ಬೆಂಗಳೂರು: ನಗರ ಪೊಲೀಸ್ ಇಲಾಖೆಗೆ ಸ್ವಯಂಸೇವಕರು ಬೇಕಾಗಿದ್ದಾರೆ. ಈ ಮೊದಲು ಲಾಕ್ಡೌನ್ 1 ಮತ್ತು 2 ಘೋಷಣೆ ಮಾಡಿದಾಗ 20 ಕಂಟೇನ್ಮೆಂಟ್ ಜೋನ್ ಇದ್ದವು. ಇದೀಗ ಅವುಗಳ ಸಂಖ್ಯೆ 2 ಸಾವಿರ ಆಗಿದೆ. ಪ್ರತಿ ಠಾಣೆಗೆ 18 ದ 40 ವರ್ಷದ ನಡುವಿನ 100 ಯಂಸೇವಕರ ಅಗತ್ಯವಿದೆ.
ವಾರದಲ್ಲಿ 10 ಗಂಟೆ ಅವರ ಸೇವೆ ಪಡೆಯಲಾಗುತ್ತದೆ. ಅವರಿಗೆ ಜಾಕೆಟ್ ಮತ್ತು ಕ್ಯಾಪ್ ನೀಡಲಾಗುತ್ತದೆ. ಲಾಠಿ ಕೊಡುವುದಿಲ್ಲ. ಪೊಲೀಸರ ಜತೆಗಿದ್ದು, ಬ್ಯಾರಿಕೇಡ್ ಅಳವಡಿಸುವುದು, ಣೆಗಳಲ್ಲಿ ಹೆಲ್ಪ್ ಡೆಸ್ಕ್, ಬರಹ ಸೇವೆಗೆ ನಿಯೋಜಿಸಲಾಗುತ್ತದೆ.ಇದಕ್ಕಾಗಿ ವೆಬ್ಸೈಟ್ (www.bcp.gov.in) ಮುಖಾಂತರ ಅರ್ಜಿ ಸಲ್ಲಿಸಲು ಅವಕಾಶ ಕಲ್ಪಿಸಲಾಗಿದೆ.
ಇದನ್ನೂ ಓದಿ: ಕರೊನಾಕ್ಕೆ ಹೆದರುವ ಅಗತ್ಯವಿಲ್ಲ..ಅದು ಇತರ ವೈರಾಣುಗಳಷ್ಟು ಪರಿಣಾಮಕಾರಿಯಲ್ಲ: ಡಾ.ಗಿರಿಧರ್ ಕಜೆ
ಅನಗತ್ಯ ಸಂಚರಿಸಿದರೆ ಕೇಸ್: ಲಾಕ್ಡೌನ್ ಜಾರಿಯಾಗಿರುವುದರಿಂದ ಸಾರ್ವಜನಿಕರ ಸಂಚಾರಕ್ಕೆ ವಿಶೇಷ ಪಾಸ್ ನೀಡಲಾಗುವುದಿಲ್ಲ. ಅನಗತ್ಯವಾಗಿ ಹೊರಬಂದರೆ ಕೇಸ್ ದಾಖಲಿಸಲಾಗುವುದು ಎಂದು ಆಯುಕ್ತ ಭಾಸ್ಕರ್ರಾವ್ ಎಚ್ಚರಿಕೆ ನೀಡಿದ್ದಾರೆ.
ಕೇಂದ್ರ ಸರ್ಕಾರದಿಂದ ನಿಗದಿ ಮಾಡಿರುವ ವಿಮಾನ ಮತ್ತು ರೈಲು ಟಿಕೆಟ್ ಇರುವರಿಗೆ ಮಾತ್ರ ಸಂಚಾರಕ್ಕೆ ಅವಕಾಶವಿರಲಿದೆ. ಬಿಎಂಟಿಸಿ, ಕೆಎಸ್ಆರ್ಟಿಸಿ ಬಸ್ಗಳ ಸೇವೆ ಇರುವುದಿಲ್ಲ. ಲಾಕ್ಡೌನ್ ವೇಳೆ ಸಂಚಾರಕ್ಕೆ ಯಾವುದೇ ವಿಶೇಷ ಪಾಸ್ ವಿತರಿಸುವುದಿಲ್ಲ ಎಂದು ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಸ್ಪಷ್ಟಪಡಿಸಿದರು.
ಬೆಳಗ್ಗೆ 5 ರಿಂದ ಮಧ್ಯಾಹ್ನ 12 ಗಂಟೆವರೆಗೆ ಮಾತ್ರ ಅಗತ್ಯ ವಸ್ತುಗಳ ವಹಿವಾಟು ನಡೆಸಲು ಅವಕಾಶ ಕಲ್ಪಿಸಲಾಗಿದೆ. ಆಪ್ ಆಧಾರಿತ ಆಹಾರ ಸೇವೆ ರಾತ್ರಿ 8 ಗಂಟೆವರೆಗೆ ಸಿಗಲಿದೆ. ಔಷಧ ಅಂಗಡಿ ಹೊರತು ಎಲ್ಲ ಸೇವೆ ಬಂದ್ ಆಗಲಿವೆ. ಹೋಟೆಲ್ ಸೇವೆ ರಾತ್ರಿ 8 ಗಂಟೆವರೆಗೂ ಸಿಗಲಿದ್ದು, ಅಲ್ಲಿನ ಸಿಬ್ಬಂದಿ ಸಮವಸ್ತ್ರವನ್ನು ಕಡ್ಡಾಯವಾಗಿ ಧರಿಸಬೇಕು ಎಂದು ತಿಳಿಸಿದರು.