ಶ್ರೀನಗರ: ಇಂದು ಮುಂಜಾನೆ 5ಗಂಟೆ ಸುಮಾರಿಗೆ ಭಾರತೀಯ ಗಡಿ ಭದ್ರತಾ ಪಡೆಯ ಯೋಧರು ಪಾಕಿಸ್ತಾನದ ಡ್ರೋನ್ವೊಂದನ್ನು ಹೊಡೆದುರುಳಿಸಿದ್ದಾರೆ.
ಕಥುವಾ ಜಿಲ್ಲೆಯ ಹಿರಾನಗರ ಅಂತಾರಾಷ್ಟ್ರೀಯ ಗಡಿ ಸಮೀಪ ಸುಮಾರು 250 ಮೀ.ಎತ್ತರಲ್ಲಿ ಅನುಮಾನಾಸ್ಪದವಾಗಿ ಸುಳಿದಾಡುತ್ತಿದ್ದ ಪಾಕ್ ಡ್ರೋನ್ಗೆ ಬಿಎಸ್ಎಫ್ ಸಿಬ್ಬಂದಿ 9 ಗುಂಡುಗಳನ್ನು ಹಾರಿಸಿದ ಪರಿಣಾಮ ಅದು ನೆಲಕ್ಕೆ ಉರುಳಿಬಿದ್ದಿದೆ.
ಈ ಬೇಹುಗಾರಿಕಾ ಡ್ರೋನ್ನಲ್ಲಿದ್ದ ಅಪಾರ ಪ್ರಮಾಣದ ಶಸ್ತ್ರಾಸ್ತ್ರಗಳನ್ನು ಭಾರತೀಯ ಸೇನಾ ಸಿಬ್ಬಂದಿ ವಶಪಡಿಸಿಕೊಂಡಿದ್ದಾರೆ. 8X6 ಅಳತೆಯ ಹೆಕ್ಸಾಕಾಪ್ಟರ್ ಡ್ರೋನ್ನಲ್ಲಿ 4 ಬ್ಯಾಟರಿಗಳು, ಒಂದು ರೇಡಿಯೋ ಸಿಗ್ನಲ್ ರಿಸೀವರ್ ಇತ್ತು. ಇದನ್ನೂ ಓದಿ: ಡಿಸೆಂಬರ್ನಲ್ಲೇ ವಕ್ಕರಿಸಿದೆ ಕರೊನಾ…ಒಳಚರಂಡಿಯ ತ್ಯಾಜ್ಯದಲ್ಲಿ ಅಡಗಿ ಕುಳಿತಿತ್ತು !
7 ಗ್ರೆನೇಡ್ಗಳು (M-67), ಅಮೆರಿಕ ತಯಾರಿತ ಎಂ4 ಕಾರ್ಬನ್ ಮಶಿನ್, ಎರಡು ಸ್ಫೋಟಕಗಳು ಮತ್ತು ಮದ್ದುಗುಂಡುಗಳನ್ನು ಹೊತ್ತ ಈ ಡ್ರೋನ್ ಭಾರತೀಯ ಭೂಪ್ರದೇಶದ ಒಳಗೆ ಹಾರಾಡುತ್ತಿತ್ತು. ನೆಲಕ್ಕುರುಳಿದ ಡ್ರೋನ್ನಿಂದ ಎಲ್ಲ ಶಸ್ತ್ರಾಸ್ತ್ರಗಳನ್ನೂ ವಶಪಡಿಸಿಕೊಳ್ಳಲಾಗಿದೆ.
ಪಾಕ್ನ ಡ್ರೋನ್ ಈ ಶಸ್ತ್ರಾಸ್ತ್ರಗಳನ್ನು ಉಗ್ರರಿಗೆ ಸರಬರಾಜು ಮಾಡುವುದಿತ್ತು. ಅಲಿ ಭಾಯ್ ಎಂಬ ಭಯೋತ್ಪಾದಕನ ಹೆಸರು ಸ್ಫೋಟಕಗಳ ಲೋಡ್ ಮೇಲೆ ಬರೆದುಕೊಂಡಿತ್ತು ಎಂದು ಹಿರಿಯ ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ. ಇದನ್ನೂ ಓದಿ: ನಾಳೆ ಅಮಾವಾಸ್ಯೆ ದಿನವೇ ಸಂಭವಿಸೋ ಸೂರ್ಯಗ್ರಹಣದಿಂದ ಯಾರಿಗೆ ತೊಂದರೆ: ರಾಜಗುರು ದ್ವಾರಕಾನಾಥ್ ಭವಿಷ್ಯ
ಕೆಲವು ತಿಂಗಳುಗಳ ಹಿಂದೆ ಜೈಷ್ ಎ ಮೊಹಮ್ಮದ್ ಉಗ್ರಸಂಘಟನೆಯ ಉಗ್ರನೊಬ್ಬನನ್ನು ಕೊಂದಾಗ, ಆತನಿಂದ ಇದೇ ಮಾದರಿಯ ಶಸ್ತ್ರಾಸ್ತ್ರಗಳನ್ನು ವಶಪಡಿಸಿಕೊಳ್ಳಲಾಗಿತ್ತು ಎಂದೂ ಹೇಳಿದ್ದಾರೆ. ಅಲ್ಲಿಗೆ ಪಾಕ್ ಉಗ್ರರಿಗೆ ನೀಡುತ್ತಿರುವ ನೆರವಿನ ಕಳ್ಳಾಟ ಮತ್ತೊಮ್ಮೆ ಬಯಲಾಗಿದೆ. (ಏಜೆನ್ಸೀಸ್)
ಅನುಮಾನಾಸ್ಪದವಾಗಿ ಹಾರಾಡುತ್ತಿದ್ದ ಪಾಕ್ ಡ್ರೋನ್ನ್ನು ಹೊಡೆದುರುಳಿಸಿದ ಬಿಎಸ್ಎಫ್ ಯೋಧರು