ನತಾಶಾ ತನ್ನ ಮೊದಲ ಮದುವೆಯಿಂದ ಹೊರಬಂದ ಒಂದು ವರ್ಷದ ನಂತರ ವಿಪರೀತ ಹೊಟ್ಟೆ ನೋವು, ಭುಜ ನೋವು ಅನುಭವಿಸಲು ಪ್ರಾರಂಭಿಸಿದರು. ಆಕೆಯ ಭುಜದ ಮೇಲೆ ಎರಡು ಶಸ್ತ್ರಚಿಕಿತ್ಸೆಗಳು ಮತ್ತು ಮೂರು ಬಾರಿ ವಿಕಿರಣ ಚಿಕಿತ್ಸೆಯ ನಂತರವೂ ವೈದ್ಯರಿಗೆ ಅವಳ ನೋವನ್ನು ಪರಿಹರಿಸಲು ಸಾಧ್ಯವಾಗಲಿಲ್ಲ. ಕಡೆಗೆ ವೈದ್ಯರು ಹೊಟ್ಟೆಯಲ್ಲಿ ಟ್ಯೂಮರ್ ಪತ್ತೆ ಹಚ್ಚಿದ ಬಳಿಕ ಎಂಟು ಗಂಟೆಗಳ ಶಸ್ತ್ರಚಿಕಿತ್ಸೆಯ ನಂತರ, ನತಾಶಾ ಅವರ ಹೊಟ್ಟೆಯನ್ನು ತೆಗೆದುಹಾಕಿದ್ದರು. ತನ್ನ ಆಹಾರವನ್ನು ಜೀರ್ಣಿಸಿಕೊಳ್ಳಲು ಸಾಧ್ಯವಾಗದ ಕಾರಣ ಕಳೆದ ಕೆಲ ವರ್ಷಗಳಿಂದ ಸಾಕಷ್ಟು ಆಹಾರ-ಸಂಬಂಧಿತ ನಿರ್ಬಂಧಗಳೊಂದಿಗೆ ಬದುಕಿದರು. ಅವರು ಡಂಪಿಂಗ್ ಸಿಂಡ್ರೋಮ್ನಿಂದ ಬಳಲುತ್ತಿದ್ದರು. ನತಾಶಾ ಅವರು ಏನು ತಿಂದರೂ ಅದು ನೇರವಾಗಿ ತನ್ನ ಕರುಳಿಗೆ ಹೋಗುತ್ತಿತ್ತು. ಇದರ ಅಡ್ಡ ಪರಿಣಾಮಗಳು ವಿಪರೀತವಾಗಿ ಬೆವರುವುದು, ವ್ಯಾಪಕವಾಗಿ ಆಕಳಿಕೆ ಮತ್ತು ಶೌಚಾಲಯಕ್ಕೆ ಅನೇಕ ಬಾರಿ ಓಡಾಡುವುದು ಸೇರಿದ್ದವು. ಇಷ್ಟೆಲ್ಲ ಸಮಸ್ಯೆ ಇದ್ದರೂ ಅವರು ರುಚಿರುಚಿಯಾದ ಅಡುಗೆಗಳನ್ನು ತಯಾರಿಸಿ ರೆಸಿಪಿಯನ್ನು ತಮ್ಮ ಪೇಜ್ನಲ್ಲಿ ಹಂಚಿಕೊಳ್ಳುತ್ತಿದ್ದರು.
