ಬೆಂಗಳೂರು: ಪ್ರತಿಯೊಂದು ದೇವಾಲಯವು ತನ್ನದೇ ಆದ ವಿಶಿಷ್ಟ ನಂಬಿಕೆಯನ್ನು ಹೊಂದಿದೆ. ಆ ನಂಬಿಕೆ ಕೇಳಿದ ಜನರು ಬೆರಗಾಗುವುದು ಸಹಜ. ಇಂತಹ ಒಂದು ವಿಶಿಷ್ಟವಾದ ನಂಬಿಕೆಯುಳ್ಳ ದೇವಾಲಯವು ಉತ್ತರಾಖಂಡದಲ್ಲಿ ಅಸ್ತಿತ್ವದಲ್ಲಿದೆ. ಇಲ್ಲಿ ಯಾವುದೇ ಭಕ್ತರನ್ನು ಸ್ತ್ರೀ ಆಗಿರಬಹುದು ಅಥವಾ ಪುರುಷ ಆಗಿರಬಹುದು ದೇವಾಲಯದ ಒಳಗೆ ಅನುಮತಿಸಲಾಗುವುದಿಲ್ಲ.
ವಿಶೇಷವೆಂದರೆ ಇಲ್ಲಿ ಭಕ್ತರಿಗೆ ಮಾತ್ರವಲ್ಲದೆ ದೇವಾಲಯದ ಅರ್ಚಕರಿಗೂ ದೇವರ ದರ್ಶನಕ್ಕೆ ಅವಕಾಶವಿಲ್ಲ. ಅರ್ಚಕರೂ ಸಹ ಕಣ್ಣುಮುಚ್ಚಿ ದೇವಸ್ಥಾನದಲ್ಲಿ ಪೂಜೆ ಮಾಡುತ್ತಾರೆ. ಇಲ್ಲಿ ಅವರನ್ನು ಹೊರತುಪಡಿಸಿ ಯಾರೂ ಪ್ರವೇಶಿಸುವಂತಿಲ್ಲ.
ಈ ದೇವಾಲಯವು ಉತ್ತರಾಖಂಡದ ಚಮೋಲಿ ಜಿಲ್ಲೆಯ ದೇವಲ್ ಎಂಬ ಬ್ಲಾಕ್‌ನಲ್ಲಿರುವ ವಾನ್ ಎಂಬ ಸ್ಥಳದಲ್ಲಿದೆ. ಈ ಸ್ಥಳದಲ್ಲಿ ಲಾತು ದೇವರನ್ನು ಪೂಜಿಸಲಾಗುತ್ತದೆ, ಉತ್ತರಾಖಂಡದಲ್ಲಿ ಇದನ್ನು ದೇವಸ್ಥಳ್ ಲಾತು ಮಂದಿರ ಎಂದು ಕರೆಯಲಾಗುತ್ತದೆ. ಇಲ್ಲಿನ ಸ್ಥಳೀಯ ಜನರು, ಪುರಾಣಗಳ ಪ್ರಕಾರ, ಉತ್ತರಾಖಂಡದ ಪ್ರಧಾನ ದೇವತೆಯಾದ ನಂದಾದೇವಿಯ ಸಹೋದರನೆಂದು ನಂಬಲಾದ ಲಾತು ದೇವರಿಗೆ ಈ ಸ್ಥಳವನ್ನು ಸಮರ್ಪಿಸಲಾಗಿದೆ. ಭಕ್ತನು ಶುದ್ಧ ಹೃದಯದಿಂದ ಬಯಸಿದರೆ ಎಲ್ಲಾ ಇಷ್ಟಾರ್ಥಗಳು ಈಡೇರುತ್ತವೆ ಎಂದು ಅವರು ನಂಬುತ್ತಾರೆ.
ದೇವಸ್ಥಾನದ ದ್ವಾರಗಳನ್ನು ವರ್ಷಕ್ಕೊಮ್ಮೆ ಮಾತ್ರ ತೆರೆಯಲಾಗುತ್ತದೆ. ವೈಶಾಖ ಮಾಸದ ಹುಣ್ಣಿಮೆಯಂದು ದೇವಾಲಯದ ದ್ವಾರ ತೆರೆಯುತ್ತದೆ. ಈ ದಿನದಂದು ದೇವಾಲಯದ ಅರ್ಚಕರೂ ಸಹ ದೇವರ ಅಸಾಧಾರಣ ರೂಪದಿಂದ ಭಯಪಡದಂತೆ ಕಣ್ಣು ಮತ್ತು ಬಾಯಿಗೆ ಬಟ್ಟೆಯನ್ನು ಕಟ್ಟಿಕೊಂಡು ದೇವರನ್ನು ಪೂಜಿಸುತ್ತಾರೆ. ಭಕ್ತರು ದೂರದಿಂದಲೇ ದೇವರ ದರ್ಶನ ಮಾಡುತ್ತಾರೆ. ಮಾರ್ಗಶೀಶ ಅಮವಾಸ್ಯೆಯಂದು ದೇವಾಲಯದ ದ್ವಾರಗಳನ್ನು ಮುಚ್ಚಲಾಗುತ್ತದೆ.
ಸಾಮಾನ್ಯ ಜನರಿಗೆ ಪ್ರವೇಶಿಸಲು ಸಾಧ್ಯವಾಗದ ಈ ದೇವಾಲಯದಲ್ಲಿ ನಾಗರಾಜ (ಹಿಂದೂ ಪುರಾಣಗಳಲ್ಲಿ ಸರ್ಪ ರಾಜ) ಅಮೂಲ್ಯವಾದ ರತ್ನದೊಂದಿಗೆ ನೈಜ ರೂಪದಲ್ಲಿ ನೆಲೆಸಿದ್ದಾನೆ ಎಂದು ನಂಬಲಾಗಿದೆ. ಇದನ್ನು ಸಾಮಾನ್ಯ ಜನರು ನೋಡುವುದಕ್ಕೆ ಬರುವುದಿಲ್ಲ. ಒಂದು ವೇಳೆ ನೋಡಿದರೆ, ಅದರ ಬೆರಗುಗೊಳಿಸುವ ಬೆಳಕಿನಿಂದ ದೃಷ್ಟಿ ಕಳೆದುಕೊಳ್ಳುತ್ತಾರೆ ಎಂದು ಸ್ಥಳೀಯರು ನಂಬುತ್ತಾರೆ. ಹಾಗೆಯೇ ನಾಗರಾಜನ ವಿಷಕಾರಿ ವಾಸನೆಯು ದೇವಾಲಯದ ಆವರಣವನ್ನು ಪ್ರವೇಶಿಸುವವರನ್ನು ಕೊಲ್ಲುತ್ತದೆ. ಪುರೋಹಿತರು ಸಹ ನಾಗರಾಜನ ರೂಪವನ್ನು ನೋಡುವುದಿಲ್ಲ. ಅವರು ಕಣ್ಣುಮುಚ್ಚಿ ಬಾಗಿಲು ತೆರೆದು ಪೂಜೆ ಮಾಡುತ್ತಾರೆ. ಅಷ್ಟೇ ಅಲ್ಲ, ತಮ್ಮ ಬಾಯಿಯ ವಾಸನೆ ದೇವರಿಗೆ ಬಾರದಂತೆ ಅಥವಾ ನಾಗರಾಜನ ವಿಷದ ವಾಸನೆ ಪೂಜಾರಿಯ ಮೂಗಿಗೆ ಬರದಂತೆ ಬಾಯಿಗೆ ಬಟ್ಟೆ ಕಟ್ಟುತ್ತಾರೆ. ಭಕ್ತರು ದೇವಾಲಯದ ಬಾಗಿಲಿನಿಂದ 75 ಅಡಿ ದೂರದಲ್ಲಿ ತಮ್ಮ ಕಾಣಿಕೆಗಳನ್ನು ನೀಡಬಹುದು.
ಉತ್ತರಾಖಂಡದ ಈ ನಿಗೂಢ ದೇವಾಲಯಕ್ಕೆ ಜನರು ತಮ್ಮ ಇಚ್ಛೆಯೊಂದಿಗೆ ಬರುತ್ತಾರೆ. ಇಲ್ಲಿ ಬಯಸಿದ ಬಯಕೆಗಳು ಖಂಡಿತವಾಗಿಯೂ ಈಡೇರುತ್ತವೆ ಎಂದು ಹೇಳಲಾಗುತ್ತದೆ.