ಸಾಕು ನಾಯಿಗೆ ಸೀಮಂತ! ಸಿಕ್ಕಾಪಟ್ಟೆ ವೈರಲ್​ ಆಗ್ತಿದೆ ಈ ದೃಶ್ಯ

ಗರ್ಭಿಣಿ ಸ್ತ್ರೀಯರಿಗೆ ಸಂಪ್ರದಾಯದಂತೆ ಹೇಗೆಲ್ಲ ಸೀಮಂತ ಕಾರ್ಯ ಮಾಡುತ್ತಾರೋ ಅದೇ ರೀತಿಯಲ್ಲಿ ಸಾಕು ಸಾಯಿ ಲೂಸಿಗೆ ಕುಟುಂಬಸ್ಥರೆಲ್ಲ ಸೇರಿ ಸಂಭ್ರಮದಿಂದ ಸೀಮಂತ ಮಾಡಿದ್ದಾರೆ. ಲೂಸಿಗೆ ಸೀರೆ ಉಡಿಸಿ, ಹೂಮಾಲೆ ಹಾಕಿ ಅಲಂಕರಿಸಿದ್ದರು. ಲೂಸಿಯನ್ನು ಸುಮಂಗಲೆಯರು ಆರತಿ ಬೆಳಗಿದ್ದು ವಿಶೇಷ. ಬಗೆಬಗೆಯ ತಿನಿಸು, ಹಣ್ಣುಗಳನ್ನು ಇರಿಸಿ, ಅರಿಶಿನ-ಕುಂಕುಮ, ಹಸಿರು ಬಳೆ, ತಾಂಬೂಲ ಇಟ್ಟು ಉಡಿ ತುಂಬಿದ್ದಾರೆ. ಮನೆ ಮಂದಿಯಷ್ಟೇ ಅಲ್ಲದೆ ನೆರೆಹೊರೆಯವರೂ ಸಂಭ್ರಮದಲ್ಲಿ ಭಾಗಿಯಾಗಿದ್ದರು. ಈ ದೃಶ್ಯ ಎಲ್ಲೆಡೆ ವೈರಲ್​​ ಆಗುತ್ತಿದ್ದು, ಇದು ಸಾಕು ನಾಯಿ ಮೇಲಿನ ಪ್ರೀತಿಯ ಪ್ರತೀಕ ಎಂದು ಜನ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.