ಮನೆಯಲ್ಲೇ ಶವವಾಗಿ ಪತ್ತೆಯಾದ ಹಿರಿಯ ನಟ ರೈಮೋಹನ್

ಒಡಿಶಾ: ಹಿರಿಯ ಒಡಿಯಾ ನಟ ರೈಮೋಹನ್ ಪರಿದಾ ನೇಣು ಬಿಗಿದುಕೊಂಡು ಆತ್ಮಹತ್ಯೆಗೆ ಶರಣಾಗಿದ್ದಾರೆ.

ಖಳನಾಯಕ ಪಾತ್ರಗಳಿಗೆ ಹೆಸರಾದ ಒಡಿಯಾ ಸಿನಿಮಾ ನಟ ರೈಮೋಹನ್ ಪರಿದಾ (56) ಇಂದು ಭುವನೇಶ್ವರದಲ್ಲಿರುವ ಅವರ ಮನೆಯಲ್ಲಿ ಶವವಾಗಿ ಪತ್ತೆಯಾಗಿದ್ದಾರೆ. ಆತ್ಮಹತ್ಯೆ ಹಿಂದಿನ ಕಾರಣ ಇನ್ನೂ ಸ್ಪಷ್ಟವಾಗಿಲ್ಲ.

ಜುಲೈ 10, 1963ರಂದು ಜನಿಸಿದ ರೈಮೋಹನ್ ಪರಿದಾ ಅವರು ಈವರೆಗೆ 100ಕ್ಕೂ ಹೆಚ್ಚು ಒಡಿಯಾ ಮತ್ತು ಬೆಂಗಾಲಿ ಚಿತ್ರಗಳಲ್ಲಿ ನಟಿಸಿದ್ದಾರೆ. ಉತ್ತಮ ಅಭಿನಯಕ್ಕೆ ಒಡಿಶಾ ರಾಜ್ಯ ಪ್ರಶಸ್ತಿಯನ್ನು ಸಹ ಪಡೆದಿದ್ದರು. ಒಡಿಶಾದಲ್ಲಿ ಜಾತ್ರಾ ಕಲಾವಿದನಾಗಿ ಹೆಸರು ಪಡೆದಿದ್ದ ಇವರು, ‘ಹೇ ಅನನಿ’ ಎಂಬ ಡೈಲಾಗ್​​ನಿಂದ ಖ್ಯಾತಿ ಪಡೆದಿದ್ದರು.  

ಭುವನೇಶ್ವರದ ಮಂಚೇಶ್ವರ ಪೊಲೀಸ್ ಠಾಣೆ ವ್ಯಾಪ್ತಿಯ ಪ್ರಾಚಿ ಬಿಹಾರದ ಉದಯ್‌ಪುರ ಅಪಾರ್ಟ್‌ಮೆಂಟ್‌ನ ಮೊದಲ ಮಹಡಿಯಲ್ಲಿ ತಮ್ಮ ಕುಟುಂಬದೊಂದಿಗೆ ವಾಸಿಸುತ್ತಿದ್ದರು.

ಡೇಟಿಂಗ್ ಆ್ಯಪ್ ಬೆಡಗಿಗಾಗಿ ಕೋಟಿ ಕೊಟ್ಟು ಕೈ ಸುಟ್ಟುಕೊಂಡ ಬ್ಯಾಂಕ್ ಮ್ಯಾನೇಜರ್!