ಬೀಜಿಂಗ್: ವಿನ್ಯಾಸ ಪಡಿಸಿದ ಉಡುಪು ಧರಿಸಿ, ಹಣದೊಂದಿಗೆ ಫೋಟೋಗೆ ಪೋಸ್ ನೀಡಿದ ಬೆನ್ನಲ್ಲೇ ಇನ್ಸ್ಟಾಗ್ರಾಂ ಮಾಡೆಲ್ ವಾಸವಿರುವ ಹಾಂಗ್ಕಾಂಗ್ನ ಅಪಾರ್ಟ್ಮೆಂಟ್ ದಾಳಿ ಮಾಡಿದ ಮೂವರು ದುಷ್ಕರ್ಮಿಗಳು ಮಾಡೆಲ್ ಮತ್ತು ಆಕೆಯ 6 ತಿಂಗಳ ಗಂಡು ಮಗುವನ್ನು ಕಟ್ಟಿಹಾಕಿ ದರೋಡೆ ಮಾಡಿರುವ ಘಟನೆ ನಡೆದಿದೆ.
ಮಾಡೆಲ್ ಸೊ ಮೈ ಯಾನ್ (25) ಹೇಳುವ ಪ್ರಕಾರ ಕಳೆದ ಮಂಗಳವಾರ ದರೋಡೆಕೋರರು ಅವಳ ಲಕ್ಸುರಿ ಮನೆ ಮೇಲೆ ಬೆಳಗ್ಗೆ 11 ಗಂಟೆ ಸುಮಾರಿಗೆ ದಾಳಿ ನಡೆಸಿದ್ದಾರೆ. ಬಳಿಕ ಮನೆಯಿಂದ ಹತ್ತು ಹ್ಯಾಂಡ್ಬ್ಯಾಗ್, ಏಳು ವಾಚ್, ಒಂದು ಲ್ಯಾಪ್ಟಾಪ್ ಮತ್ತು 400,000 ಡಾಲರ್ ಮೌಲ್ಯದ (2,96,84,600 ರೂಪಾಯಿ) ಎರಡು ದುಬಾರಿ ಮೊಬೈಲ್ ಫೋನ್ಗಳನ್ನು ದೋಚಿದ್ದಾರೆ.
ನಾನು ನನ್ನ ಕೋಣೆಯಲ್ಲಿ ಮಲಗಿದ್ದೆ. ಲಿವಿಂಗ್ ರೂಮ್ನಿಂದ ಶಬ್ಧ ಬರುವುದನ್ನು ಕೇಳಿ ಎಚ್ಚರಗೊಂಡು ನನ್ನ ಬೆಡ್ರೂಮ್ನಿಂದ ಹೊರಗೆ ಹೋಗಿ ನೋಡುವಷ್ಟರಲ್ಲಿ ನನ್ನ ಫ್ಲ್ಯಾಟ್ ಒಳಗೆ ಮೂವರು ವ್ಯಕ್ತಿಗಳು ಆಗಲೇ ನುಸುಳಿದ್ದರು. ಅಂಟಿನ ಟೇಪ್ ಮೂಲಕ ನನ್ನೊಂದಿಗೆ ಮಗುವನ್ನು ಸೇರಿಸಿ ಕಟ್ಟಿಹಾಕಿ ಎಲ್ಲವನ್ನು ಕದ್ದೊಯ್ದರು ಎಂದು ಹೇಳಿದ್ದಾರೆ.
ಅಲ್ಲದೆ, ದರೋಡೆಕೋರರು ಮಾಡೆಲ್ ಮೇಲೆ ದಾಳಿ ಸಹ ಮಾಡಿದ್ದಾರೆ. ದರೋಡೆಕೋರರು 40 ರಿಂದ 50 ವರ್ಷದೊಳಗಿನವರು. ಎಲ್ಲವನ್ನು ದೋಚಿ ಪರಾರಿಯಾದ ಬಳಿಕ ಹೇಗೋ ಟೇಪ್ನಿಂದ ಬಿಡಿಸಿಕೊಂಡು ಪೊಲೀಸರಿಗೆ ಕರೆ ಮಾಡಿ ಮಾಹಿತಿ ನೀಡಿದೆ. ಸ್ಥಳಕ್ಕೆ ಆಗಮಿಸಿದ ಪೊಲೀಸರು ಸಿಸಿಟಿವಿ ದೃಶ್ಯಾವಳಿ ಆಧಾರಿಸಿ ಸಾಕ್ಷಿ ಸಂಗ್ರಹ ಮಾಡಿದ್ದಾರೆಂದು ಮಾಡೆಲ್ ತಿಳಿಸಿದ್ದಾರೆ. (ಏಜೆನ್ಸೀಸ್)
