ಚೀನಾ: ಡೀಪ್‌ಫೇಕ್ ತಂತ್ರಜ್ಞಾನವನ್ನು ಬಳಸಿಕೊಂಡು ವ್ಯಕ್ತಿಯೊಬ್ಬರು ಅಂತರ್ಜಾಲದಲ್ಲಿ ಸಾಕಷ್ಟು ಚಪ್ಪಾಳೆ ಗಿಟ್ಟಿಸಿಕೊಳ್ಳುತ್ತಿದ್ದಾರೆ. ಹೌದು, ಈ ವ್ಯಕ್ತಿ ತನ್ನ ಅಜ್ಜಿಯೊಂದಿಗೆ ತನ್ನ ಮಗನಂತೆ ನಟಿಸುತ್ತಿದ್ದರು. ಯಾಕೆ ಹೀಗೆ ಮಾಡಿದ್ದು ಎಂದು ನಿಮಗೂ ಆಶ್ಚರ್ಯವಾಗುತ್ತಿರಬಹುದು. ಇದರ ಹಿಂದಿನ ಕಾರಣ ತಿಳಿದಾಗ ನೀವೂ ಖಂಡಿತ ಹೊಗಳುತ್ತೀರಿ.
91 ವರ್ಷದ ಅಜ್ಜಿಗೆ ತನ್ನ ಮಗ ಈ ಜಗತ್ತಿನಲ್ಲಿ ಇಲ್ಲ ಎಂದು ಗೊತ್ತಿರುವುದಿಲ್ಲ. ಚೀನಾದ ಈಶಾನ್ಯ ಪ್ರಾಂತ್ಯದ ಲಿಯಾನಿಂಗ್‌ನಿಂದ ಸನ್ ಎಂಬ ಉಪನಾಮ ಹೊಂದಿರುವ ವ್ಯಕ್ತಿಯೊಬ್ಬರ ತಂದೆ ಆರು ತಿಂಗಳ ಹಿಂದೆ ಅಪರೂಪದ ಕ್ಯಾನ್ಸರ್‌ನಿಂದ ನಿಧನರಾದರು. ಅಂದಿನಿಂದ ಅವರು ಮತ್ತು ಅವರ ಕುಟುಂಬದವರು ಅಜ್ಜಿಯಿಂದ ಸತ್ಯವನ್ನು ಮರೆಮಾಚುತ್ತಿದ್ದರು.
ಸೌತ್ ಚೈನಾ ಮಾರ್ನಿಂಗ್ ಪೋಸ್ಟ್ ಪ್ರಕಾರ, ತನ್ನ ಮಗ ಸತ್ತನೆಂದು ತಿಳಿದಿರದ ತನ್ನ ಅಜ್ಜಿಯನ್ನು ಸಾಂತ್ವನ ಮಾಡಲು ಮೊಮ್ಮಗ ಡೀಪ್‌ಫೇಕ್ ತಂತ್ರಜ್ಞಾನವನ್ನು ಬಳಸಿದ್ದಾನೆ. ಅಜ್ಜಿಗೆ ತಮ್ಮ ಮಗನಿಗೆ ಗಂಭೀರ ಹೃದಯ ಕಾಯಿಲೆ ಇದೆ ಎಂದು ಮೊಮ್ಮಗ ಹೇಳಿದ್ದಾನೆ.
ಮೊಮ್ಮಗನು ತಂದೆ ಬೀಜಿಂಗ್‌ನ ದೊಡ್ಡ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ನಾನು ಮೊದಲು ಅಜ್ಜಿಗೆ ಸುಳ್ಳು ಹೇಳಿದೆ. ಹಾಗಾಗಿ ನಾನು ಅಲ್ಲಿಯೇ ಉಳಿಯಬೇಕೆಂದೆ. ಆದರೆ ಅಜ್ಜಿ ಮಗನನ್ನು ನೋಡಬೇಕೆಂದು ಒತ್ತಾಯಿಸಿದಾಗ, ನಾನು ತಂದೆ ಇದ್ದಾರೆಂದು ನಿರೂಪಿಸಲು ಕೃತಕ ಬುದ್ಧಿಮತ್ತೆಯನ್ನು ಬಳಸಬೇಕಾಯಿತು ಎಂದು ತಿಳಿಸಿದ್ದಾನೆ.
ವರದಿಯ ಪ್ರಕಾರ, ಮೊಮ್ಮಗ ಹಳೆಯ ಛಾಯಾಚಿತ್ರಗಳು ಮತ್ತು ಫೇಸ್ ಸ್ವಾಪ್ ಸಾಫ್ಟ್‌ವೇರ್ ಬಳಸಿ ತನ್ನ ತಂದೆಯ ಮುಖವನ್ನು ತನ್ನ ಮುಖಕ್ಕೆ ಅಳವಡಿಸಿಕೊಂಡಿದ್ದಾನೆ. ನಂತರ ಎಐ ತಂತ್ರಜ್ಞಾನದ ಸಹಾಯದಿಂದ ತಂದೆಯ ಧ್ವನಿಯನ್ನೂ ನಕಲು ಮಾಡಿದ್ದಾನೆ. ಮೊಮ್ಮಗ ತನ್ನ ಅಜ್ಜಿಯೊಂದಿಗೆ ಮಾತನಾಡುವ ಈ ವಿಡಿಯೋ ಕೂಡ ವೈರಲ್ ಆಗಿದ್ದು, ಅದರಲ್ಲಿ ಅವನು ತಂದೆಯಂತೆ ನಟಿಸುತ್ತಾನೆ ಮತ್ತು ಅಜ್ಜಿಗೆ ಹೇಳುತ್ತಾನೆ, ನಾನು ಬೀಜಿಂಗ್‌ನಲ್ಲಿ ಚೆನ್ನಾಗಿದ್ದೇನೆ. ಚಿಕಿತ್ಸೆ ಕಷ್ಟವಾದರೂ ಈಗ ನಿಯಂತ್ರಣದಲ್ಲಿದೆ ಎಂದು ವೈದ್ಯರು ತಿಳಿಸಿದ್ದಾರೆಂದು.
ಈ ವಿಡಿಯೋ ಚೀನಾದ ಸಾಮಾಜಿಕ ಜಾಲತಾಣ ಡೌಯಿನ್‌ನಲ್ಲಿ ವೈರಲ್ ಆಗಿದೆ. @Zaixisancai ಖಾತೆಯಿಂದ ಹಂಚಿಕೊಳ್ಳಲಾದ ವಿಡಿಯೋ ಕ್ಲಿಪ್ ಇದುವರೆಗೆ 50 ಲಕ್ಷಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಪಡೆದುಕೊಂಡಿದೆ. ಬಳಕೆದಾರರು “ಡೀಪ್‌ಫೇಕ್ ತಂತ್ರಜ್ಞಾನದ ಪರಿಪೂರ್ಣ ಬಳಕೆ”, “ಮೊಮ್ಮಗ ಹೃದಯವನ್ನು ಗೆದ್ದನು” ಎಂದೆಲ್ಲಾ ಕಾಮೆಂಟ್ ಮಾಡಿದ್ದಾರೆ.
ವೆಜ್ v/s ನಾನ್ ವೆಜ್: ಭಾರತದಲ್ಲಿ ಜನರು ಯಾವುದನ್ನು ತಿನ್ನಲು ಹೆಚ್ಚು ಇಷ್ಟಪಡುತ್ತಾರೆ?