ಲಂಡನ್: ಇಂಗ್ಲೆಂಡ್ ರಾಜಮನೆತನದವರ ಭಾರತೀಯ ಅಡುಗೆಗಳ ಮೇಲಿನ ಪ್ರೀತಿ ಇಂದು ನಿನ್ನೆಯದಲ್ಲ. ಭಾರತವನ್ನು ವಸಾಹತು ಮಾಡಿಕೊಂಡಿದ್ದಾಗಿನಿಂದಲೂ ಅವರು ಭಾರತೀಯ ಅಡುಗೆ, ಖಾದ್ಯಗಳನ್ನು ಆಸ್ವಾದಿಸುತ್ತಲೇ ಬಂದವರು. ಇದೀಗ ಪ್ರಿನ್ಸ್ ವಿಲಿಯಮ್ಸ್ ಈ ಪ್ರೀತಿಯನ್ನು ಮುಂದುವರಿಸಿದ್ದಾರೆ.
ತಮ್ಮ ಕೆನ್ಸಿಂಗ್ಟನ್ ಅರಮನೆಗೆ ಬಂದಿದ್ದ ಅತಿಥಿಗಳಿಗೆ ಭಾರತೀಯ ಖಾದ್ಯಗಳ ಆತಿಥ್ಯ ನೀಡಿ ಸಂಭ್ರಮಿಸಿದ್ದಾರೆ. ವಾರಾಂತ್ಯದಲ್ಲಿ ಬೆವರಿಳಿಸುವ ಫುಟ್ಬಾಲ್ ಪಂದ್ಯದ ಬಳಿಕ ಪ್ರಿನ್ಸ್ ವಿಲಿಯಮ್ಸ್ ಚಿಪ್ಪುಮೀನಿನ ಖಾದ್ಯದ ಜತೆಗೆ ಭಾರತೀಯ ಖಾದ್ಯಗಳನ್ನು ಆಸ್ವಾದಿಸುವ ಜತೆಗೆ ತಮ್ಮ ಅತಿಥಿಗಳಿಗೂ ಬಡಿಸುವುದನ್ನು ತುಂಬಾ ಹಿಂದಿನಿಂದಲೂ ರೂಢಿಸಿಕೊಂಡು ಬರುತ್ತಿದ್ದಾರೆ. ಬಿಬಿಸಿ5ಲೈವ್ ಪಾಡ್ಕಾಸ್ಟ್ಗಾಗಿ ಇಂಗ್ಲೆಂಡ್ನ ಮಾಜಿ ತಾರಾ ಫುಟ್ಬಾಲ್ ಆಟಗಾರ ಪೀಟರ್ ಕ್ರೌಚ್ ಅವರು ಪ್ರಿನ್ಸ್ ವಿಲಿಯಮ್ಸ್ ಅವರ ಸಂದರ್ಶನ ಮಾಡಲು ಬಂದಿದ್ದರು. ಈ ಸಂದರ್ಭದಲ್ಲಿ ಅವರು ಹಾಗೂ ಅವರೊಂದಿಗೆ ಬಂದಿದ್ದ ಸಹೋದ್ಯೋಗಿಗಳಿಗೆ ಪ್ರಿನ್ಸ್ ವಿಲಿಯಮ್ಸ್ ಭಾರತೀಯ ಖಾದ್ಯಗಳನ್ನು ಉಣಬಡಿಸಿದ್ದಾರೆ.
ಇದಕ್ಕೂ ಮುನ್ನ ಉಬರ್ ಚಾಲಕ ಸಾಂಬಾರ್ ಅನ್ನು ಕೆನ್ಸಿಂಗ್ಟನ್ ಅರಮನೆಗೆ ತಂದಿದ್ದ. ಆದರೆ, ಆತನನ್ನು ಮುಖ್ಯದ್ವಾರದ ಬಳಿ ತಡೆದಿದ್ದ ರಕ್ಷಣಾ ಸಿಬ್ಬಂದಿ ಆತನಿಗೆ ಒಳ ಹೋಗಲು ಅವಕಾಶ ನಿರಾಕರಿಸಿದ್ದರು. ಆದರೆ, ಪ್ರಿನ್ಸ್ ವಿಲಿಯಮ್ಸ್ ಮಧ್ಯಪ್ರವೇಶಿಸಿದ ಬಳಿಕ ಆತನಿಗೆ ಭದ್ರತಾ ಸಿಬ್ಬಂದಿ ಆತನಿಗೆ ಸಾಂಬಾರ್ ಅನ್ನು ಅರಮನೆಯೊಳಗೆ ತೆಗೆದುಕೊಂಡು ಹೋಗಲು ಅವಕಾಶ ಮಾಡಿಕೊಟ್ಟಿದ್ದರು. ಉಬರ್ ಚಾಲಕನ ಪಡಿಪಾಟಿಲಿನ ಬಗ್ಗೆ ಹಾಸ್ಯ ಮಾಡಿಕೊಂಡು ಅತಿಥಿಗಳು ಸಾಂಬಾರ್ ಅನ್ನು ಆಸ್ವಾದಿಸಿದರು. ಈ ಸಂದರ್ಭದಲ್ಲಿ ಪ್ರಿನ್ಸ್ ವಿಲಿಯಮ್ಸ್ ತಮ್ಮ ಫುಟ್ಬಾಲ್ ಪ್ರೇಮ, ವಾರಾಂತ್ಯದಲ್ಲಿ ಫುಟ್ಬಾಲ್ ಆಡುವ ಮೂಲಕ ತಮ್ಮೆಲ್ಲ ದುಗುಡದುಮ್ಮಾನಗಳನ್ನು ಮರೆಯುವುದು ಸೇರಿ ಹಲವು ಅನುಭವಗಳನ್ನು ಬಿಬಿಸಿ5 ಲೈವ್ ಪಾಡ್ಕಾಸ್ಟ್ನಲ್ಲಿ ಹಂಚಿಕೊಂಡರು ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ.
ಎಂಫಿಲ್ ರದ್ದು, ಪದವಿ ಶಿಕ್ಷಣ ಸ್ವರೂಪದಲ್ಲಿ ಬದಲಾವಣೆ; ಹೊಸ ರಾಷ್ಟ್ರೀಯ ಶಿಕ್ಷಣ ನೀತಿಯಲ್ಲಿ ಏನೇನಿದೆ?