ರಾಂಚಿ: ತನ್ನ 10 ವರ್ಷದ ಮಗ ಆತ್ಮಹತ್ಯೆ ಮಾಡಿಕೊಂಡಿದ್ದರ ಶಾಕ್ನಿಂದ ಹೊರಬರಲಾದ ತಾಯಿಯೂ ಅದೇ ದಾರಿ ಹಿಡಿದ ದುರ್ಘಟನೆ ಜಾರ್ಖಂಡದ ನಾಮ್ಕೊಮ್ನಲ್ಲಿ ನಡೆದಿದೆ. ರೇಖಾ ದಾದೇಲ್ (40) ಅವರು ಸೀಲಿಂಗ್ ಫ್ಯಾನ್ಗೆ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.
ಶನಿವಾರ ರೇಖಾ ಮತ್ತು ಅವರ ಪತಿ ಒಡಿಶಾದ ರೌರ್ಕೇಲಾಕ್ಕೆ ತೆರಳಿದ್ದರು. ಮನೆಯಲ್ಲಿ ಆಕೆಯ ಪುತ್ರ ಬಾಬಿ, 13 ವರ್ಷದ ಪುತ್ರಿ ಜಿಯಾ ಹಾಗೂ ಮತ್ತೋರ್ವ ಪುತ್ರ ಸನ್ನಿ ಇದ್ದರು.
ಭಾನುವಾರ ಮುಂಜಾನೆ 10 ವರ್ಷದ ಬಾಬಿಗೆ ಅದೇನಾಯಿತೋ ಗೊತ್ತಿಲ್ಲ, ಟಿಕ್ಟಾಕ್ ವಿಡಿಯೋ ನೋಡುತ್ತಿದ್ದವನು ಒಮ್ಮೆಲೆ ಕುರ್ಚಿ ಮತ್ತು ತನ್ನ ತಾಯಿಯ ದುಪ್ಪಟ್ಟಾ ತೆಗೆದುಕೊಂಡು ಸ್ನಾನಗೃಹಕ್ಕೆ ಹೋಗಿದ್ದ. ಪುತ್ರಿ ಜಿಯಾಗೆ ಅನುಮಾನ ಬಂದು, ಯಾಕೆ ಕುರ್ಚಿ ಅಲ್ಲಿಗೆ ತೆಗೆದುಕೊಂಡು ಹೋಗಿದ್ದೀಯಾ ಎಂದು ಕೇಳಿದ್ದಕ್ಕೆ, ಏನೋ ಸಬೂಬು ಹೇಳಿದ್ದ. ಇದನ್ನೂ ಓದಿ: ಇಂದೂ ರಾಜ್ಯಕ್ಕೆ ಶಾಕ್ ಕೊಟ್ಟ ಕೊವಿಡ್-19; 14 ಸಾವಿರದ ಗಡಿ ದಾಟಿದ ಸೋಂಕಿತರ ಸಂಖ್ಯೆ
ಪೊಲೀಸರು ಬಾಬಿಯ ಸೋದರ ಸನ್ನಿ ಹಾಗೂ ಸೋದರಿ ಜಿಯಾಳನ್ನು ಪ್ರಶ್ನೆ ಮಾಡಿದ್ದರು. ಅದ್ಯಾವುದೋ ವಿಡಿಯೋ ಗೇಮ್ ಪ್ರಭಾವಕ್ಕೆ ಒಳಗಾಗಿ ಆತ್ಮಹತ್ಯೆ ಮಾಡಿಕೊಂಡಿರಬಹುದು ಎಂದು ಅಂದಾಜಿಸಲಾಗಿದೆ.
ಆದರೆ ಮನೆಗೆ ಮರಳಿ ಬಂದಾಗ ಶವವಾಗಿದ್ದ ಪುತ್ರನನ್ನು ನೋಡಿ ತಾಯಿ ತೀವ್ರ ಶಾಕ್ಗೆ ಒಳಗಾಗಿದ್ದರು. ಮರುದಿನವೇ ಅವರೂ ಕೂಡ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಪೊಲಿಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. (ಏಜೆನ್ಸೀಸ್)
‘ಕೊವಿಡ್-19 ಸೋಂಕನ್ನು ಜಗತ್ತಿಗೆ ಕಳಿಸಿದ್ದು ಭಗವಾನ್ ಶ್ರೀಕೃಷ್ಣ…’: ಕಾಂಗ್ರೆಸ್ ಮುಖಂಡನ ವಾದ