ನವದೆಹಲಿ: ಎರಡನೇ ವಿಶ್ವಯುದ್ಧ ಸಂದರ್ಭದ ಸಜೀವ ಬಾಂಬ್ವೊಂದನ್ನು ಇಲ್ಲೊಬ್ಬ ಭೂಪ ಆನ್ಲೈನ್ನಲ್ಲಿ ಮಾರಾಟಕ್ಕಿಟ್ಟಿದ್ದ. ಆದರೆ ಅದನ್ನು ಗಮನಿಸಿ ಎಚ್ಚರಿಕೆ ಕೊಟ್ಟ ಅಧಿಕಾರಿಗಳು, ಆತನ ಮನೆಯನ್ನು ಪತ್ತೆ ಹಚ್ಚಿ ಆತನನ್ನು ವಶಕ್ಕೆ ಪಡೆದಿದ್ದಾರೆ.
51 ವರ್ಷದ ಮಾರ್ಕ್ ವಿಲಿಯಮ್ಸ್ ಎಂಬ ಈತ ಮೆಟಲ್ ಡಿಟೆಕ್ಟರ್ ಆಗಿದ್ದು, ಇಂಗ್ಲೆಂಡ್ನ ಹ್ಯಾಂಪ್ಶೈರ್ನ ಸ್ವೇಥ್ಲಿಂಗ್ನಲ್ಲಿರುವ ಸಹೋದರನ ಮನೆ ಬಳಿ ಸಿಕ್ಕ ಈ ಬಾಂಬ್ಅನ್ನು ಇ-ಬೇನಲ್ಲಿ ಮಾರಾಟಕ್ಕಿಟ್ಟಿದ್ದ. ಇದನ್ನು ಗಮನಿಸಿದ ಅಲ್ಲಿಯ ಸೇನೆಗೆ ಸಂಬಂಧಿತ ಅಧಿಕಾರಿ ರಾಲ್ಫ್ ಶೆರ್ವಿನ್ ಎಚ್ಚರಿಕೆ ನೀಡಿದ್ದರೂ ಈತ ಅದರ ಮಾರಾಟದಿಂದ ಹಿಂದಕ್ಕೆ ಸರಿದಿರಲಿಲ್ಲ.
ಶೆರ್ವಿನ್ ಎಂಬಾತ ಇದರ ಖರೀದಿಗೆ ಮುಂದಾಗಿದ್ದು, ಜೀವಂತ ಬಾಂಬ್ ಎಂಬುದು ಖಚಿತವಾಗುತ್ತಿದ್ದಂತೆ ಪೊಲೀಸರಿಗೆ ಮಾಹಿತಿ ನೀಡಿದ್ದ. ಪೊಲೀಸರು ಇ-ಬೇ ಮೂಲಕ ಆತನ ಮನೆಯನ್ನು ಪತ್ತೆ ಹಚ್ಚಿ, ಪರಿಣತರೊಂದಿಗೆ ತೆರಳಿ, ಅಲ್ಲಿದ್ದ ಮನೆಯವರನ್ನು ತೆರವುಗೊಳಿಸಿ, ಬಾಂಬ್ ನಿಷ್ಕ್ರಿಯಗೊಳಿಸಿದ್ದಲ್ಲದೆ ಮಾರಾಟಕ್ಕಿಟ್ಟವನನ್ನು ಬಂಧಿಸಿದ್ದಾರೆ.
ಕಾಮಗಾರಿ ಹಂತದಲ್ಲಿದ್ದ ಕಟ್ಟಡ ಕುಸಿತ, ಒಬ್ಬ ಸ್ಥಳದಲ್ಲೇ ಸಾವು; ಇನ್ನೊಬ್ಬ ಆಸ್ಪತ್ರೆಗೆ ಕೊಂಡೊಯ್ಯುವಾಗ ನಿಧನ..
ಕರೊನಾ ಲಸಿಕೆ ಹಾಕಿಸಿಕೊಳ್ಳುವ ಕುರಿತು ನಿಮ್ಮಲ್ಲಿ ಈ ಗೊಂದಲಗಳಿವೆಯೇ? ಹಾಗಿದ್ದರೆ ಇಲ್ಲಿವೆ ನೋಡಿ ಸ್ಪಷ್ಟೀಕರಣ…