ಕಾಬುಲ್: ಅಫ್ಘಾನಿಸ್ತಾನ ಆಕ್ರಮಿಸಿಕೊಂಡಿರುವ ತಾಲಿಬಾನಿಗಳು ಸರ್ಕಾರ ರಚನೆಗೆ ತಯಾರಿ ನಡೆಸುತ್ತಿದ್ದಾರೆ. ಇದರ ನಡುವೆ ಕಾಬುಲ್ ನಿವಾಸಿಗಳಿಗೆ ತಾಲಿಬಾನಿಗಳು ಕರೆಯೊಂದನ್ನು ನೀಡಿದ್ದು, ನಿಮ್ಮ ಬಳಿಯಿರುವ ಸರ್ಕಾರಿ ವಾಹನ, ಸಶ್ತ್ರಾಶ್ತ್ರ ಹಾಗೂ ಮದ್ದು ಗುಂಡುಗಳನ್ನು ಹಿಂತಿರುಗಿಸುವಂತೆ ತಾಲಿಬಾನ್ ವಕ್ತರಾ ಝಬಿಹುಲ್ಲಾ ಮುಜಾಹಿದ್ ಕಾಬುಲ್ ನಿವಾಸಿಗಳಿಗೆ ಎಚ್ಚರಿಕೆ ಸಂದೇಶವನ್ನು ರವಾನಿಸಿದ್ದಾರೆ.
ಸರ್ಕಾರಿ ಆಸ್ತಿಗಳು ಸೇರಿದಂತೆ ಯಾವೆಲ್ಲ ವಸ್ತುಗಳು ಸರ್ಕಾರಕ್ಕೆ ಸೇರಿದೆವೆಯೋ ಅದನ್ನೆಲ್ಲ ಮರಳಿಸುವಂತೆ ತಾಲಿಬಾನ್ ಕರೆ ನೀಡಿದೆ. ಒಂದು ವೇಳೆ ಹಿಂತಿರುಗಿಸದಿದ್ದಲ್ಲಿ ಕಠಿಣ ಕ್ರಮದ ಎಚ್ಚರಿಕೆಯನ್ನು ಸಹ ತಾಲಿಬಾನಿಗಳು ನೀಡಿದ್ದಾರೆ.
ಇದರೊಂದಿಗೆ ಎಲ್ಲ ಸರ್ಕಾರಿ ಅಧಿಕಾರಿಗಳು ಕಚೇರಿಗೆ ಮರಳಿ ಕೆಲಸ ಆರಂಭಿಸುವಂತೆಯೂ ಸಂದೇಶ ರವಾನೆಯಾಗಿದೆ. ಇನ್ನೇನು ಅಮೆರಿಕ ಸ್ಥಳಾಂತರ ಪ್ರಕ್ರಿಯೆ ಮುಗಿಯಲಿದ್ದು, ಅಮೆರಿಕ ಯೋಧರು ಆಫ್ಘಾನ್ ನೆಲವನ್ನು ಶಾಶ್ವತವಾಗಿ ತೊರೆಯಲಿದ್ದಾರೆ. ಇದಾದ ಬಳಿಕ ತಾಲಿಬಾನಿಗಳು ಸರ್ಕಾರ ರಚಿಸುವ ಪ್ಲಾನ್ ಮಾಡಿಕೊಂಡಿದೆ.
ಇನ್ನು ತಾಲಿಬಾನಿಗಳ ಆಡಳಿತವನ್ನು ನೆನೆದು ಭಯಭೀತಗೊಂಡಿರುವ ಆಫ್ಘಾನ್ನರು ಬೇರೆ ಬೇರೆ ದೇಶಗಳತ್ತ ಮುಖ ಮಾಡುತ್ತಿದ್ದಾರೆ. ಇನ್ನು ಲಕ್ಷಾಂತರ ಮಂದಿ ಕಾಬುಲ್ ವಿಮಾನ ನಿಲ್ದಾಣ ಮುಂದೆಯೇ ತಮ್ಮ ಅವಕಾಶಕ್ಕಾಗಿ ಚಾತಕ ಪಕ್ಷಿಯಂತೆ ಕಾಯುತ್ತಿದ್ದಾರೆ. ಇದೇ ಸಂದರ್ಭದಲ್ಲಿ ಕಾಬುಲ್ ವಿಮಾನ ನಿಲ್ದಾಣದಲ್ಲಿ ಅಮೆರಿಕ ಸೇನೆಯನ್ನು ಗುರಿಯಾಗಿರಿಸಿ ಐಎಸ್-ಕೆ ಉಗ್ರ ಸಂಘಟನೆ ಮತ್ತೊಮ್ಮೆ ದಾಳಿ ನಡೆಸುವ ಸಾಧ್ಯತೆ ಇರುವುದರಿಂದ ಕಾಬುಲ್ನಲ್ಲಿ ಬಿಗುವಿನ ವಾತಾವರಣ ಮುಂದುವರಿದಿದೆ. (ಏಜೆನ್ಸೀಸ್)
ಮೈಸೂರು ಗ್ಯಾಂಗ್ರೇಪ್ ಕೇಸ್: ಕೃತ್ಯಕ್ಕೆ ಕಾರಣ ಬಿಚ್ಚಿಟ್ಟ ಆರೋಪಿಗಳ ಮಾತು ಕೇಳಿ ಪೊಲೀಸರೇ ಶಾಕ್!
ಗುಜರಾತ್‌ನಲ್ಲಿ ಸಂಸ್ಕೃತ ಭಾಷೆ ಉಳಿಸುವ ಕೆಲಸ- ಮನ್‌ ಕೀ ಬಾತ್‌ನಲ್ಲಿ ಪ್ರಧಾನಿ ಮೋದಿ ಮಾಹಿತಿ
ದಂಡ ವಸೂಲಿ ಮಾಡ್ತಿದ್ದ ಪೊಲೀಸರಿಗೆ ಕ್ಲಾಸ್: ಮಾಜಿ ಸ್ಪೀಕರ್ ರಮೇಶ್ ಕುಮಾರ್ ವಿರುದ್ಧ ತಿರುಗಿಬಿದ್ದ ಕೆಲ ಪೊಲೀಸರು!