ನವದೆಹಲಿ: ದೇಶದ ಪ್ರಮುಖ ಮಾಧ್ಯಮ ಸಂಸ್ಥೆಗಳಲ್ಲಿ ಒಂದಾದ ಎನ್ಡಿಟಿವಿಯಲ್ಲಿ ಈಗಾಗಲೇ ಪರೋಕ್ಷವಾಗಿ ಶೇಕಡ 29.18 ಷೇರು ಖರೀದಿಸಿರುವ ಅದಾನಿ ಸಮೂಹದ ಕಂಪನಿ, ಇನ್ನೂ ಶೇಕಡ 26 ಷೇರುಗಳನ್ನು ಹೆಚ್ಚುವರಿಯಾಗಿ ಖರೀದಿಸಲು ಆಫರ್ ನೀಡಿದೆ. ಇದರ ನಡುವೆ ಸ್ವಾಧೀನಪಡಿಸಿಕೊಳ್ಳುವ ಬಗ್ಗೆ ಭದ್ರತೆಗಳು ಮತ್ತು ವಿನಿಮಯ ಮಂಡಳಿ (ಸೆಬಿ)ಗೆ ಎನ್ಡಿಟಿವಿ ನೋಟಿಸ್ ಕಳುಹಿಸಿದ್ದು, ಎನ್ಡಿಟಿವಿ ಖರೀದಿಯ ಬಗ್ಗೆ ಅದರ ಸಂಸ್ಥಾಪಕಾರದ ಪ್ರಣಯ್ ರಾಯ್ ಮತ್ತು ರಾಧಿಕಾ ರಾಯ್ ಜತೆ ಯಾವುದೇ ಚರ್ಚೆಯಾಗಲಿ, ಒಪ್ಪಿಗೆಯಾಗಲಿ ಪಡೆದಿಲ್ಲ ಎಂದು ಹೇಳಿದೆ.
ಎನ್ಡಿಟಿವಿಯಲ್ಲಿ ರಾಯ್ ದಂಪತಿ 32.26 ಷೇರು ಹೊಂದಿದೆ. ಅವರು ವೈಯಕ್ತಿಕವಾಗಿ ಮತ್ತು ಅವರ ಕಂಪನಿ ಆರ್ಆರ್ಪಿಆರ್ ಹೋಲ್ಡಿಂಗ್ ಪ್ರೈವೆಟ್ ಲಿಮಿಟೆಡ್ ಮುಖಾಂತರ ಎನ್ಡಿಟಿವಿಯ ಒಟ್ಟು ಪಾವತಿಸಿದ ಷೇರು ಬಂಡವಾಳದಲ್ಲಿ ಶೇ. 61.45 ರಷ್ಟು ಷೇರು ಹೊಂದುವ ಮೂಲಕ ಎನ್ಡಿಟಿವಿಯಲ್ಲಿ ತಮ್ಮ ಹಿಡಿತವನ್ನು ಸಾಧಿಸಿದ್ದಾರೆ. ಆದರೆ, ಎನ್ಡಿಟಿವಿ ಷೇರು ಖರೀದಿಯ ಬಗ್ಗೆ ಅದಾನಿ ಗ್ರೂಪ್, ರಾಯ್ ದಂಪತಿಯ ಜೊತೆ ಚರ್ಚೆಯೇ ನಡೆಸಿಲ್ಲ. ನಮ್ಮಗೆ ಗೊತ್ತಿಲ್ಲದೆಯೇ ಖರೀದಿ ಮಾಡಿದ್ದಾರೆ ಎಂದು ಎನ್ಡಿಟಿವಿ ನೋಟಿಸ್ನಲ್ಲಿ ತಿಳಿಸಿದೆ.
ಅದಾನಿ ಗ್ರೂಪ್ NDTV ಅನ್ನು ಖರೀದಿಸಿದ್ದು ಹೇಗೆ?
ಸಂಸ್ಥಾಪಕರ ಒಪ್ಪಿಗೆಯನ್ನೇ ಪಡೆಯದ ಮೇಲೆ ಅದು ಹೇಗೆ ಎನ್ಡಿಟಿವಿ ಷೇರುಗಳನ್ನು ಅದಾನಿ ಗ್ರೂಪ್ ಖರೀದಿಸಿತು ಎಂಬ ಪ್ರಶ್ನೆ ಮೂಡಿದೆ. ಅದಕ್ಕೆ ಉತ್ತರ ಇಲ್ಲಿದೆ. ಅದಾನಿ ಗ್ರೂಪ್ ಪರೋಕ್ಷವಾಗಿ 29.18 ರಷ್ಟು ಪಾಲನ್ನು ಸ್ವಾಧೀನಪಡಿಸಿಕೊಳ್ಳುತ್ತಿದೆ. ಅಂದರೆ ಅದಾನಿ ಎಂಟರ್ಪ್ರೈಸಸ್ ಲಿಮಿಟೆಡ್ (AEL) ಒಡೆತನದ ಎಎಮ್ಜಿ(AMG) ಮೀಡಿಯಾ ನೆಟ್ವರ್ಕ್ ಲಿಮಿಟೆಡ್ (AMNL)ನ ಸಂಪೂರ್ಣ ಸ್ವಾಮ್ಯದ ಅಂಗಸಂಸ್ಥೆಯಾದ ವಿಶ್ವಪ್ರದನ್ ಕಮರ್ಷಿಯಲ್ ಪ್ರೈವೇಟ್ ಲಿಮಿಟೆಡ್ (VCPL) ಮೂಲಕ ಈ ಷೇರು ಖರೀದಿ ಮಾಡಲಾಗಿದೆ ಎಂದು ಹೇಳಲಾಗುತ್ತಿದೆ. 2009 ಮತ್ತು 2010 ರಲ್ಲಿ ವಿಸಿಪಿಎಲ್, ಎನ್ಡಿಟಿವಿಯ ಪ್ರವರ್ತಕ ಕಂಪನಿಯಾದ ಆರ್ಆರ್ಪಿಆರ್ ಹೋಲ್ಡಿಂಗ್ ಪ್ರೈವೇಟ್ ಲಿಮಿಟೆಡ್ ಅನ್ನು ಸ್ವಾಧೀನಪಡಿಸಿಕೊಂಡಿತು. ಆರ್ಆರ್ಪಿಆರ್ ಹೋಲ್ಡಿಂಗ್ಗೆ 403.85 ಕೋಟಿ ಸಾಲವನ್ನು ರಾಯ್ ದಂಪತಿಗಳು ಹೊಂದಿದ್ದರು. ಈ ಬಡ್ಡಿ ರಹಿತ ಸಾಲದ ಬದಲಾಗಿ, ಆರ್ಆರ್ಪಿಆರ್, ವಿಸಿಪಿಎಲ್ಗೆ ವಾರಂಟ್ಗಳನ್ನು ನೀಡಿತು. ಈ ವಾರಂಟ್ಗಳ ಮೂಲಕ, ಆರ್ಆರ್ಪಿಆರ್ನಲ್ಲಿ ವಿಸಿಪಿಎಲ್ 99.9 ಶೇಕಡಾ ಪಾಲನ್ನು ತೆಗೆದುಕೊಳ್ಳಬಹುದು. ವಿಸಿಪಿಎಲ್ ಖರೀದಿಸಿದ ನಂತರ ಅದಾನಿ ಗ್ರೂಪ್ ಈ ವಾರಂಟ್ಗಳನ್ನು ಚಲಾಯಿಸಿದೆ ಎಂದು ಹೇಳಲಾಗುತ್ತಿದೆ.
ವಿಶ್ವಪ್ರಧಾನ್ ಕಮರ್ಷಿಯಲ್ ಪ್ರೖವೇಟ್ ಲಿ., ಎಎಂಜಿ ಮೀಡಿಯಾ ನೆಟ್ವರ್ಕ್ಸ್ ಮತ್ತು ಅದಾನಿ ಎಂಟರ್ಪ್ರೈಸಸ್ ಸಂಸ್ಥೆಗಳು 294 ಕೋಟಿ ರೂಪಾಯಿ ಮೌಲ್ಯದ 1,67,62,530 ಷೇರುಗಳನ್ನು ಖರೀದಿಸುವುದಾಗಿ ತಿಳಿಸಿವೆ. ಪ್ರತಿ ಷೇರಿನ ಮುಖಬೆಲೆ 4 ರೂಪಾಯಿ ಆಗಿದೆ. (ಏಜೆನ್ಸೀಸ್)
ಹನಿಟ್ರ್ಯಾಪ್ಗೆ ಬೀಳದ ಕಾಡಾನೆ: ಹೆಣ್ಣಾನೆಯೊಂದಿಗೆ ರಾತ್ರಿ ಕಳೆದು ಬೆಳಗಾಗುತ್ತಿದ್ದಂತೆ ಎಸ್ಕೇಪ್!
ಮೊಸಳೆ ವೇಗವಾಗಿ ಓಡೋದನ್ನ ಎಂದಾದ್ರೂ ನೋಡಿದ್ದೀರಾ? ಈ ವಿಡಿಯೋ ನೋಡಿದ್ರೆ ನಿಮ್ಮ ಹುಬ್ಬೇರೋದು ಗ್ಯಾರೆಂಟಿ
ಡಿವೋರ್ಸ್ ವದಂತಿಗೆ ಬ್ರೇಕ್: 1 ತಿಂಗಳು ತವರಿಗೆ ಹೋಗ್ತೀನೆಂದು ಹೆಂಡ್ತಿ ಹೇಳಿದ್ದಕ್ಕೆ ಕುಣಿದು ಕುಪ್ಪಳಿಸಿದ ಚಹಾಲ್