ಬೀಜಿಂಗ್: ಚೀನಾದಲ್ಲಿ ಕೊರೊನಾ ವೈರಸ್ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಿದ್ದು, ಅಲ್ಲಿನ ಜನರು ಕೊರೊನಾ ಭಯದೊಟ್ಟಿಗೆ ಜೀವನ ಸಾಗಿಸುವಂತಾಗಿದೆ. ಸಾಕು ಪ್ರಾಣಿಗಳಿಂದ ಕೊರೊನಾ ವೈರಸ್ ಹರಡುತ್ತದೆ ಎನ್ನುವ ಸುಳ್ಳು ಸುದ್ದಿಯೊಂದು ಹರಡಿದ್ದು, ಇದರಿಂದಾಗಿ ಚೀನಾದ ಜನರು ತಮ್ಮ ಮನೆಯ ಪ್ರಾಣಿಗಳನ್ನು ನಿರ್ಮಾನುಷವಾಗಿ ಬಿಲ್ಡಿಂಗ್ನಿಂದ ಹೊರಗೆ ಎಸೆದಿರುವ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಕಾಣಿಸಿಕೊಂಡಿದೆ.
ಮನೆಯಲ್ಲಿ ಸಾಕುವ ಬೆಕ್ಕು, ನಾಯಿಗಳನ್ನು ಬಿಲ್ಡಿಂಗ್ನಿಂದ ಎಸೆದು ಕೊಂದಿರುವ ಫೋಟೋ ಕಳೆದೆರೆಡು ದಿನಗಳಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಕೊರೊನಾ ವೈರಸ್ ಇಂತಹ ಪ್ರಾಣಿಗಳಿಂದ ಹರಡುತ್ತದೆ ಎನ್ನುವ ಸುಳ್ಳು ಸುದ್ದಿಯೊಂದು ಹರಿದಾಡುತ್ತಿದ್ದು, ಇದರಿಂದಾಗಿ ಅನೇಕ ಪ್ರಾಣಿಗಳು ಹೀಗೆ ರಸ್ತೆಯಲ್ಲಿ ಪ್ರಾಣ ಬಿಡುವಂತಾಗಿದೆ ಎಂದು ಅನೇಕರು ಆಕ್ರೋಶ ವ್ಯಕ್ತ ಪಡಿಸಿದ್ದಾರೆ.
ಸತ್ತ ಪ್ರಾಣಿಗಳ ಫೋಟೋವನ್ನು ನೋಡಿರುವ ಪ್ರಾಣಿ ಪ್ರಿಯರು ಈ ವಿಚಾರವಾಗಿ ತಮ್ಮ ಆಕ್ರೋಶವನ್ನು ಹೊರ ಹಾಕಿದ್ದಾರೆ. ಪ್ರಾಣಿಗಳನ್ನು ಕೊಂದಾಯಿತು, ಮುಂದೆ ಏನು ಮಾಡುತ್ತೀರಿ, ಮನುಷ್ಯರಾಗಿ ಯೋಚಿಸಿ, ಸುಳ್ಳು ಸುದ್ದಿಗೆ ಪ್ರಾಣಿಯನ್ನೇ ಬಲಿ ಕೊಡುವುದಕ್ಕೆ ನೀವ್ಯಾರು?, ಪ್ರಾಣಿಗಳೇನು ತರಕಾರಿಗಳೇ, ಈ ರೀತಿಯಲ್ಲಿ ನಿರ್ಮಾನುಷವಾಗಿ ನಡೆದುಕೊಳ್ಳುವುದಕ್ಕೆ ಎನ್ನುವಂತಹ ಸಾಲು ಸಾಲು ಆಕ್ರೋಶಭರಿತ ಟ್ವೀಟ್ಗಳನ್ನು ಮಾಡುತ್ತಿದ್ದಾರೆ. (ಏಜೆನ್ಸೀಸ್)