ತಿರುಚಿ: ಹೊಸ ವರ್ಷದ ಸಮಯದಲ್ಲಿ ಡ್ರಗ್ಸ್ ಮಾರಾಟ ಹೆಚ್ಚಾಗುತ್ತದೆ. ಇದನ್ನು ತಡೆಗಟ್ಟಲು ಎನ್ಐಎ ಭಾರೀ ಕಾರ್ಯಾಚರೆಗಳನ್ನು ನಡೆಸಿದೆ. ಹೊಸ ವರ್ಷ ಸಮೀಪಿಸುತ್ತಿರುವ ಹಿನ್ನೆಲೆ ಎನ್ಐಎ ಮುಂಜಾಗ್ರತಾ ಕ್ರಮವಾಗಿ ಭರ್ಜರಿ ಬೇಟೆ ಆಡಿದ್ದು ಇವರ ಇಬ್ಬಿಬ್ಬರು ಕಿಂಗ್ಪಿನ್ಗಳು ಸೆರೆಯಾಗಿದ್ದಾರೆ.
ಶ್ರೀಲಂಕಾ ಡ್ರಗ್ ಮಾಫಿಯಾದ ಇಬ್ಬರು ಕಿಂಗ್ ಪಿನ್ ಗಳು ಸೇರಿ ಒಂಭತ್ತು ಜನ ಶ್ರೀಲಂಕಾ ಪ್ರಜೆಗಳನ್ನು ಎನ್ಐಎ ಬಂಧಿಸಿದೆ. ತಿರುಚಿಯ ಶ್ರೀಲಂಕಾ ಕ್ಯಾಂಪ್ನಲ್ಲಿ ಬಂಧಿಸಲಾಗಿದ್ದು ಗುಣಶೇಖರನ್ ಅಲಿಯಾಸ್ ಗುಣ,ಪುಷ್ಪರಾಜನ್ ಅಲಿಯಾಸ್ ಪೋಕುಟ್ಟಿ ಶ್ರೀಲಂಕಾ ಡ್ರಗ್ ಮಾಫಿಯಾದ ಬಂಧಿತ ಕಿಂಗ್ಪಿನ್ಗಳು.
ಬಂಧಿತರಲ್ಲಿ ಇಬ್ಬರ ಮೇಲೆ ಪಾಕಿಸ್ತಾನ ಮೂಲದ ಹಾಜಿ ಸಲೀಂ ಜೊತೆ ಸೇರಿ ಡ್ರಗ್ ಮಾಫಿಯಾ ನಡೆಸುತ್ತಿರುವ ಆರೋಪ ಕೂಡ ಇದೆ. ಭಾರತ ಮತ್ತು ಶ್ರೀಲಂಕಾದಲ್ಲಿ ಡ್ರಗ್ ಮಾಫಿಯಾ ನಡೆಸುತ್ತಿರುವ ಆರೋಪದ ಜೊತೆಗೆ ಇವರ ಮೇಲೆ ಪಾಕಿಸ್ತಾನದ ಹಾಜಿ ಸಲೀಂಗೆ ಡ್ರಗ್ಸ್ ಹಾಗೂ ವೆಪನ್ ಸಪ್ಲೈಯರ್ ಆಗಿರುವ ಆರೋಪವೂ ಕೇಳಿಬಂದಿದೆ.
ಸೋರ್ಸ್ಗಳ ಖಚಿತ ಮಾಹಿತಿ ಅಧರಿಸಿ ದಾಳಿ ಮಾಡಿದ್ದ ಎನ್ಐಎ ಅಧಿಕಾರಿಗಳು ಭಾರಿ ಪ್ರಮಾಣದ ಡ್ರಗ್ಸ್ ಜನರ ಕೈ ಸೇರುವುದನ್ನು ತಪ್ಪಿಸಿದ್ದಾರೆ. ಜುಲೈನಲ್ಲಿ ಈ ಕಿಂಗ್ಪಿನ್ಗಳ ವಿರುದ್ಧ ಎನ್ಐಎ ಸ್ವಯಂ ಪ್ರೇರಿತ ಪ್ರಕರಣ ದಾಖಲಿಸಿತ್ತು. ಅದರಂತೆ ಈಗ ಬಂಧನವೂ ಆಗಿದೆ.