ಮುಂಬೈ: ಅತ್ರಂಗಿ ರೇ ಚಿತ್ರದ ಮೂಲಕ ಸಾರಾ ಅಲಿ ಖಾನ್, ಧನುಷ್ ಮತ್ತು ಅಕ್ಷಯ್ ಕುಮಾರ್ ಒಟ್ಟಿಗೆ ತೆರೆಯ ಮೇಲೆ ಬರಲು ಸಜ್ಜಾಗಿದ್ದಾರೆ. ಬೆಳ್ಳಿಪರದೆಯಲ್ಲದೆ, ನೇರವಾಗಿ ಡಿಸ್ನಿ ಹಾಟ್ಸ್ಟಾರ್ ಮೂಲಕ ಒಟಿಟಿಯಲ್ಲಿ ಸಿನಿಮಾ ಬಿಡುಗಡೆ ಆಗಲಿದೆ. ಡಿಸೆಂಬರ್ 24ರಿಂದ ಸಿನಿಮಾವೂ ಪ್ರಸಾರವಾಗಲಿದ್ದು, ಅಭಿಮಾನಿಗಳು ಮೂವರನ್ನು ಕಣ್ತುಂಬಿಕೊಳ್ಳಲು ಎದುರು ನೋಡುತ್ತಿದ್ದಾರೆ.
ರೊಮ್ಯಾಂಟಿಕ್ ಸಿನಿಮಾದಲ್ಲಿ ಸಾರಾ ಅಲಿ ಖಾನ್ ನಾಯಕಿ ಪಾತ್ರವನ್ನು ಮಾಡಿದ್ದರೆ, ಧನುಷ್ ಮತ್ತು ಅಕ್ಷಯ್ ಕುಮಾರ್ ನಾಯಕಿಯನ್ನು ಪ್ರೀತಿಯ ಬಲೆ ಬೀಳಿಸಿಕೊಳ್ಳಲು ಪೈಪೋಟಿಗೆ ಬೀಳುವ ನಾಯಕರಾಗಿದ್ದಾರೆ. ಸಿನಿಮಾ ಬಿಡುಗಡೆ ಹಿನ್ನೆಲೆಯಲ್ಲಿ ಚಿತ್ರತಂಡ ಪ್ರಚಾರದಲ್ಲಿ ಬಿಜಿಯಾಗಿದೆ. ಇತ್ತೀಚೆಗಷ್ಟೇ ಸಾರಾ ಮಾಧ್ಯಮ ಸಂದರ್ಶನವೊಂದಲ್ಲಿ ಭಾಗವಹಿಸಿದ್ದರು. ಈ ವೇಳೆ ತೆಲುಗು ನಟ ವಿಜಯ್ ದೇವರಕೊಂಡ ಬಗ್ಗೆ ಸ್ಫೋಟಕ ಹೇಳಿಕೆಯೊಂದನ್ನು ಸಾರಾ ನೀಡಿದ್ದಾರೆ.
ದಕ್ಷಿಣ ಭಾರತದ ಸಿನಿಮಾ ಹೀರೋಗಳ ಜತೆ ನಟಿಸುವುದಾದರೆ, ನೀವು ಯಾವ ನಟನೊಂದಿಗೆ ತೆರೆಹಂಚಿಕೊಳ್ಳಲು ಬಯಸುತ್ತೀರಾ ಎಂಬ ಮಾಧ್ಯಮ ಪ್ರಶ್ನೆ ಸಾರಾಗೆ ಎದುರಾಯಿತು. ಈ ವೇಳೆ ಉತ್ತರಿಸಿದ ಅವರು ನಾನು ವಿಜಯ ದೇವರಕೊಂಡ ಜತೆಯಲ್ಲಿ ನಟಿಸಲು ಬಯಸುತ್ತೇನೆಂದರು. ಅವರೊಬ್ಬ ಶ್ರೇಷ್ಠ ನಟ. ಅವರು ಕೂಲ್ ಮಾತ್ರವಲ್ಲ ನಿಜಕ್ಕೂ ತುಂಬಾ ಹಾಟ್ ಎನ್ನುವ ಮೂಲಕ ಬೋಲ್ಡ್ ಕಾಮೆಂಟ್ ಮಾಡಿದ್ದಾರೆ.
ಈ ಹಿಂದೆಯೂ ಸಾರಾ ವಿಜಯ್ ಜತೆಗಿನ ಫೋಟೋಗಳನ್ನು ಹಂಚಿಕೊಂಡಿದ್ದರು. ಅರ್ಜುನ್ ರೆಡ್ಡಿ ಸಿನಿಮಾ ಮೂಲಕ ಎಲ್ಲೆಡೆ ಮನೆ ಮಾತಾಗಿರುವ ವಿಜಯ್ ದೇವರಕೊಂಡ ಇದೀಗ ಪೂರಿ ಜಗನ್ನಾಥ್ ನಿರ್ದೇಶನದ “ಲೈಗರ್” ಸಿನಿಮಾ ಮೂಲಕ ಬಾಲಿವುಡ್ಗೆ ಎಂಟ್ರಿ ಕೊಡುತ್ತಿದ್ದಾರೆ. (ಏಜೆನ್ಸೀಸ್)
71ನೇ ವಸಂತಕ್ಕೆ ಕಾಲಿಟ್ಟ ತಲೈವಾಗೆ ಶುಭಾಶಯಗಳ ಮಹಾಪೂರ: ರಜನಿ ಬಗ್ಗೆ ನಿಮಗೆ ತಿಳಿಯಬೇಕಾದ 12 ವಿಶೇಷ ಸಂಗತಿಗಳು!
ಜೂನಿಯರ್ ಎನ್ಟಿಆರ್ ಧರಿಸಿರುವ ಈ ವಾಚ್ನ ಬೆಲೆ ಕೇಳಿದ್ರೆ ನಿಜಕ್ಕೂ ಬೆರಗಾಗ್ತಿರಾ..!
ಹಾಸ್ಯನಟ ಸಂಜು ಬಸಯ್ಯ ಅವರದ್ದು 8 ವರ್ಷಗಳ ಪ್ರೀತಿ! ಪ್ರೇಯಸಿ ಜೊತೆಗಿನ ಫೋಟೋಗಳು ವೈರಲ್!