿ ಕೆಲವು ತಿಂಗಳ ಹಿಂದೆ ಪಿಎಸ್ಐ ಆಗಿ ನೇಮಕವಾಗಿದ್ದರು. ವಿಜಯವಾಡದ ಅಯೋಧ್ಯ ನಗರದಲ್ಲಿ ವಾಸವಿದ್ದ ಪಿಎಸ್ಐ ಇದೇ ತಿಂಗಳ 12ರಂದು ರಾತ್ರಿ 11.30ರ ಸುಮಾರಿಗೆ ಆತ್ಮಹತ್ಯೆಗೆ ಶರಣಾಗಿದ್ದರು. ಅದಕ್ಕೂ ಮುನ್ನ ಸೆಂಟ್ರಲ್ ಕ್ರೈಮ್ ಸ್ಟೇಷನ್ಗೆ ತಾನು ಆತ್ಮಹತ್ಯೆ ಮಾಡಿಕೊಳ್ಳುತ್ತಿರುವುದಾಗಿ ಮಾಹಿತಿ ನೀಡಿದ್ದರು. ಬಳಿಕ ಸತ್ಯನಾರಾಯಣಪುರಂ ಠಾಣೆಗೆ ಮಾಹಿತಿ ತಿಳಿದು ಅಲ್ಲಿನ ಸಿಬ್ಬಂದಿ ತಕ್ಷಣ ಘಟನಾ ಸ್ಥಳಕ್ಕೆ ಆಗಮಿಸಿದರು.
ಮಹಿಳಾ ಪಿಎಸ್ಐ ಮನೆಯೊಳಗೆ ಆಗಮಿಸಿದ ಪೊಲೀಸ್ ಸಿಬ್ಬಂದಿಯ ಕಣ್ಣಿಗೆ ಉಗುರು ಬಣ್ಣ ಮತ್ತು ಸ್ಯಾನಿಟೈಸರ್ ಬಾಟಲಿ ಕಣ್ಣಿಗೆ ಬಿದ್ದಿತ್ತು. ಎರಡನ್ನು ಮಿಶ್ರಣ ಮಾಡಿ ಪಿಎಸ್ಐ ಸೇವಿಸಿರುವುದು ಖಚಿತವಾಯಿತು. ತಕ್ಷಣ ಆಕೆಯನ್ನು ಸಿಂಗನಗರಕ್ಕೆ ದಾಖಲಿಸಿ, ಚೇತರಿಕೆ ಬಳಿಕ ಅವರನ್ನು ಮನೆಗೆ ಸೇರಿಸಲಾಯಿತು.
ಆತ್ಮಹತ್ಯೆ ಯತ್ನ ಹಿಂದಿದೆ ಲವ್ ಫೇಲ್ಯೂರ್
ಮಹಿಳಾ ಪಿಎಸ್ಐ ಆತ್ಮಹತ್ಯೆಗೆ ಲವ್ ಕಾರಣ ಎಂದು ಹೇಳಲಾಗಿದೆ. ಆಕೆ ಸೆಂಟ್ರಲ್ ಕ್ರೈಮ್ ಸ್ಟೇಷನ್ನಲ್ಲಿ ಕೆಲಸ ಮಾಡುವ ಎಸ್ಐ ಜತೆ ಪ್ರೀತಿಯ ಬಲೆಯಲ್ಲಿ ಬಿದ್ದಿದ್ದರು ಎನ್ನಲಾಗಿದೆ. ಆದರೆ, ತಾನು ಪ್ರೀತಿಸುತ್ತಿದ್ದ ಎಸ್ಐ ಇತ್ತೀಚೆಗೆ ಇನ್ನೊಬ್ಬಳ ಜತೆ ಮದುವೆ ಆಗಿದ್ದಕ್ಕೆ ಮನನೊಂದು ಆತ್ಮಹತ್ಯೆಗೆ ಯತ್ನಿಸಿದ್ದಾರೆಂದು ತಿಳಿದುಬಂದಿದೆ.
ಇದೀಗ ಆತ್ಮಹತ್ಯೆಗೆ ಯತ್ನಿಸಿದ ಮಹಿಳಾ ಪಿಎಸ್ಐ ವಿರುದ್ಧ ಅಜಿತ್ ಸಿಂಗ್ ನಗರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ. (ಏಜೆನ್ಸೀಸ್)
ಪಾಕಿಸ್ತಾನದಲ್ಲಿ ಪಂಜಾಬಿ ಹಾಡು ಹಾಡ್ತಿದ್ದಾರೆ ಅಮೆರಿಕ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್!
ಪರ ಪುರುಷನ ಜತೆ ಸಂಬಂಧ: ಮಹಿಳೆಯ ಬಟ್ಟೆಗಳನ್ನು ಕಿತ್ತೆಸೆದು ಬೆತ್ತಲೆ ಮೆರವಣಿಗೆ ಮಾಡಿದ ಗ್ರಾಮಸ್ಥರು!
ನಟಿಯ ಮೇಲೆ ಅತ್ಯಾಚಾರಕ್ಕೆ ಯತ್ನ: ಪ್ರತಿಷ್ಠಿತ ಉದ್ಯಮಿ ಸೇರಿದಂತೆ ಐವರ ಬಂಧನ!