ಬೆಂಗಳೂರು: ಓಲಾ ಸಂಸ್ಥೆಯು ತನ್ನ ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಮಾರುಕಟ್ಟೆಗೆ ಬಿಡಲು ಸಕಲ ಸಿದ್ಧತೆ ಮಾಡಿಕೊಂಡಿದೆ. ಇನ್ನೊಂದು ತಿಂಗಳ ಅವಧಿಯಲ್ಲಿ ಸ್ಕೂಟರ್ ಲಭ್ಯವಾಗುವ ಸಾಧ್ಯತೆಯಿದ್ದು, ಅದು ಬಜಾಜ್ ಸಂಸ್ಥೆಯ ಚೇತಕ್ ಎಲೆಕ್ಟ್ರಿಕ್ ಸ್ಕೂಟರ್ಗೆ ಕಾಂಪಿಟೇಶನ್ ಕೊಡುಬಹುದು ಎನ್ನುವ ಚರ್ಚೆಗಳು ಆರಂಭವಾಗಿದೆ.
ಓಲಾ ಸಂಸ್ಥೆಯ ಎಲೆಕ್ಟ್ರಿಕ್ ಸ್ಕೂಟರ್ 18 ನಿಮಿಷಗಳಲ್ಲಿ ಶೇ. 50 ಚಾರ್ಜ್ ಆಗಬಲ್ಲದು ಎನ್ನಲಾಗಿದೆ. ಹಾಗೆಯೇ ಒಮ್ಮೆ ಪೂರ್ತಿ ಚಾರ್ಜ್ ಆದರೆ 150 ಕಿಮೀವರೆಗೆ ಸಾಗಬಲ್ಲದು, ಅರ್ಧ ಚಾರ್ಜ್ನೊಂದಿಗೆ 75 ಕಿಮೀ ಸಾಗಬಲ್ಲದು ಎನ್ನುವ ಮಾಹಿತಿಯಿದೆ.
ಬಜಾಜ್ ಚೇತಕ್ ಎಲೆಕ್ಟ್ರಿಕ್ ಸ್ಕೂಟರ್ ಎರಡು ವೇರಿಯೆಂಟ್ನಲ್ಲಿದೆ. ಈ ಸ್ಕೂಟರ್ ಶೇ. 25 ಚಾರ್ಜ್ ಆಗುವುದಕ್ಕೆ ಒಂದು ಗಂಟೆ ಸಮಯ ಬೇಕು. ಪೂರ್ತಿ ಚಾರ್ಜ್ ಆಗಲು 5 ಗಂಟೆಗಳ ಸಮಯಾವಕಾಶ ಬೇಕು. ಒಮ್ಮೆ ಪೂರ್ತಿ ಚಾರ್ಜ್ ಆದರೆ 95 ಕಿಮೀವರೆಗೆ ಸಾಗಬಲ್ಲದು. 70 ಕಿಮೀ ವೇಗವಾಗಿ ಈ ಗಾಡಿಯನ್ನು ಓಡಿಸಬಹುದು.
ಸದ್ಯ ಬಜಾಜ್ ಚೇತಕ್ ಸ್ಕೂಟರ್ನ ಆನ್ ರೋಡ್ ಬೆಲೆ 1 ಲಕ್ಷದಷ್ಟಿದೆ. ಹಾಗಾಗಿ ಓಲಾ ಸ್ಕೂಟರ್ ಬೆಲೆಯೂ ಅದೇ ಮಟ್ಟದಲ್ಲಿರಬಹುದು ಎನ್ನುವ ಚರ್ಚೆಗಳು ನಡೆಯುತ್ತಿದೆ.
ಓಲಾ ಎಲೆಕ್ಟ್ರಿಕ್ ಸ್ಕೂಟರ್ನ ಮುಂಗಡ ಬುಕ್ಕಿಂಗ್ ಅನ್ನು ಕೆಲ ದಿನಗಳ ಹಿಂದೆ ಆರಂಭಿಸಲಾಗಿದೆ. ಕೇವಲ 499 ರೂಪಾಯಿಗೆ ಬುಕ್ಕಿಂಗ್ ಅವಕಾಶ ಮಾಡಿಕೊಡಲಾಗಿದ್ದು, ಒಂದೇ ದಿನದಲ್ಲಿ ಲಕ್ಷಕ್ಕೂ ಅಧಿಕ ಸ್ಕೂಟರ್ಗಳ ಬುಕ್ಕಿಂಗ್ ಆಗಿರುವುದಾಗಿ ಸಂಸ್ಥೆ ತಿಳಿಸಿತ್ತು. (ಏಜೆನ್ಸೀಸ್)