ನವದೆಹಲಿ: ಮೆಟಾ ಸಿಇಒ ಮಾರ್ಕ್ ಜುಕರ್ಬರ್ಗ್ ಮೊಣಕಾಲು ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದಾರೆ. ಮಿಕ್ಸೆಡ್ ಮಾರ್ಷಲ್ ಆರ್ಟ್ಸ್ ಸ್ಪರ್ಧೆಗೆ ತರಬೇತಿ ನೀಡುತ್ತಿರುವಾಗ ಮೊಣಕಾಲಿನ ಗಾಯ ಮಾಡಿಕೊಂಡಿರುವುದಾಗಿ ಜುಕರ್ಬರ್ಗ್ ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದಾರೆ.
ಮೊಣಕಾಲಿನ ಗಾಯಕ್ಕೆ ಜುಕರ್ಬರ್ಗ್ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರು. ಆಸ್ಪತ್ರೆಯ ಬೆಡ್ನಲ್ಲಿ ಬ್ಯಾಂಡೇಜ್ ಹಾಕಿರುವ ಎಡಗಾಲಿನ ಫೋಟೋಗಳನ್ನು ಜುಕರ್ಬರ್ಗ್ ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದಾರೆ. ಮಿಕ್ಸೆಡ್ ಮಾರ್ಷಲ್ ಆರ್ಟ್ಸ್ ಸ್ಪರ್ಧೆಗೆ ತರಬೇತಿ ವೇಳೆ ಗಾಯ ಸಂಭವಿಸಿದೆ ಎನ್ನಲಾಗಿದೆ.
ಜುಕರ್ಬರ್ಗ್ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಪೋಸ್ಟ್ ಮಾಡಿದ್ದಾರೆ, ‘ಮೊಣಕಾಲಿನ ಗಾಯದಿಂದ ಶಸ್ತ್ರಚಿಕಿತ್ಸೆಯಿಂದ ಬದುಕುಳಿದೆ. ವೈದ್ಯಕೀಯ ತಂಡವು ನನ್ನ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸಿದ್ದಕ್ಕೆ ಧನ್ಯವಾದಗಳು. ಮುಂದಿನ ವರ್ಷದ ಆರಂಭದಲ್ಲಿ ಎಂಎಂಎ ಹೋರಾಟಕ್ಕೆ ತರಬೇತಿ ನೀಡುತ್ತಿದ್ದೇನೆ. ಆದರೆ ಈಗ ಸ್ವಲ್ಪ ತಡವಾಗಿದೆ. ಗಾಯದಿಂದ ಸಂಪೂರ್ಣವಾಗಿ ಚೇತರಿಸಿಕೊಂಡ ನಂತರ ಮತ್ತೆ ತರಬೇತಿ ಪ್ರಾರಂಭಿಸುತ್ತೇನೆ. ಈ ಸಮಯದಲ್ಲಿ ಪ್ರೀತಿ ಮತ್ತು ಬೆಂಬಲ ನೀಡಿದ ಎಲ್ಲರಿಗೂ ಧನ್ಯವಾದಗಳು.
ಸ್ಟ್ಯಾನ್ಫೋರ್ಡ್ ಮೆಡಿಸಿನ್ ಪ್ರಕಾರ, ACL ಶಸ್ತ್ರಚಿಕಿತ್ಸೆಯಿಂದ ಸಂಪೂರ್ಣವಾಗಿ ಚೇತರಿಸಿಕೊಳ್ಳಲು ಹಲವಾರು ತಿಂಗಳುಗಳನ್ನು ತೆಗೆದುಕೊಳ್ಳುತ್ತದೆ. ಇದು ಸರಿಸುಮಾರು 9 ರಿಂದ 12 ತಿಂಗಳುಗಳನ್ನು ತೆಗೆದುಕೊಳ್ಳುತ್ತದೆ ಎಂದು ನಿರೀಕ್ಷಿಸಲಾಗಿದೆ. ನೆಟಿಜನ್ಗಳು ಜುಕರ್ಬರ್ಗ್ ಶೀಘ್ರದಲ್ಲೇ ಗುಣಮುಖ ಆಗಲಿ ಎಂದು ಹಾರೈಸಿದ್ದಾರೆ.
VIDEO | ‘ಪೆನ್ ಮ್ಯಾನ್ ಆಫ್ ಒಡಿಶಾ’ ಈತನ ಬಳಿ ಇದೆ ಸಾವಿರಾರು ಪೆನ್ನುಗಳ ಸಂಗ್ರಹ…