ಕರಾಚಿ: ಬಲೂಚಿಸ್ತಾನದಲ್ಲಿ ಸರ್ಕಾರಿ ಸ್ವಾಮ್ಯದ ಆಯಿಲ್ ಆ್ಯಂಡ್ ಗ್ಯಾಸ್ ಡೆವಲಪ್ಮೆಂಟ್ ಕಂಪನಿಯ ಕೆಲಸಗಾರರನ್ನು ಗ್ವಾದಾರ್ ಜಿಲ್ಲೆಯ ಒರ್ಮಾರಾ ಪಟ್ಟಣದಲ್ಲಿ ಕರೆದೊಯ್ಯುತ್ತಿರುವಾಗ ಉಗ್ರರು ದಾಳಿ ನಡೆಸಿದ್ದಾರೆ. ಪರಿಣಾಮ ಏಳು ಯೋಧರು ಸೇರಿ ಒಟ್ಟು 14 ಜನ ಸಾವನ್ನಪ್ಪಿದ್ದಾರೆ.
ಪಾಕಿಸ್ತಾನ ಸೇನೆಯ ಮಾಧ್ಯಮ ವಿಭಾಗ ಇಂಟರ್ ಸರ್ವೀಸ್ ಪಬ್ಲಿಕ್ ರಿಲೇಷನ್ಸ್ ಗುರುವಾರ ನಡೆದ ಈ ದಾಳಿಯ ವಿಚಾರವನ್ನು ಖಚಿತಪಡಿಸಿದೆ. ಈ ದಾಳಿ ಸಂದರ್ಭದಲ್ಲಿ ಪಾಕಿಸ್ತಾನದ ಸೆವೆನ್ ಫ್ರಂಟಿಯರ್ ಕಾರ್ಪ್ಸ್ ನ ಏಳು ಯೋಧರು ಮತ್ತು ಖಾಸಗಿ ಸೆಕ್ಯುರಿಟಿ ಸಂಸ್ಥೆಯ ಏಳು ಗಾರ್ಡ್ಗಳು ಮೃತಪಟ್ಟಿದ್ದಾರೆ.
ಇದನ್ನೂ ಓದಿ: ಕರೊನಾ ಕರಿನೆರಳಿನಲ್ಲಿ ನಾಡಹಬ್ಬ ದಸರಾ, ನಾಳೆ ವಿಧ್ಯುಕ್ತ ಚಾಲನೆ
ಉಗ್ರರು ಒರ್ಮಾರ ಸಮೀಪದಲ್ಲಿ ಬಲೂಚಿಸ್ತಾನ-ಹಬ್ ಕಚಾರಿ ಕೋಸ್ಟಲ್ ಹೈವೇಯ ಹತ್ತಿರ ಬೆಟ್ಟ ಮೇಲಿಂದ ಕಾವಲುಪಡೆ ಮೇಲೆ ದಾಳಿ ನಡೆಸಿದ್ದರು. ಪರಸ್ಪರ ಗುಂಡಿನ ದಾಳಿ ಆಗಿದೆ. ದಾಳಿಯ ಸಂದರ್ಭದಲ್ಲಿ ಕಾರ್ಮಿಕರು ಯಾರೂ ಇರಲ್ಲಿಲ್ಲ. ಈ ಬೆಂಗಾವಲು ಪಡೆಯವರು ಅವರನ್ನು ತೈಲ ಪ್ಲಾಂಟ್ಗೆ ಬಿಟ್ಟು ಬರುತ್ತಿದ್ದ ವೇಳೆ ದಾಳಿ ನಡೆದಿರುವಂಥದ್ದು. ಉಳಿದವರೆಲ್ಲ ಸುರಕ್ಷಿತವಾಗಿದ್ದಾರೆ ಎಂದು ಅಧಿಕಾರಿಗಳು ಸ್ಪಷ್ಟಪಡಿಡಸಿದ್ದಾರೆ. (ಏಜೆನ್ಸೀಸ್)
ಹೊಸ ವರ್ಷ ಆರಂಭವಾಗ್ತಾ ಇದ್ದಂಗೆ ಕಾಂಗ್ರೆಸ್ ಪಕ್ಷಕ್ಕೆ ಹೊಸ ಅಧ್ಯಕ್ಷರು* ಬರ್ತಾರಂತೆ!