ಉದಾಹರಣೆಗೆ, ಒಂದು ವಿಡಿಯೋಗೆ 10 ಲಕ್ಷ (ಒಂದು ಮಿಲಿಯನ್) ವೀಕ್ಷಣೆಗಳು ಬಂದರೆ, ನಿಗದಿತ ಮಾನದಂಡದ ಪ್ರಕಾರ ಒಟ್ಟು ಆದಾಯ 1,95,000 ರೂಪಾಯಿಗಳಾಗುತ್ತದೆ. ಇದರಲ್ಲಿ ಗರಿಷ್ಠ ಶೇ. 30 ರಷ್ಟು ಹಣವನ್ನು ಖರ್ಚುಗಳೆಂದು (Expenses) ಕಡಿತಗೊಳಿಸಲು ಅವಕಾಶವಿದ್ದು, ಉಳಿದ ಶೇ. 70 ರಷ್ಟು ಮೊತ್ತದ ಮೇಲೆ ತೆರಿಗೆ ಅನ್ವಯವಾಗುತ್ತದೆ.
ಪಾಕ್ ಎಫ್ಆರ್ಬಿ ನಿಗದಿಪಡಿಸಿರುವ ಪ್ರತಿ 1,000 ವೀಕ್ಷಣೆಗಳಿಗೆ 195 ರೂ. ಎಂಬುದು ವಾಸ್ತವಿಕ ಗಳಿಕೆಗಿಂತ ಹೆಚ್ಚು ಎಂದು ಕಂಟೆಂಟ್ ಕ್ರಿಯೇಟರ್‌ಗಳು ವಾದಿಸುತ್ತಿದ್ದಾರೆ. ವೀಕ್ಷಕರ ಸ್ವಭಾವ, ಜಾಹೀರಾತುದಾರರ ಆಧಾರ ಮತ್ತು ಕಂಟೆಂಟ್ ಪ್ರಕಾರ ಬದಲಾಗುವುದರಿಂದ ಎಲ್ಲರಿಗೂ ಒಂದೇ ರೀತಿಯ ಮಾನದಂಡ ಅನ್ವಯಿಸುವುದು ಸರಿಯಲ್ಲ ಎಂಬುದು ಕಂಟೆಂಟ್ ಕ್ರಿಯೇಟರ್ಗಳ ಅಳಲಾಗಿದೆ.
ಆದಾಗ್ಯೂ, ತಮ್ಮ ನಿಜವಾದ ಆದಾಯವು ಸರ್ಕಾರಿ ಮಾನದಂಡಕ್ಕಿಂತ ಕಡಿಮೆಯಿದೆ ಎಂಬುದನ್ನು ಅಧಿಕೃತ ದಾಖಲೆಗಳು ಅಥವಾ ಬ್ಯಾಂಕ್ ಸ್ಟೇಟ್‌ಮೆಂಟ್‌ಗಳ ಮೂಲಕ ಸಾಬೀತುಪಡಿಸಿದರೆ, FBR ಅದನ್ನು ಪರಿಶೀಲಿಸಿ ಕಡಿಮೆ ಆದಾಯವನ್ನು ಪರಿಗಣಿಸಲು ಅವಕಾಶ ನೀಡಿದೆ. ಈ ಹಿಂದೆ ಕಂಟೆಂಟ್ ಕ್ರಿಯೇಟರ್ಗಳ ಬ್ಯಾಂಕ್ ಖಾತೆಗೆ ಹಣ ಜಮೆಯಾದಾಗ ಶೇ. 5 ರಷ್ಟು ತೆರಿಗೆ ವಿಧಿಸಲಾಗುತ್ತಿತ್ತು. ಇದರೊಂದಿಗೆ, ನಿರ್ದಿಷ್ಟ ಮಿತಿಗಿಂತ ಹೆಚ್ಚು ಸಂಪಾದಿಸುವವರು ಪ್ರತಿ ಮೂರು ತಿಂಗಳಿಗೊಮ್ಮೆ ಮುಂಗಡ ತೆರಿಗೆ ಪಾವತಿಸಬೇಕು ಹಾಗೂ ವಾರ್ಷಿಕ ರಿಟರ್ನ್ಸ್ ಸಲ್ಲಿಸಬೇಕು.
