ನವದೆಹಲಿ: ಈಗಂತೂ ಗೂಗಲ್ ಎಲ್ಲರ ಮೆಚ್ಚಿನ ಸ್ನೇಹಿತನಾಗಿಬಿಟ್ಟಿದೆ. ಯಾವುದರ ಬಗ್ಗೆ ಏನೇ ಸಂಶಯವಿದ್ದರೂ, ಏನೇ ಮಾಹಿತಿ ಬೇಕಿದ್ದರೂ ಮೊದಲು ಹುಡುಕೋದು ಗೂಗಲ್ನಲ್ಲೇ. ಅದೇ ರೀತಿ ಈ ವರ್ಷದಲ್ಲಿ ಭಾರತೀಯರು ಯಾವ ಪದವನ್ನು, ಯಾವ ವಿಚಾರವನ್ನು ಹೆಚ್ಚು ಹುಡುಕಿದ್ದಾರೆ ಎಂದು ಗೂಗಲ್ ಪಟ್ಟಿ ಮಾಡಿದೆ. ಇದೀಗ ತಾನು ಮಾಡಿರುವ ‘ಇಯರ್ ಇನ್ ಸರ್ಚ್ 2020’ ಪಟ್ಟಿಯನ್ನು ಬಿಡುಗಡೆ ಮಾಡಿದೆ.
ಇದನ್ನೂ ಓದಿ: ಮದುವೆಗೆ ಹೊರಟಿದ್ದವಳು ಕಾಡು ಸೇರಿದಳು; 14 ದಿನ ನಿರಂತರವಾಗಿ ರೇಪ್ ಮಾಡಿದ ಕಾಮುಕ!
ಗೂಗಲ್ ಪ್ರಕಾರ ಈ ವರ್ಷ ಅತಿ ಹೆಚ್ಚು ಭಾರತೀಯರು ಗೂಗಲ್ನಲ್ಲಿ ಐಪಿಎಲ್ ಬಗ್ಗೆ ಸರ್ಚ್ ಮಾಡಿದ್ದಾರೆ. ನಮ್ಮ ದೇಶದಲ್ಲಿ ಸರ್ಚ್ ಆದ ವಿಷಯದಲ್ಲಿ ಐಪಿಎಲ್ ಮೊದಲ ಸ್ಥಾನದಲ್ಲಿದ್ದರೆ ಜಾಗತಿಕವಾಗಿ ಕರೊನಾ ವೈರಸ್ ಮೊದಲನೇ ಸ್ಥಾನದಲ್ಲಿದೆ. ದೇಶದಲ್ಲಿ ಕರೊನಾ ವೈರಸ್ಗೆ ಎರಡನೇ ಸ್ಥಾನ ಸಿಕ್ಕಿದೆ. ಉಳಿದಂತೆ ಅಮೆರಿಕ ಎಲೆಕ್ಷನ್, ಪಿಎಂ ಕಿಸಾನ್ ಯೋಜನೆಯನ್ನು ಭಾರತೀಯರು ಅತಿ ಹೆಚ್ಚು ಸರ್ಚ್ ಮಾಡಿದ್ದಾರೆ.
ಈ ವರ್ಷ ಭಾರತೀಯರಿಂದ ಗೂಗಲ್ನಲ್ಲಿ ಅತಿ ಹೆಚ್ಚು ಬಾರಿ ಸರ್ಚ್ ಆದ ವ್ಯಕ್ತಿಯಲ್ಲಿ ಅಮೆರಿಕ ಅಧ್ಯಕ್ಷ ಜೋ ಬೈಡೆನ್ ಮೊದಲ ಸ್ಥಾನ ಪಡೆದಿದ್ದಾರೆ. ಉಳಿದಂತೆ ಅರ್ನಬ್ ಗೋಸ್ವಾಮಿ, ಗಾಯಕಿ ಕನ್ನಿಕಾ ಕಪೂರ್, ಕಂಗನಾ ರಣಾವತ್, ಅಂಕಿತಾ ಲೋಕಂಡೆ, ಅಮಿತಾಬ್ ಬಚ್ಚನ್, ರಿಯಾ ಚಕ್ರವರ್ತಿ, ಉತ್ತರ ಕೊರಿಯಾ ಸರ್ವಾಧಿಕಾರಿ ಕಿಮ್-ಜಾಂಗ್-ಉನ್, ಅಫ್ಘಾನಿಸ್ತಾನ ಸ್ಪಿನ್ನರ್ ರಶೀದ್ ಖಾನ್, ಅಮೆರಿಕಾ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ ಪಟ್ಟಿಯಲ್ಲಿ ಕಾಣಿಸಿಕೊಂಡಿದ್ದಾರೆ.
ಇದನ್ನೂ ಓದಿ: ‘ಹೆಂಡ್ತಿ ಹೆದರಿಸ್ತಿದಾಳೆ, ರಜೆ ಕೊಡಿ’ ವಿಚಿತ್ರವಾಗಿ ಈ ಪೇದೆಯ ಲೀವ್ ಲೆಟರ್
ಹೆಚ್ಚು ಸರ್ಚ್ ಆದ ಸಿನಿಮಾಗಳಲ್ಲಿ ಸುಶಾಂತ್ ಸಿಂಗ್ ಅವರ ದಿಲ್ ಬೆಚಾರ ಸಿನಿಮಾ ಅಗ್ರ ಸ್ಥಾನ ಪಡೆದಿದೆ. ಉಳಿದಂತೆ ತಮಿಳಿನ ಸೂರರೈ ಪೊಟ್ರು, ಬಾಲಿವುಡ್ನ ತನ್ಹಾಜಿ, ಶಕುಂತಲಾ ದೇವಿ, ಮತ್ತು ಗುಂಜನ್ ಸಕ್ಸೇನಾ ಸಿನಿಮಾಗಳು ಮೊದಲ ಐದು ಸ್ಥಾನ ಪಡೆದಿವೆ. ಈ ವರ್ಷ ವೆಬ್ ಸಿರೀಸ್ಗಳ ಸರ್ಚ್ ಹೆಚ್ಚಾಗಿದ್ದು, ಇದರಲ್ಲಿ ಮೊದಲ ಸ್ಥಾನದಲ್ಲಿ ಸ್ಪ್ಯಾನಿಷ್ ಕ್ರೈಂ ಡ್ರಾಮಾ ಮನಿ ಹೀಸ್ಟ್ (ನೆಟ್ಫ್ಲಿಕ್ಸ್) ಕಾಣಿಸಿಕೊಂಡಿದೆ. ಎರಡನೇ ಸ್ಥಾನದಲ್ಲಿ ಸ್ಕ್ಯಾಮ್ 1992 ಮತ್ತು ಮೂರನೇ ಸ್ಥಾನದಲ್ಲಿ ಮಿರ್ಜಾಪುರ 2 ವೆಬ್ ಸಿರೀಸ್ಗಳು ಕಾಣಿಸಿಕೊಂಡಿವೆ. (ಏಜೆನ್ಸೀಸ್)
ಅತ್ತಿಗೆ ಮೈದುನನ ಲವ್ವಿ ಡವ್ವಿ! ಮೈದುನ ಮದುವೆಯಾಗ್ತಾನೆ ಅಂತ ತಿಳಿದಾಕ್ಷಣ ಅತ್ತಿಗೆ ಹೀಗಾ ಮಾಡೋದು!?
ನಟಿ ದಿವ್ಯಾ ಸಾವಿಗೂ ಮುನ್ನ ಬರೆದಿಟ್ಟಿದ್ದ ಪತ್ರದಿಂದ ಬಯಲಾಯ್ತು ಪತಿಯ ನಿಜ ಬಣ್ಣ! ಅಪ್ತ ಸ್ನೇಹಿತೆ ಬಿಚ್ಚಿಟ್ಟ ರಹಸ್ಯ