ನವದೆಹಲಿ: ಆಧಾರ್ ಕಾರ್ಡ್ಗೆ ಪ್ಯಾನ್ ನಂಬರ್ ಜೋಡಣೆ ಅನಿವಾರ್ಯವಾಗಿದೆ. ಜನರ ಸುರಕ್ಷತೆಯನ್ನು ದೃಷ್ಟಿಯಲ್ಲಿ ಇಟ್ಟುಕೊಂಡು ಇಂಥದ್ದೊಂದು ಕ್ರಮಕ್ಕೆ ಸರ್ಕಾರ ಮುಂದಾಗಿದೆ. ಆದರೆ ಲಾಕ್ಡೌನ್ ಹಿನ್ನೆಲೆಯಲ್ಲಿ ಹಾಗೂ ಅದಕ್ಕಿಂತ ಮುಂಚಿತವಾಗಿ ಕೆಲವು ಕಾರಣಗಳಿಂದ ಇದಾಗಲೇ ಸುಮಾರು 10 ಬಾರಿ ಜೋಡಣೆ ದಿನಾಂಕವನ್ನು ಕೇಂದ್ರ ಸರ್ಕಾರ ಮುಂದೂಡುತ್ತಾ ಬಂದಿದೆ. ಆದರೆ ಇದೀಗ ಜೂನ್ 30ರ ಗಡುವು ವಿಧಿಸಲಾಗಿದೆ.
ಹೊಸದಾಗಿ ಪ್ಯಾನ್ ಕಾರ್ಡ್ ಪಡೆಯಲು ಬಯಸಿದ್ದೇ ಆದಲ್ಲಿ ಆಧಾರ್ ಕಾರ್ಡ್ ಹೊಂದಿರುವುದು ಕಡ್ಡಾಯ. ಜತೆಗೆ, ಆದಾಯ ತೆರಿಗೆ ರಿಟರ್ನ್ಸ (ITR) ಸಲ್ಲಿಕೆಗೆ ಕೂಡ ಪ್ಯಾನ್ ಕಾರ್ಡ್ ಜತೆ ಆಧಾರ್ ಕಾರ್ಡ್ ಜೋಡಣೆ ಅತ್ಯಗತ್ಯ. ಈ ಸಂದರ್ಭದಲ್ಲಿ ಕೆಲವೊಂದು ನಿಯಮಗಳನ್ನು ಕೇಂದ್ರ ಸರ್ಕಾರ ಈಗಾಗಲೇ ಸೂಚಿಸಿದ್ದು ಅವುಗಳ ಮಾಹಿತಿ ಇಲ್ಲಿದೆ:
* e-filing portal ಮೂಲಕವೂ ಆಧಾರ್ ಮತ್ತು ಪ್ಯಾನ್ ಕಾರ್ಡ್ ಜೋಡಣೆ ಮಾಡಬಹುದಾಗಿದೆ.
* ಇದು ಕಷ್ಟಸಾಧ್ಯವಾದಲ್ಲಿ, 567678 ಅಥವಾ 56161 ಸಂದೇಶ ಕಳಿಸುವ ಮೂಲಕ ಜೋಡಣೆ ಸಾಧ್ಯ. ಇದರ ಫಾರ್ಮ್ಯಾಟ್ ಈ ರೀತಿ ಇದೆ: UIDPAN<12-digit Aadhaar><10-digit PAN> ಉದಾಹರಣೆಗೆ: ನಿಮ್ಮ ಪ್ಯಾನ್ ಖಾತೆ ಸಂಖ್ಯೆ 112233445566 ಹಾಗೂ ಆಧಾರ್ ಸಂಖ್ಯೆ 7788998877 ಎಂದು ಇದ್ದರೆ UIDPAN 112233445566 7788998877 ಎಂದು ಟೈಪ್ ಮಾಡಿ 567678 ಅಥವಾ 56161 ಸಂದೇಶ ಕಳುಹಿಸಿದರೆ ನಿಮಗೆ ಅಲ್ಲಿಂದ ಉತ್ತರ ಬರುತ್ತದೆ.
ಇದನ್ನೂ ಓದಿ: ಕೆರೆಯಲ್ಲಿ ಸಿಕ್ಕಿತು ಅರ್ಧ ಸುಟ್ಟ ಶವ: ಸತ್ಯದ ಬೆನ್ನಟ್ಟಿದ ಪೊಲೀಸರೇ ಶಾಕ್!
* ಆನ್ಲೈನ್ನಲ್ಲಿ ಜೋಡಣೆ ಕಷ್ಟವಾದವರಿಗೆ ಎನ್ಎಸ್ಡಿಎಲ್ ಮತ್ತು ಯುಟಿಐಟಿಎಸ್ಎಲ್ನ ಪ್ಯಾನ್ ಸೇವಾ ಕೇಂದ್ರಗಳ ಸೌಲಭ್ಯವಿದ್ದು, ಅಲ್ಲಿಯೇ ಈ ಎರಡೂ ದಾಖಲೆಗಳ ಜೋಡಣೆ ಮಾಡಿಕೊಳ್ಳಬಹುದು.
* ಒಂದು ವೇಳೆ ಅಂತಿಮ ಗಡುವಿನ ಒಳಗೆ ಈ ಎರಡೂ ದಾಖಲೆಗಳ ಜೋಡಣೆ ಆಗದಿದ್ದರೆ, ನಿಮ್ಮ ಪ್ಯಾನ್ ಅನ್ನು ಆದಾಯ ತೆರಿಗೆ ಇಲಾಖೆಯು ನಿಷ್ಕ್ರೀಯ ಎಂದು ಘೋಷಿಸುವ ಸಾಧ್ಯತೆಯಿದೆ. ಹೀಗಾದಲ್ಲಿ ನೀವು ಪ್ಯಾನ್ ನಂಬರ್ ಬಳಕೆ ಮಾಡಿಕೊಂಡು ನಿಮ್ಮ ಆದಾಯ ತೆರಿಗೆಯನ್ನು ಕಟ್ಟುವುದು ಅಸಾಧ್ಯ ಹಾಗೂ ಬ್ಯಾಂಕ್ ಖಾತೆಗಳನ್ನು ತೆರೆಯಲು ಆಗುವುದಿಲ್ಲ.
* ನಿಗದಿತ ಅವಧಿಯಲ್ಲಿ ಪ್ಯಾನ್ ಮತ್ತು ಆಧಾರ್ ಜೋಡಣೆ ಮಾಡಿಕೊಳ್ಳದೇ ಪ್ಯಾನ್ ಕಾರ್ಡ್ ಬಳಸಲು ನೀವು ಮುಂದಾದರೆ ಅದು ಕಾನೂನಿನ ಪ್ರಕಾರ ಅಪರಾಧವಾಗಲಿದ್ದು, ಆದಾಯ ತೆರಿಗೆ ಇಲಾಖೆಯು 10 ಸಾವಿರ ರೂಪಾಯಿವರೆಗೆ ದಂಡ ವಿಧಿಸಬಹುದಾಗಿದೆ. ಏಕೆಂದರೆ ಪ್ಯಾನ್ ಸಂಖ್ಯೆ ಸಲ್ಲಿಸುವುದು ಆದಾಯ ತೆರಿಗೆ ಕಾಯ್ದೆಯ 139 ಎ ಕಲಮಿನ ಪ್ರಕಾರ ಕಡ್ಡಾಯವಾಗಿದೆ.
ಇದನ್ನೂ ಓದಿ: VIDEO: ಮೊದಲ ಬಾರಿಗೆ ಐಸ್ಕ್ರೀಂ ತಿಂದ ಬೆಕ್ಕು : ವಿಡಿಯೋ ಆಯ್ತು ಭಾರಿ ವೈರಲ್
* ಈ ನಿಯಮ ಅನಿವಾಸಿ ಭಾರತೀಯರಿಗೆ ಅನ್ವಯ ಆಗುವುದಿಲ್ಲ. ಆದರೆ ಹಣಕಾಸಿನ ವ್ಯವಹಾರಗಳಿಗೆ ಆಧಾರ್ ಅವರಿಗೆ ಅತ್ಯಗತ್ಯವಾಗಿದ್ದು, ಅದಕ್ಕೆ ಅವರು ಅರ್ಜಿ ಸಲ್ಲಿಸಬಹುದಾಗಿದೆ.
ಕೆಸರು ಎರಚಿದಷ್ಟೂ ಕಮಲದ ಹೂವು ಸುಂದರವಾಗಿ ಅರಳಲಿದೆ- ದೀದೀಗೆ ಷಾ ತಿರುಗೇಟು