ಬೆಂಗಳೂರು: ಸದ್ಯ ದೇಶದಲ್ಲಿ ಕರೊನಾ ಸೋಂಕು ವ್ಯಾಪಿಸುತ್ತಿರುವ ಪರಿ ನೋಡಿದರೆ ಜನರಿಗೆ ಭಯವಾಗದೇ ಇರದು. ಇಂಥ ಭಯವನ್ನೇ ಬಂಡವಾಳ ಮಾಡಿಕೊಂಡು ವಂಚಿಸುವವರು ಹುಟ್ಟಿಕೊಂಡಿದ್ದಾರೆ.
ಕರೊನಾ ಟೆಸ್ಟ್ ಮಾಡಿಸಿಕೊಳ್ಳಿ, ನಿಶ್ಚಿಂತೆಯಿಂದ ಇರಿ; ಮನೆಗೇ ಬಂದು ಸ್ಯಾಂಪಲ್ ಕಲೆಕ್ಟ್ ಮಾಡಿಕೊಳ್ತೇವೆ ಎಂದು ಆನ್ಲೈನ್ ಜಾಹೀರಾತು ನೋಡಿದ ಹಲವರು ಮೋಸ ಹೋಗಿದ್ದಾರೆ.
ಇದನ್ನೂ ಓದಿ; ಚಿನ್ನ ಕಳ್ಳಸಾಗಣೆಯಿಂದ ಗಳಿಸಿದ್ದನ್ನೆಲ್ಲ ಬಚ್ಚಿಟ್ಟಿದ್ದೆಲ್ಲಿ ಸ್ವಪ್ನಾ ಸುರೇಶ್?
ಜಾಹೀರಾತಿನಲ್ಲಿ ನೀಡಿದ್ದ ದೂರವಾಣಿ ಸಂಖ್ಯೆಗೆ ಕರೆ ಮಾಡಿದ ಹಲವರು, ಮನೆಗೆ ಬಂದು ಸ್ಯಾಂಪಲ್ ಕಲೆಕ್ಟ್ ಮಾಡಿಕೊಳ್ಳಲು ಹೇಳಿದ್ದಾರೆ. ಅದರಂತೆ ವ್ಯಕ್ತಿಯೊಬ್ಬ ಬಂದು ಗಂಟಲು ದ್ರವ ಮಾದರಿ ಸಂಗ್ರಹಿಸಿಕೊಂಡಿದ್ದಾನೆ. ಪ್ರತಿಯೊಬ್ಬರಿಂದಲೂ 5,500 ರೂ. ಪಡೆದುಕೊಂಡಿದ್ದಾನೆ. ಬಳಿಕ ಯಾವುದೇ ವರದಿ ನೀಡದೇ ವಂಚಿಸಿದ್ದಾನೆ.
ಸಿಟಿ ಸ್ಕ್ಯಾನ್ ಟೆಕ್ನಿಷಿಯನ್ ಆಗಿದ್ದ ಶಿವರಾತ್ರಿ ವಿಷ್ಣು ಎಂಬಾತನ ಕೃತ್ಯವಿದು. ಹೈಧರಾಬಾದ್ನ ನಿಜಾಮ್ಪೇಟ್ ನಿವಾಸಿಯಾಗಿದ್ದು, ಸದ್ಯ ಈತನ ವಿರುದ್ಧ 10ಕ್ಕೂ ಅಧಿಕ ಜನರು ದೂರು ದಾಖಲಿಸಿದ್ದಾರೆ. ಶುಕ್ರವಾರ ಸೈಬರಾಬಾದ್ ಪೊಲೀಸರು ಈತನನ್ನು ಬಂಧಿಸಿದ್ದಾರೆ.
ಸುಲಭವಾಗಿ ಹಣ ಸಂಪಾದಿಸಲು ಈ ವಂಚನೆಯ ಮಾರ್ಗ ಹಿಡಿದಿದ್ದಾಗಿ ಆತ ಪೊಲೀಸರೆದುರು ಒಪ್ಪಿಕೊಂಡಿದ್ದಾನೆ.
https://www.vijayavani.net/he-used-matrimony-sites-to-cheat-women/