ಬೆಂಗಳೂರು: ಪವರ್ಸ್ಟಾರ್ ಪುನೀತ್ ರಾಜ್ಕುಮಾರ್ ನಾಯಕನಟನಾಗಿ ಸ್ಯಾಂಡಲ್ವುಡ್ಗೆ ಪ್ರವೇಶಿಸಿ ಇಂದಿಗೆ ಬರೋಬ್ಬರಿ 18 ವರ್ಷಗಳಾದವು. ‘ಅಪ್ಪು’ ಚಿತ್ರದ ಮೂಲಕ ಆಗಮಿಸಿದ ಪುನೀತ್ ರಾಜ್ಕುಮಾರ್, ಮೊದಲ ಸಿನಿಮಾ ಮೂಲಕವೇ ದಾಖಲೆ ಬರೆದರು. ಅಷ್ಟೇ ಅಲ್ಲ ಆ ಸಿನಿಮಾ ಶತದಿನೋತ್ಸವವನ್ನೂ ಕಂಡು ಸೂಪರ್ ಹಿಟ್ ಆಗಿದ್ದು ಇದೀಗ ಇತಿಹಾಸ.
1976 ಪ್ರೇಮದ ಕಾಣಿಕೆ ಮೂಲಕ ಬಾಲ ನಟನಾಗಿ ಸಿನಿಮಾ ಪ್ರವೇಶಿಸಿದ್ದರೂ, ಅಲ್ಲಿಂದ 1989ರವರೆಗೆ 14 ಸಿನಿಮಾಗಳಲ್ಲಿ ಕಾಣಿಸಿಕೊಂಡರು. ಅದಾಗಿ ಸುದೀರ್ಘ 12 ವರ್ಷದ ಗ್ಯಾಪ್ ಬಳಿಕ, ಅಪ್ಪು ಅವತಾರದಲ್ಲಿ ಪುನೀತ್ ಎದುರಾದರು. ವಜ್ರೇಶ್ವರಿ ಕಂಬೈನ್ಸ್ನಲ್ಲಿ ಮೂಡಿಬಂದ ಸಿನಿಮಾಕ್ಕೆ ಪುರಿ ಜಗನ್ನಾಥ್ ಆ್ಯಕ್ಷನ್ ಕಟ್ ಹೇಳಿದ್ದರು. ಪುನೀತ್ ಜತೆಗೆ ನಟಿ ರಕ್ಷಿತಾ ಸಹ ಅಪ್ಪು ಮೂಲಕ ಚಂದನವನ ಪ್ರವೇಶಿಸಿ, ದಕ್ಷಿಣ ಭಾರತದ ಸಿನಿಮಾರಂಗದಲ್ಲಿಯೂ ನಟಿಸಿ ಸೈ ಎನಿಸಿಕೊಂಡರು ರಕ್ಷಿತಾ.
ಇಷ್ಟೆಲ್ಲ ದಾಖಲೆಗಳಿಗೆ ಕಾರಣವಾದ ಈ ಸಿನಿಮಾ ಇಂದಿಗೆ ಬಿಡುಗಡೆ ಆಗಿ 18 ವರ್ಷ ಪೂರೈಸಿದೆ. ಒಟ್ಟು 28 ಸಿನಿಮಾಗಳಲ್ಲಿ ಪುನೀತ್ ನಟಿಸಿದ್ದಾರೆ. ಸದ್ಯ ಯುವರತ್ನ ಮತ್ತು ಜೇಮ್ಸ್ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಸದ್ಯ ಅಂದಿನ ಸಿನಿಮಾ ಬಿಡುಗಡೆಯ ಫೋಟೋಗಳು ಇಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ.