ಮುಂಬೈ: ಭಾರತೀಯ ಷೇರುಪೇಟೆಯಲ್ಲಿ ದೀಪಾವಳಿ ಹಬ್ಬದ ಮೊದಲ ದಿನ ಸಂಜೆ 6.15ಕ್ಕೆ ಮುಹೂರ್ತ ಟ್ರೇಡಿಂಗ್ ನಡೆದಿದ್ದು, ಬಾಂಬೆ ಸ್ಟಾಕ್ ಎಕ್ಸ್ಚೇಂಜ್ (ಬಿಎಸ್ಇ) ಸೂಚ್ಯಂಕ ಸೆನ್ಸೆಕ್ಸ್, ನ್ಯಾಷನಲ್ ಸ್ಟಾಕ್ ಎಕ್ಸ್ಚೇಂಜ್ (ಎನ್ಎಸ್ಇ) ಸೂಚ್ಯಂಕ ನಿಫ್ಟಿ ಸಾರ್ವಕಾಲಿಕ ಎತ್ತರಕ್ಕೇರಿ ದಾಖಲೆ ನಿರ್ಮಿಸಿದವು. ಹಿಂದು ಕ್ಯಾಲೆಂಡರ್ ಪ್ರಕಾರ ಇಂದು ವಿಕ್ರಮ ಸಂವತ್ಸರದ ಮೊದಲ ದಿನ. ವರ್ಷದ ಮೊದಲ ದಿನವನ್ನು ಆಚರಿಸುವುದಕ್ಕೆ ಷೇರುಪೇಟೆಯಲ್ಲಿ ಮುಹೂರ್ತ ಟ್ರೇಡಿಂಗ್ ನಡೆಸಲಾಗುತ್ತದೆ.
ಆರಂಭದ ಕೆಲವು ನಿಮಿಷಗಳ ಟ್ರೇಡಿಂಗ್ನಲ್ಲಿ ಸೆನ್ಸೆಕ್ಸ್ 380.76 ಅಂಶ (0.88%) ಏರಿಕೆಯಾಗಿ 43,823.76 ಅಂಶದಲ್ಲಿ ವಹಿವಾಟು ನಡೆಸಿತ್ತು. ಇದೇ ರೀತಿ, ನಿಫ್ಟಿ ಕೂಡ 117.85 ಅಂಶ (0.93%) ಹೆಚ್ಚಳವಾಗಿ 12,808.65ರಲ್ಲಿ ವಹಿವಾಟು ನಡೆಸಿ ಹೊಸ ದಾಖಲೆ ನಿರ್ಮಿಸಿದೆ. ಸೆನ್ಸೆಕ್ಸ್ನ ಸೆಕ್ಟೋರಲ್ ಸೂಚ್ಯಂಕಗಳು ಲಾಭಾಂಶದಲ್ಲಿ ವಹಿವಾಟು ನಡೆಸಿದವು.
ಇದನ್ನೂ ಓದಿ: ಮುನಿರತ್ನ ಸಂಪುಟಕ್ಕೆ ಸೇರುತ್ತಾರೋ, ಇಲ್ಲವೋ ಎಂಬ ಪ್ರಶ್ನೆಗೆ ಉತ್ತರಿಸಲು ಸಿಎಂ ಮಾತ್ರ ಸಮರ್ಥರು!
ಸೆನ್ಸೆಕ್ಸ್ ಪಟ್ಟಿಯಲ್ಲಿರುವ ಬಜಾಜ್ ಫಿನ್ಸರ್ವ್, ಇಂಡಸ್ಇಂಡ್ ಬ್ಯಾಂಕ್, ಟಾಟಾ ಸ್ಟೀಲ್, ಭಾರ್ತಿ ಏರ್ಟೆಲ್, ಎಲ್ಆ್ಯಂಡ್ ಟಿ, ಏಕ್ಸಿಸ್ ಬ್ಯಾಂಕ್, ಐಟಿಸಿ ಷೇರುಗಳು ಶೇಕಡ 1.93ರ ತನಕ ಲಾಭಾಂಶ ಗಿಟ್ಟಿಸಿಕೊಂಡಿವೆ. ಎನ್ಟಿಪಿಸಿ, ಪವರ್ಗ್ರಿಡ್, ನೆಸ್ಟ್ಲೆ ಇಂಡಿಯಾ ಷೇರುಗಳು ಶೇಕಡ 0.77 ನಷ್ಟ ಅನುಭವಿಸಿವೆ. (ಏಜೆನ್ಸೀಸ್)
ಗಡಿಭಾಗದ ಜನರ ರಕ್ತದೋಕುಳಿ ತಡೆಯಲು ಭಾರತ-ಪಾಕ್ ಮಾತುಕತೆ ಅವಶ್ಯ- ಹುರಿಯತ್ !