ನವದೆಹಲಿ: ಬೀದಿಬದಿಯಲ್ಲಿ ಹೂ ಮಾರುತ್ತಿದ್ದ ಯುವತಿಗೆ ತನ್ನ ಪರಿಶ್ರಮದಿಂದ ಹೆಚ್ಚಿನ ವಿದ್ಯಾಭ್ಯಾಸಕ್ಕಾಗಿ ವಿದೇಶಕ್ಕೆ ತೆರಳುವ ಅವಕಾಶ ಒಲಿದು ಬಂದಿದೆ. ಈಗ ಅಮೆರಿಕ ಪ್ರತಿಷ್ಟಿತ ಕಾಲೇಜಿನಲ್ಲಿ ಪಿಎಚ್ಡಿ ಅಧ್ಯಯನ ಮಾಡಲು ಅವಕಾಶ ಸಿಕ್ಕಿದೆ.
ಕ್ಯಾಲಿಫೋರ್ನಿಯಾದ ವಿಶ್ವ ವಿದ್ಯಾಲಯದಲ್ಲಿ ಸೀಟು ಗಿಟ್ಟಿಸಿಕೊಂಡಿರುವ ಪ್ರತಿಭಾನ್ವಿತೆಯ ಹೆಸರು ಸರಿತಾ ಮಾಲಿ. ಈಕೆಗೆ 28ವರ್ಷ. ತನ್ನ ತಂದೆ ಜತೆ ಬೀದಿಯಲ್ಲಿ ಹೂ ಮಾರುತ್ತಲೇ ಹೆಚ್ಚಿನ ವಿದ್ಯಾಭ್ಯಾಸಕ್ಕಾಗಿ ಈಗ ವಿದೇಶ ಹಾರಲಿದ್ದಾಳೆ. ಈಕೆ ಪ್ರಸ್ತುರ ಜೆಎನ್ಯು ನಲ್ಲಿ ಹಿಂದಿ ಭಾಷೆಯ ಮೇಲೆ ಪಿಹೆಚ್ಡಿ ಆಯ್ಕೆಮಾಡಿಕೊಂಡಿದ್ದು, ಸದ್ಯ ಎಂಎ ಮತ್ತು ಎಂಫಿಲ್ ಪದವಿ ಪಡೆದಿದ್ದು, ಉನ್ನತ ವಿದ್ಯಾಭ್ಯಾಸವನ್ನು ಮುಂದುವರಿಸಲು ಜೆಎನ್ಯುಯಿಂದ ಆಯ್ಕೆಯಾಗಿದ್ದಾಳೆ.
ಜೀವನದಲ್ಲಿ ಸಿಕ್ಕ ಅವಕಾಶಗಳನ್ನು ಬಳಸಿಕೊಂಡು ತುಂಬಾ ಕಷ್ಟಪಟ್ಟು ವಿದ್ಯಾಭ್ಯಾಸ ಮಾಡಿದ್ದೇನೆ. ಇದಕ್ಕೆ ನನ್ನ ತಂದೆ-ತಾಯಿ ಹಾಗೂ ಕುಟುಂಬದವರು ತುಂಬಾ ಸಹಾಯ ಮಾಡಿದ್ದಾರೆ ಎಂದು ಸರಿತಾ ಸಂತಸ ವ್ಯಕ್ತಪಡಿಸಿದ್ದಾರೆ.ಸರಿತಾ ಕುಟುಂಬದಲ್ಲಿ ತಂದೆ-ತಾಯಿ, ಓರ್ವ ಸಹೋದರಿ ಹಾಗೂ ಇಬ್ಬರು ಸಹೋದರರಿದ್ದಾರೆ. ಇಡೀ ಕುಟುಂಬಕ್ಕೆ ತಂದೆಯೊಬ್ಬರೇ ದುಡಿಯಬೇಕಿತ್ತು. ಇನ್ನು ಮುಂದೆಯಾದರೂ ನಾವು ಜೀವನ ರೂಪಿಸಿಕೊಳ್ಳುತ್ತೇವೆ ಎಂದು ಸರಿತಾ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
ಲಾಕ್ಡೌನ್ ಸಮಯದಲ್ಲಿ ನಾವು ತುಂಬಾ ಕಷ್ಟಪಟ್ಟೆವು ಎಂದಿರುವ ಈಕೆ, ವಿಶೇಷವಾಗಿ ಗಣೇಶ ಚತುರ್ಥಿ, ದೀಪಾವಳಿ ಮತ್ತು ದಸರಾ ಹಬ್ಬಗಳಲ್ಲಿ ಹೂವು ಮಾರಾಟ ಮಾಡುತ್ತಿದ್ದೆ. ಇನ್ನು ರಜಾ ದಿನಗಳಲ್ಲೂ ಇದೇ ಕೆಲಸ ಮಾಡಿ ತಮ್ಮ ತಂದೆಗೆ ನೆರವಾಗುತ್ತಿದ್ದೆ ಎಂದು ಸರಿತಾ ಹೇಳಿಕೊಂಡಿದ್ದಾರೆ.
ಜೆಎನ್ಯು ನನ್ನ ಜೀವನದಲ್ಲಿ ಪ್ರಮುಖ ತಿರುವನ್ನೇ ನೀಡಿತ್ತು, ಉತ್ತಮ ವಿದ್ಯಾಭ್ಯಾಸದ ನೆರವನ್ನು ನೀಡಿದ್ದಲ್ಲದೇ ಇಂತಹ ದೊಡ್ಡ ಅವಕಾಶವನ್ನು ನೀಡಿದೆ ಎಂದು ಸಂತಸ ಹಂಚಿಕೊಂಡಿದ್ದಾರೆ.
2010ರಲ್ಲಿ ಮೊಬೈಲ್, ಇಂಟರ್ ನೆಟ್ ಸಂಪಕ್ ಈಗಿನಂತಿರಲಿಲ್ಲ. ಆಗ ಕೆಲವರಿಂದ ಮಾಹಿತಿ ಪಡೆದು ಜೆಎನ್ಯುಗೆ ತೆರಳಿ ದಾಖಲಾಗಿದ್ದೆ. ಇಂದು ಇಂತಹ ಅವಕಾಶ ನೀಡಿರುವ ವಿಶ್ವವಿದ್ಯಾಲಯಕ್ಕೆ ನಾನು ಎಷ್ಟು ಧನ್ಯವಾದ ಹೇಳಿದರೂ ಸಾಲದು ಎಂದು ಸರಿತಾ ಹೇಳಿಕೊಂಡಿದ್ದಾರೆ.(ಏಜೆನ್ಸೀಸ್)
ಮತ್ತೊಮ್ಮೆ ಸುದ್ದಿಯಲ್ಲಿ ಕರಾಟೆ ಕಲ್ಯಾಣಿ: ಈಕೆ ವಿರುದ್ಧ ಎರಡೆರಡು ಪ್ರಕರಣ ದಾಖಲು!