ಮಂಡ್ಯ: ಮಾಜಿ ಸಚಿವ ಹಾಗೂ ಬಿಜೆಪಿ ವಿಧಾನ ಪರಿಷತ್ ಸದಸ್ಯ ಸಿ.ಪಿ. ಯೋಗೇಶ್ವರ್ ಪುತ್ರಿ ನಿಶಾ ಯೋಗೇಶ್ವರ್ಗೆ ಕಾನೂನು ಸಂಕಷ್ಟ ಎದುರಾಗಿದೆ. ಬಾಡಿಗೆ ಹಾಗೂ ಕಂದಾಯ ಪಾವತಿಸದ ಹಿನ್ನೆಲೆಯಲ್ಲಿ ನಿಶಾ ವಿರುದ್ಧ ಕಾನೂನು ಹೋರಾಟಕ್ಕೆ ಮದ್ದೂರು TAPCMS ಆಡಳಿತ ಮಂಡಳಿ ನಿರ್ಧಾರ ಮಾಡಿದೆ.
ನಿಶಾ ಯೋಗೇಶ್ವರ್ ಅವರು ಡೆಕ್ಕನ್ ಫೀಲ್ಡ್ ಆಗ್ರೋ ಇಂಡಸ್ಟ್ರೀಸ್ನ ಮಾಲೀಕರು. 2017ರಲ್ಲಿ ಮದ್ದೂರು TAPCMSಗೆ ಸೇರಿದ ಗೋದಾಮನ್ನು ನಿಶಾ ಅವರ ಕಂಪನಿ ಬಾಡಿಗೆಗೆ ಪಡೆದಿತ್ತು. ಆದರೆ, ಒಪ್ಪಂದದಂತೆ ಬಾಡಿಗೆ ಹಾಗೂ ಕಂದಾಯವನ್ನು ಕಂಪನಿ ಪಾವತಿಸಿಲ್ಲ ಎಂಬ ಆರೋಪ ಕೇಳಿಬಂದಿದೆ.
ಏಪ್ರಿಲ್ 2018ರಿಂದಲೂ ಬಾಡಿಗೆ ಹಾಗೂ ಕಂದಾಯವನ್ನು ಬಾಕಿ ಉಳಿಸಿಕೊಂಡಿದೆ. ಗೋದಾಮು ಬಾಡಿಗೆ 42.47 ಲಕ್ಷ, ಖಾಲಿ ಜಾಗದ ನೆಲ ಬಾಡಿಗೆ 1.09 ಲಕ್ಷ ಹಾಗೂ ಪುರಸಭೆಯ ಕಂದಾಯ ಬಾಕಿ 4.78 ಲಕ್ಷ ರೂಪಾಯಿಯನ್ನು ನಿಶಾ ಯೋಗೇಶ್ವರ್ ಅವರ ಡೆಕ್ಕನ್ ಫೀಲ್ಡ್ ಆಗ್ರೋ ಇಂಡಸ್ಟ್ರೀಸ್ ಬಾಕಿ ಉಳಿಸಿಕೊಂಡಿದೆ.
ಇದೀಗ ನಿಶಾ ಅವರ ಕಂಪನಿ ವಿರುದ್ಧ ಮದ್ದೂರು TAPCMS ಆಡಳಿತ ಮಂಡಳಿ ಕಾನೂನು ಕ್ರಮಕ್ಕೆ ನಿರ್ಧಾರ ಮಾಡಿದೆ. (ದಿಗ್ವಿಜಯ ನ್ಯೂಸ್)
ನಟಿ ಸೌಜನ್ಯ ಸಾವು ಪ್ರಕರಣ: ಆರೋಪಿ ಮೊಬೈಲ್ನಲ್ಲಿದ್ದ ಫೋಟೋ-ವಿಡಿಯೋಗಳ ಬೆನ್ನತ್ತಿದ ಪೊಲೀಸರು
ರಿತೇಶ್, ಪ್ರೀತಿ ಝಿಂಟಾರನ್ನು ಅಪ್ಪಿ, ಕೈಗೆ ಮುತ್ತಿಟ್ಟಾಗ ಕೊಟ್ಟ ಎಕ್ಸ್ಪ್ರೆಷನ್ ಬಗ್ಗೆ ಜೆನಿಲಿಯಾ ಹೇಳಿದ್ದಿಷ್ಟು..!
ಕಂಗನಾ ರಣಾವತ್ ಇನ್ಮುಂದೆ ಯುಪಿ ಸರ್ಕಾರದ “ಒಂದು ಜಿಲ್ಲೆ ಒಂದು ಉತ್ಪನ್ನ” ಯೋಜನೆಯ ರಾಯಭಾರಿ
ಇಲಾಖೆಗಳಿಗೆ ಇ-ಕಾರು; ಪ್ರಾಯೋಗಿಕವಾಗಿ 1 ಸಾವಿರ ವಾಹನ ಖರೀದಿಗೆ ಚಿಂತನೆ