ನವದೆಹಲಿ: ಪ್ರತಿಷ್ಠಿತ ಆಸ್ಕರ್ ಪ್ರಶಸ್ತಿ ಪ್ರದಾನ 2020ರ ಕಾರ್ಯಕ್ರಮ ಈ ಬಾರಿಯೂ ನಿರೂಪಕರಿಲ್ಲದೆ ನಡೆಯಲಿದೆ.
2019ರಲ್ಲಿ ಕೂಡ ನಿರೂಪಕರಿಲ್ಲದೆ ಕಾರ್ಯಕ್ರಮ ನಡೆದಿತ್ತು. ಈ ಮೊದಲು ಕಾರ್ಯಕ್ರಮದಲ್ಲಿ ನಟ ಕೇವಿನ್ ಹಾಟ್ಸ್ ಅವರು ಸಲಿಂಗ ಕಾಮದ ಬಗ್ಗೆ ಮಾತನಾಡಿ ವಿವಾದಕ್ಕಿಡಾಗಿದ್ದರು. ನಂತರ ಕಾರ್ಯಕ್ರಮವನ್ನು ನಿರೂಪಕರಿಲ್ಲದೆ ನಡೆಸಲಾಗುತ್ತಿದೆ.
ಪ್ರತಿವರ್ಷದಂತೆ ಈ ಬಾರಿಯ 92ನೇ ಆಸ್ಕರ್ ಪ್ರಶಸ್ತಿ ಪ್ರದಾನ ಸಮಾರಂಭವನ್ನು ಎಬಿಸಿ ವಾಹಿನಿ ಅಕಾಡೆಮಿ ಆಫ್ ಮೋಷನ್ ಪಿಕ್ಚರ್ಸ್ ಆಟ್ಸ್ ಆ್ಯಂಡ್ ಸೈನ್ಸ್ (ಎಎಂಪಿಎಎಸ್) ಜತೆಗೆ ಪ್ರಸಾರ ಮಾಡುತ್ತದೆ.
ಎಬಿಸಿ ಎಂಟರ್ಟೈನ್ಮೆಂಟ್ ಅಧ್ಯಕ್ಷ ಕರೇ ಬರ್ಕೆ ಈ ಬಗ್ಗೆ ಬುಧವಾರ ಮಾಹಿತಿ ನೀಡಿದರು. ಕಾರ್ಯಕ್ರಮದಲ್ಲಿ ಈ ವರ್ಷವೂ ನಿರೂಪಕರಿರುವುದಿಲ್ಲ ಎಂದು ದೃಢೀಕರಿಸುತ್ತೇನೆ ಎಂದರು.
ಕಳೆದ ವರ್ಷ ನಡೆದಂತೆ ಕಾರ್ಯಕ್ರಮ ಆಯೋಜಿಸಲು ಈ ಬಾರಿಯೂ ತೀರ್ಮಾನಿಸಲಾಗಿದೆ. ಸತತ ಎರಡನೇ ವರ್ಷವೂ ನಿರೂಪಕರು ಬೇಕೇ ಬೇಡವೇ ಬಗ್ಗೆ ಎಎಂಪಿಎಎಸ್ ಚಿಂತನೆ ನಡೆಸುತ್ತಿದೆ ಎಂದರು.
ವಿವಿಧ ವಿಭಾಗಗಳಲ್ಲಿ ಹಾಲಿವುಡ್ ಹೆಸರುಗಳನ್ನು ಅಂತಿಮಗೊಳಿಸಲಾಗಿತ್ತು. ಆದ್ದರಿಂದ ಕಾರ್ಯಕ್ರಮಕ್ಕೆ ಹೆಚ್ಚು ರೇಟಿಂಗ್ ದೊರೆಯುವುದರ ಜತೆಗೆ ಬಲವಾದ ವಿಮರ್ಶೆಗಳು ಬಂದಿದ್ದವು. ಕಾರ್ಯಕ್ರಮವೂ ಫೆಬ್ರವರಿ 9ರಂದು ಪ್ರಸಾರವಾಗಲಿದೆ. (ಏಜೆನ್ಸೀಸ್)