ಬೆಂಗಳೂರು: ಅನ್ಯಕೋಮಿನ ಮಹಿಳೆಗೆ ಡ್ರಾಪ್ ಕೊಟ್ಟಿದ್ದಕ್ಕೆ ಹಿಂದು ಯುವಕನ ಮೇಲೆ ಹಲ್ಲೆ ಮಾಡಿರುವ ಘಟನೆ ನಗರದ ಡೈರಿ ಸರ್ಕಲ್ನಲ್ಲಿ ನಡೆದಿದೆ ಎನ್ನಲಾಗಿದೆ. ಇದಕ್ಕೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಹಲ್ಲೆ ಮಾಡಿದವರ ವಿರುದ್ಧ ಭಾರೀ ಆಕ್ರೋಶ ವ್ಯಕ್ತವಾಗಿದೆ.
ಮಹೇಶ್ ಎಂಬಾತನ ಮೇಲೆ ಅನ್ಯಕೋಮಿನ ಕೆಲ ಪುಡಾರಿಗಳು ಹಲ್ಲೆ ಮಾಡಿರುವ ಆರೋಪ ಕೇಳಿಬಂದಿದೆ. ಇನ್ನೊಂದು ಸಾರಿ ಬುರ್ಕಾ ಹಾಕೊಂಡಿರುವವರನ್ನು ಕೂರಿಸಿಕೊಂಡು ಹೋದ್ರೆ ಅಷ್ಟೇ ಎಂದು ಅವಾಜ್ ಕೂಡ ಹಾಕಿದ್ದಾರೆ. ಮಹೇಶ್ ಬ್ಯಾಂಕ್ ವೊಂದರ ನೌಕರ. ಮಹೇಶ್ ಮೇಲೆ ಹಲ್ಲೆ ಮಾಡಿ ಪ್ರಾಣ ಬೆದರಿಕೆ ಹಾಕಿದ್ದಾರೆ. ಮುಸ್ಲಿಂ ಮಹಿಳೆ ಮತ್ತು ಮಹೇಶ್ ಸಹೋದ್ಯೋಗಿಗಳು. ಮಹಿಳೆಯನ್ನು ಮನೆಗೆ ಡ್ರಾಪ್ ಮಾಡೋ ವೇಳೆ ಹಿಂಬಾಲಿಸಿ ಬಂದು ಹಲ್ಲೆ ಮಾಡಿದ್ದಾರೆ. ಶುಕ್ರವಾರ ನಡೆದಿರುವ ಘಟನೆ ಇದಾಗಿದೆ.
ಇದೇ ವೇಳೆ ಮಹಿಳೆಗೂ ಅವಾಜ್ ಹಾಕಿರುವ ಪುಂಡರು ಏನಮ್ಮ ನಿನ್ ಹೆಸರು? ನಿನಗೆ ನಾಚಿಕೆಯಾಗಲ್ವಾ… ಈ ಜಗತ್ತಲ್ಲಿ ಏನಾಗ್ತಿದೆ ಅಂತಾ ಗೊತ್ತಿಲ್ವಾ? ಇಂಥವರ ಜತೆ ಹೋಗಬಾರದು ಅಂತಾ ಗೊತ್ತಾಗಲ್ವಾ ನಿನಗೆ ಎಂದು ಏರು ಧ್ವನಿಯಲ್ಲಿ ಹೆದರಿಸಿದ್ದಾರೆ.
ಏನ್ ಅಣ್ಣ ನಿನ್ ಸಮಸ್ಯೆ? ನಾನು ಇದೇ ದಾರಿಯಲ್ಲಿ ಮನೆಗೆ ಹೊರಟಿದ್ದೆ. ನನಗೆ ಮದುವೆ ಆಗಿದೆ ಅಂದರೂ ಬಿಡದ ಪುಂಡರು ಬೈಕ್ನಿಂದ ಕೆಳಗೆ ಇಳಿಯೋ ಅಂತ ಮಹೇಶ್ ಅನ್ನೋನಿಗೆ ಧಮ್ಕಿ ಹಾಕಿ ಥಳಿಸಿದ್ದಾರೆ. ಬುರ್ಕಾ ಹಾಕೊಂಡು ಬೇರೊಬ್ಬನ ಜತೆ ಹೋಗೊದು ತಪ್ಪು ಎಂದು ವಾದಿಸಿದ್ದಾರೆ. ಬಳಿಕ ಯುವತಿ ಕುಟುಂಬಸ್ಥರಿಗೆ ಕರೆ ಮಾಡಿಯೂ ಪುಂಡರು ಆವಾಜ್ ಹಾಕಿದ್ದಾರೆ.
ಸದ್ಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು ಹಲ್ಲೆ ಮಾಡಿದವರ ವಿರುದ್ಧ ಆಕ್ರೋಶ ಹೊರಹಾಕಿದ್ದಾರೆ. ಮಾನವೀಯತೆ ದೃಷ್ಟಿಯಿಂದ ಡ್ರಾಪ್ ನೀಡಿರಬಹುದು ಅದಕ್ಕೆ ಈ ರೀತಿ ವರ್ತಿಸೋದು ಸರಿಯಲ್ಲ. ಹಲ್ಲೆ ಮಾಡಿದವರ ವಿರುದ್ಧ ಕಠಿಣ ಕ್ರಮ ಜರುಗಿಸಲೇಬೇಕೆಂದು ನೆಟ್ಟಿಗರು ಒತ್ತಾಯ ಮಾಡಿದ್ದಾರೆ. (ಏಜೆನ್ಸೀಸ್)
ತಿರುಪತಿ ಭೇಟಿ ವೇಳೆ ಪತ್ರಕರ್ತರ ಮೇಲೆ ಸಮಂತಾ ಗರಂ: ನಿಮಗೆ ಬುದ್ಧಿ ಇಲ್ವಾ ಎಂದ ಸೌತ್ ಬ್ಯೂಟಿ
ಆನೇಕಲ್ ಹೊರವಲಯದಲ್ಲಿ ರೇವ್ ಪಾರ್ಟಿ: ಅರ್ಧಂಬಂರ್ಧ ಬಟ್ಟೆ ಹಾಕಿ ನಶೆಯಲ್ಲಿ ತೇಲುತ್ತಿದ್ದ ಯುವಕ-ಯುವತಿಯರಿಗೆ ಶಾಕ್!
ಎಫ್ಡಿಎನಲ್ಲೂ ಡೀಲ್?; ಪೆನ್ಸಿಲ್ನಿಂದ ಉತ್ತರ ತುಂಬಿರುವ 80ಕ್ಕೂ ಹೆಚ್ಚು ಅಭ್ಯರ್ಥಿಗಳು