ಬೆಂಗಳೂರು: ಹಾಲಿ ಚಾಂಪಿಯನ್ ದಬಾಂಗ್ ಡೆಲ್ಲಿ ತಂಡ ಪ್ರೊ ಕಬಡ್ಡಿ ಲೀಗ್ 2022 ಟೂರ್ನಿಯ ಉದ್ಘಾಟನಾ ಪಂದ್ಯದಲ್ಲಿ ಯು ಮುಂಬಾ ತಂಡವನ್ನು 41-27 ಅಂಕಗಳಿಂದ ಮಣಿಸುವ ಮೂಲಕ ಭರ್ಜರಿ ಆರಂಭ ಕಂಡಿತು.
ರೈಡಿಂಗ್ನಲ್ಲಿ ಮಿಂಚಿದ ನಾಯಕ ನವೀನ್ ಕುಮಾರ್ 13 ಅಂಕಗಳನ್ನು ಕಲೆಹಾಕಿ ಡೆಲ್ಲಿ ಗೆಲುವಿನಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದರು. ಮೊದಲಾರ್ಧದಲ್ಲೇ 19-10ರಿಂದ ಮುನ್ನಡೆ ಸಾಧಿಸಿ ಬೀಗಿದ ಡೆಲ್ಲಿ ತಂಡ, ದ್ವಿತೀಯಾರ್ಧದಲ್ಲಿ ಮಾಜಿ ಚಾಂಪಿಯನ್ ಯು ಮುಂಬಾ ತಂಡದ ಪ್ರತಿರೋಧದ ನಡುವೆಯೂ ಮೇಲುಗೈ ಉಳಿಸಿಕೊಂಡಿತು.
ನವೀನ್ ಪ್ರೊ ಕಬಡ್ಡಿ ಲೀಗ್ ಇತಿಹಾಸದಲ್ಲಿ 43ನೇ ಬಾರಿ ಸೂಪರ್-10 ಅಂಕ ಗಳಿಸಿದ ಸಾಧನೆ ಮಾಡಿದರು. ಆಶು ಮಲಿಕ್ (7) ರೈಡಿಂಗ್ನಲ್ಲಿ ನಾಯಕನಿಗೆ ಉತ್ತಮ ಬೆಂಬಲ ಒದಗಿಸಿದರೆ, ಟ್ಯಾಕಲಿಂಗ್ನಲ್ಲಿ ವಿಶಾಲ್ (4), ಕ್ರಿಷನ್ (4) ಮತ್ತು ಸಂದೀಪ್ ಧುಲ್ (4) ಗಮನಸೆಳೆದರು. ಮುಂಬಾ ಪರ ಆಶಿಶ್ (7) ಪ್ರತಿರೋಧ ತೋರಿದರು.
ಪ್ರೊ ಕಬಡ್ಡಿ ಲೀಗ್: ಬೆಂಗಳೂರು ಬುಲ್ಸ್ ಶುಭಾರಂಭ, ಟೈಟಾನ್ಸ್ ವಿರುದ್ಧದ ಮೊದಲ ಪಂದ್ಯದಲ್ಲಿ ದಿಟ್ಟ ಜಯಭೇರಿ
ವಿಜಯ್ ದೇವರಕೊಂಡ-ರಶ್ಮಿಕಾ ಮಂದಣ್ಣ ಬಗ್ಗೆ ಕಾಲಿವುಡ್ನಲ್ಲಿ ಹರಿದಾಡುತ್ತಿದೆ ಹೊಸ ವದಂತಿ!